ஜியோ, வோடபோன் யூசரா நீங்க?.. ஜூன் மாதம் வரும் பெரிய ஆபத்து! ரீசார்ஜ் விலை 15% உயர்கிறது?

Mobile Recharge ஜூன் 2026 முதல் செல்போன் ரீசார்ஜ் கட்டணம் 15% உயரவுள்ளது. ஜியோ, வோடபோன் ஐடியா பயனர்களுக்கு இதனால் ஏற்படும் பாதிப்புகள் பற்றிய முழு விவரம்.

Image Credit : Gemini

Mobile Recharge

செல்போன் வாடிக்கையாளர்களுக்கு மீண்டும் ஒரு அதிர்ச்சி செய்தி காத்துக்கொண்டிருக்கிறது. கடந்த இரண்டு ஆண்டுகளாகப் பெரிய அளவில் மாற்றமில்லாமல் இருந்த ரீசார்ஜ் கட்டணங்கள், வரும் ஜூன் 2026 முதல் மீண்டும் உயரவுள்ளதாகத் தகவல்கள் வெளியாகியுள்ளன. டெலிகாம் நிறுவனங்கள் சுமார் 15 சதவீதம் வரை கட்டணத்தை உயர்த்தத் திட்டமிட்டுள்ளதாக ஜெஃப்ரீஸ் (Jefferies) நிறுவனத்தின் அறிக்கை தெரிவிக்கிறது.

Image Credit : ChatGPT

ஜூன் 2026-ல் விலை உயர்வு ஏன்?

ஜெஃப்ரீஸ் அறிக்கையின்படி, இந்தியாவின் மொபைல் கட்டணங்கள் ஜூன் 2026-ல் 15 சதவீதம் அதிகரிக்க வாய்ப்புள்ளது. கடைசியாகக் கட்டண மாற்றம் செய்யப்பட்டு இரண்டு ஆண்டுகள் நிறைவடைவதையொட்டி, வரலாற்று ரீதியாகத் துறை சார்ந்த போக்குகளைக் கருத்தில் கொண்டு இந்த மாற்றம் கணிக்கப்பட்டுள்ளது. வெறும் விலை உயர்வு மட்டுமல்லாமல், டேட்டா பயன்பாட்டின் அதிகரிப்பு மற்றும் போஸ்ட்பெய்ட் திட்டங்களுக்கு மாறும் வாடிக்கையாளர்களின் எண்ணிக்கை அதிகரிப்பு ஆகியவை ஒரு பயனரிடமிருந்து கிடைக்கும் சராசரி வருவாயை (ARPU) உயர்த்தும் எனக் கூறப்படுகிறது.

Image Credit : Gemini

வருவாய் வளர்ச்சியில் பெரிய மாற்றம்

இந்தக் கட்டண உயர்வு மற்றும் மூலோபாய விலை மாற்றங்கள் காரணமாக, 2027-ம் நிதியாண்டில் டெலிகாம் துறையின் வருவாய் வளர்ச்சி விகிதம் ஆண்டுக்கு 16 சதவீதமாக உயரும் என்று எதிர்பார்க்கப்படுகிறது. இது 2026-ம் நிதியாண்டில் கணிக்கப்பட்ட 7 சதவீத வளர்ச்சியை விட இரண்டு மடங்கு அதிகமாகும். ஜூன் 2026-ல் 15 சதவீத கட்டண உயர்வு அமலுக்கு வரும் பட்சத்தில், ஒரு பயனருக்கான சராசரி வருவாய் (ARPU) 14 சதவீதம் வரை உயரும். இருப்பினும், விலை உயர்வால் புதிய சந்தாதாரர்களின் எண்ணிக்கை சற்று குறையலாம் எனவும் எச்சரிக்கப்பட்டுள்ளது.

Image Credit : Gemini

ஜியோ மற்றும் வோடபோன் ஐடியாவின் திட்டம் என்ன?

ரிலையன்ஸ் ஜியோ தனது கட்டணங்களை 10 முதல் 20 சதவீதம் வரை உயர்த்த வாய்ப்புள்ளது. ஏர்டெல் நிறுவனத்திற்கு இணையான மதிப்பீட்டைப் பெறவும், முதலீட்டாளர்களுக்கு நல்ல லாபத்தை வழங்கவும் இந்த நடவடிக்கை எடுக்கப்படலாம். மறுபுறம், கடன் சுமையில் சிக்கித் தவிக்கும் வோடபோன் ஐடியா (Vi) நிலைமை மிகவும் சவாலாக உள்ளது. தனது நிலுவைத் தொகையைச் செலுத்தவும், நிறுவனத்தைத் தக்கவைக்கவும் 2027 முதல் 2030-ம் நிதியாண்டுக்குள் வோடபோன் ஐடியா தனது கட்டணங்களை மொத்தமாக 45 சதவீதம் வரை உயர்த்த வேண்டிய கட்டாயத்தில் உள்ளது.

Image Credit : Getty

வோடபோன் ஐடியாவிற்கு இருக்கும் நெருக்கடி

வோடபோன் ஐடியாவின் சரிசெய்யப்பட்ட மொத்த வருவாய் (AGR) நிலுவைத் தொகையான ரூ.87,695 கோடியை அரசு நிறுத்தி வைத்துள்ளது. இதற்கான தவணைகள் 2032-ம் நிதியாண்டில் தொடங்கி 2041 வரை நீடிக்கும். அரசுக்குச் செலுத்த வேண்டிய நிலுவைத் தொகையில் ஐந்தாண்டு கால அவகாசம் (Moratorium) கிடைத்தாலும், நெட்வொர்க் முதலீடுகளைத் தொடரவும், கடன்களைச் சமாளிக்கவும் அந்நிறுவனத்திற்கு மிகப்பெரிய அளவில் கட்டண உயர்வு மற்றும் கூடுதல் நிதித் திரட்டல் அவசியமாகிறது.

Image Credit : Google

5ஜி முதலீடு மற்றும் நிறுவனங்களின் லாபம்

கட்டண உயர்வு ஒருபுறம் இருக்க, 5ஜி சேவையை விரிவுபடுத்துவதற்கான மூலதனச் செலவுகள் (Capex) குறையத் தொடங்கும் என்றும் கணிக்கப்பட்டுள்ளது. 5ஜி உள்கட்டமைப்பிற்கான மிகத் தீவிரமான முதலீட்டுக் காலம் முடிந்துவிட்டதால், இனி வரும் காலங்களில் நிறுவனங்களின் லாப வரம்பு (Margins) மேம்படும் என்று ஆய்வாளர்கள் கருதுகின்றனர். இதனால் நிறுவனங்களுக்கு லாபம் அதிகரித்தாலும், சாமானிய மக்களின் ரீசார்ஜ் செலவு கணிசமாக உயரப்போவது உறுதி.