சார்ஜ் போட்டா ரெண்டு நாள் நிக்குமாம்! 7000mAh பேட்டரி.. இது வேற லெவல் போன் பாஸ்! ரியல்மி GT 8 ப்ரோ விற்பனை ஆரம்பம்!

Realme GT 8 ரியல்மி GT 8 ப்ரோ விற்பனை தொடங்கியது! 7000mAh பேட்டரி, 200MP கேமரா மற்றும் அஸ்டன் மார்ட்டின் எடிஷன். விலை மற்றும் சலுகை விவரங்கள் உள்ளே.

Image Credit : Gemini

Realme GT 8

இந்தியாவில் விற்பனைக்கு வந்தது 'Realme GT 8 Pro'! போட்டோகிராபி பிரியர்களுக்கு ஒரு விருந்து!

ரியல்மி நிறுவனம் தனது மிகவும் எதிர்பார்க்கப்பட்ட ஃபிளாக்ஷிப் ஸ்மார்ட்போனான Realme GT 8 Pro மற்றும் GT 8 Pro Dream Edition ஆகியவற்றை இந்தியாவில் விற்பனைக்குக் கொண்டு வந்துள்ளது. நவம்பர் 25 முதல் இந்த விற்பனை தொடங்கியுள்ளது. ரியல்மி இணையதளம், பிளிப்கார்ட் மற்றும் முக்கிய ரீடைல் கடைகளில் இந்த போன்களை வாங்கலாம்.

Image Credit : realme.com

விலை மற்றும் அதிரடி சலுகைகள்

வாடிக்கையாளர்களைக் கவரும் வகையில் அறிமுகச் சலுகைகளுடன் இந்த போன் களமிறங்கியுள்ளது.

• GT 8 Pro (12GB+256GB): இதன் அசல் விலை ரூ.72,999. ஆனால் வங்கிச் சலுகைகளுடன் ரூ.67,999-க்கு வாங்கலாம்.

• GT 8 Pro (16GB+512GB): இதன் ஆஃபர் விலை ரூ.73,999.

• Dream Edition (16GB+512GB): அஸ்டன் மார்ட்டின் எடிஷனின் விலை ரூ.79,999. இதற்கு 12 மாதங்கள் வரை வட்டியில்லாத் தவணை முறை (No-cost EMI) வசதியும் உள்ளது.

Image Credit : realme.com

உலகிலேயே முதல் முறையாக 'RICOH GR' கேமரா சிஸ்டம்

இந்த போனின் மிக முக்கிய சிறப்பம்சம் அதன் கேமரா தான். பிரபல கேமரா நிறுவனமான RICOH உடன் இணைந்து 4 ஆண்டுகள் உழைத்து இந்த கேமரா சிஸ்டத்தை உருவாக்கியுள்ளனர்.

• இதில் 200MP டெலிபோட்டோ கேமரா உள்ளது.

• 'Snap Focus' என்ற வசதி மூலம் கண் இமைக்கும் நேரத்தில் போட்டோ எடுக்கலாம். தெருவோரப் புகைப்படங்கள் (Street Photography) எடுப்பதற்கு இது மிகச்சிறந்தது.

Image Credit : realme.com

மிரட்டலான 7000mAh டைட்டன் பேட்டரி

ஸ்மார்ட்போன் வரலாற்றிலேயே ஒரு மைல்கல்லாக, இதில் பிரம்மாண்டமான 7000mAh பேட்டரி வழங்கப்பட்டுள்ளது.

• இது 120W ஃபாஸ்ட் சார்ஜிங் வசதியை சப்போர்ட் செய்யும்.

• 50W வயர்லெஸ் சார்ஜிங் வசதியும் உண்டு.

ஒரு முறை சார்ஜ் செய்தால் 20 மணிநேரம் தொடர்ந்து வீடியோ பார்க்கலாம் அல்லது 8 மணிநேரம் கேம் விளையாடலாம் என்று ரியல்மி கூறுகிறது.

Image Credit : realme.com

டிசைனை நீங்களே மாற்றிக்கொள்ளலாம்!

உலகிலேயே முதல் முறையாக 'Switchable Camera Bump' என்ற புதிய டிசைன் தொழில்நுட்பத்தை ரியல்மி அறிமுகப்படுத்தியுள்ளது. அதாவது, போனின் பின்பக்கம் உள்ள கேமரா டிசைனை (வட்டம், சதுரம் அல்லது தீம் அடிப்படையில்) நமக்கு பிடித்தது போல மாற்றிக்கொள்ள முடியும். இது பயனர்களுக்கு ஒரு தனித்துவமான அனுபவத்தைத் தரும்.

Image Credit : realme.com

கார் பிரியர்களுக்காக 'Dream Edition'

ஃபார்முலா 1 கார் பந்தய அணியான Aston Martin Aramco உடன் இணைந்து 'Dream Edition' என்ற சிறப்பு மாடலையும் வெளியிட்டுள்ளனர். இது ரேசிங் கிரீன் நிறத்தில், அஸ்டன் மார்ட்டின் லோகோவுடன் பார்ப்பதற்கே மிக ராயலாக வடிவமைக்கப்பட்டுள்ளது.

ஹை-எண்ட் கேமிங் மற்றும் போட்டோகிராபி அனுபவத்தை விரும்பும் பயனர்களுக்கு, இந்த Realme GT 8 Pro ஒரு சிறந்த தேர்வாக இருக்கும்.