வலியில்லா உடல் பரிசோதனை! முகத்தை பார்த்து நோயை சொல்லும் "AI"
குயிக் வைட்டல்ஸ் செயலி, முகத்தை ஸ்கேன் செய்து 20 வினாடிகளில் ரத்த அழுத்தம், ஹீமோகுளோபின் உள்ளிட்ட முக்கிய சுகாதார அளவீடுகளை அளிக்கிறது. இந்த தொழில்நுட்பம் ஊசி, ரத்த மாதிரிகள் இல்லாமல் நோயறிதல் சாத்தியமாக்குகிறது.
வழிகாட்டும் செயற்கை நுண்ணறிவு
மருத்துவத்துறையில் செயற்கை நுண்ணறிவு (ஏஐ) புதிய வரலாறுகளை எழுதிக்கொண்டிருக்கிறது. தற்போதைய வளர்ச்சி, உடலைத் தொடாமல் உடல் நிலையை அறிந்து கொள்ளும் திறனை மருத்துவர்களுக்கு அளித்துள்ளது. இதற்கு முக்கிய உதாரணமாக, குயிக் வைட்டல்ஸ் என்ற புதிய செயலியைச் சுட்டிக் காட்டலாம். இந்த செயலி, ப்ரீதி பரிசோதனை முறைகளின் சவால்களைத் தாண்டி, மிக எளிமையாக முக்கிய சுகாதாரக் கண்காணிப்புகளை மேற்கொள்ள வழிகாட்டுகிறது.
முகம் பார்த்து அகம் சொல்லும்
இந்த கருவியின் செயல்பாடு சற்று வித்தியாசமானது. நமது முகத்தைப் பதிவு செய்யும் சிறிய கேமரா, வெறும் 20 வினாடிகளில் பல்வேறு அறிவியல் தரவுகளைப் படிக்கும். இதில், ரத்த அழுத்தம், ஹீமோகுளோபின், இதயத்துடிப்பு, சுவாசத்தின் வேகம், ஆக்சிஜன் செறிவு, மன அழுத்த அளவு போன்ற பல்வேறு பரிமாணங்களை கண்டறிய முடிகிறது. இதற்கு போட்டோபிளெதிஸ்மோகிராபி (PPG) என்ற தொழில்நுட்பம் பயன்படுகிறது. ஒளிச்சுடரின் பிரதிபலிப்பை வாசித்து, உடலுக்குள் உள்ள திரவங்களின் இயக்கத்தை கண்காணிக்க இது உதவுகிறது.
இந்திய மருத்துவத்துறை சாதனை
2024-ஆம் ஆண்டு அறிமுகமான இந்த கருவி, முதன்முதலில் ஹைதராபாத்தில் உள்ள அரசு நிலோபர் மருத்துவமனையில் பயன்படுத்தப்பட்டது. குறிப்பாக, கர்ப்பிணிப் பெண்களில் இரும்புச்சத்து குறைபாடு போன்ற நிலைகளை விரைவில் கண்டறிந்து சிகிச்சை தருவதற்கான முயற்சியில் இது முதன்மையாகப் பங்கெடுத்தது. பின்னர், மகாராஷ்டிரா உள்ளிட்ட பிற மாநிலங்களிலும் இந்த கருவியை நடைமுறைப்படுத்தும் பணி தீவிரமாக நடைபெற்று வருகிறது.
செலவும் குறையும்
இந்த கருவியின் ஒரு முக்கிய தன்மை, ரத்த மாதிரிகள், ஊசிகள் இல்லாமல் முடிவுகளை அளிப்பது. இதனால் சுகாதார பீதியோ, தொற்று ஆபத்தோ இல்லாமல் பரிசோதனையை மேற்கொள்ள முடிகிறது. ஒருமுறைக்கே பயன்படுத்தும் கருவிகளின் செலவையும் இது குறைக்கிறது. மேலும், இந்தியாவில் நிலவும் ரத்த சோகை, குழந்தைகள் சீரழிவு போன்ற பிரச்சினைகளை முதற்கட்டத்திலேயே அறிந்து கவனிக்க உதவுகிறது.
செம வேகம்! மருத்துவர்கள் வரவேற்பு
குயிக் வைட்டல்ஸ் கருவியை உருவாக்கிய பிசாம் பார்மசூட்டிகல்ஸ் நிறுவனம் கூறியது போல, “ஒரே நிமிடத்தில் மருத்துவ பரிந்துரை அளிக்க இது உதவுகிறது.” இதன் துல்லியம், உலக சுகாதார கூட்டமைப்பின் தர அளவுகளுக்கு இணையானதாகக் கருதப்படுகிறது.
மருத்துவத்தில் ஏஐ கருவிகள்
அரசாங்கம் மற்றும் பல சுகாதார அமைப்புகள், இந்த சாதனத்தை ஊக்குவித்து, இந்தியாவின் தொலைதூர பகுதிகளிலும் அடிப்படை சுகாதார சேவைகளை விரிவாக்க முடிவு செய்துள்ளன. எதிர்காலத்தில் இதுபோன்ற ஏஐ கருவிகள் மருத்துவத்தில் வேகமான, எளிமையான மாற்றங்களை கொண்டு வரும் என எதிர்பார்க்கப்படுகிறது.