ஜியோ, ஏர்டெல்லுக்கு பயத்தை காட்டிய பிஎஸ்என்எல்.. விஐ கதி அதோகதிதான்.!

டிராய் வெளியிட்ட அக்டோபர் 2025 புள்ளிவிவரங்களின்படி, ஜியோ மற்றும் ஏர்டெல் அதிக புதிய பயனர்களைப் பெற்றுள்ளன. வோடபோன் ஐடியா (Vi) 20 லட்சத்திற்கும் அதிகமான பயனர்களை இழந்து பெரும் பின்னடைவைச் சந்தித்துள்ளது.

Image Credit : X

டிராய் வெளியிட்ட அக்டோபர் 2025 தொலைத்தொடர்பு புள்ளிவிவரங்கள் இந்தியாவின் டெலிகாம் போட்டியை தெளிவாகக் காட்டுகின்றன. எந்த நிறுவனத்துக்கு புதிய பயனர்களின் ஆதரவு கிடைத்தது? யாருக்கு பின்னடைவு ஏற்பட்டது? என்பதை இந்த அறிக்கை விளக்குகிறது. மொத்த வயர்லெஸ் சந்தாதாரர்கள் எண்ணிக்கையில் அக்டோபர் மாதத்தில் சிறிய அளவில் உயர்வு பதிவாகியுள்ளது.

Image Credit : Getty

BSNL-க்கு இந்த மாதம் நல்ல முன்னேற்றம் ஏற்பட்டது. அக்டோபரில் 2.69 லட்சம் புதிய பயனர்கள் BSNL நெட்வொர்க்கில் இணைந்தனர். MTNL-ஐ சேர்த்து கணக்கிட்டால், BSNL தனது இந்திய வயர்லெஸ் சந்தைப் பங்கை 7.92% ஆக உயர்த்தியுள்ளது. இதே நேரத்தில், ஜியோ தனது வலுவான பயனர் சேர்க்கை வேகத்தைத் தொடர்ந்தது. செப்டம்பரில் குறைவு இருந்தபோதிலும், அக்டோபரில் 19.97 லட்சம் புதிய பயனர்களை சேர்த்தது. தற்போது Jio-வின் மொத்த வயர்லெஸ் பயனர் அடிப்படை சுமார் 48.47 கோடி என்று TRAI தகவல் தெரிவிக்கிறது, இதன் மாதாந்திர வளர்ச்சி வீதம் 0.41%.

Image Credit : Google

மாறாக, வோடபோன் ஐடியா (Vi)க்கு இது மிகவும் மோசமான மாதமாக இருந்தது. அக்டோபரில் Vi 20.83 லட்சத்திற்கும் அதிகமான பயனர்களை இழந்தது. அதன் மொத்த வயர்லெஸ் பயனர்களின் எண்ணிக்கை செப்டம்பரில் 20.28 கோடியாக இருந்தது; அக்டோபரில் அது 20.07 கோடிக்கு குறைந்தது. இதன் விளைவாக Vi-யின் சந்தைப் பங்கு 17.13% ஆக மேலும் சரிந்தது.

Image Credit : social media

Airtel-க்கும் இந்த மாதம் நல்ல முன்னேற்றம் கிடைத்தது. 12.52 லட்சம் புதிய சந்தாதாரர்களைப் பெற்றதால், Airtel-ன் மொத்த பயனர் அடிப்படை 39.37 கோடியாக உயர்ந்தது. இதன் சந்தைப் பங்கு இப்போது 33.59% ஆக மாறியுள்ளது. மொத்தத்தில், செப்டம்பர் இறுதியில் 118.23 கோடி பயனர்கள் இருந்த வயர்லெஸ் வலையமைப்பு, அக்டோபர் இறுதியில் 118.46 கோடியாக உயர்ந்தது — 0.19% மாதாந்திர வளர்ச்சியைக் காட்டுகிறது.