கம்ப்யூட்டர் முன்னாடி உட்கார்ந்து வேலை பாக்குறீங்களா? உஷார்.. உங்கள் வேலைக்கு ஆப்பு வைக்கும் AI!

Microsoft AI அடுத்த 12-18 மாதங்களில் பெரும்பாலான அலுவலக வேலைகளை AI பறிக்கும் என மைக்ரோசாஃப்ட் AI CEO எச்சரிக்கை. எந்தெந்த துறைகள் பாதிக்கும்? முழு விவரம் உள்ளே.

Image Credit : Gemini

AI

செயற்கை நுண்ணறிவு (Artificial Intelligence) தொழில்நுட்பம் நாளுக்கு நாள் அசுர வளர்ச்சி அடைந்து வரும் நிலையில், அது வேலைவாய்ப்பில் ஏற்படுத்தப்போகும் தாக்கம் குறித்து பல்வேறு கருத்துக்கள் நிலவி வருகின்றன. இந்நிலையில், மைக்ரோசாஃப்ட் (Microsoft) நிறுவனத்தின் AI பிரிவு தலைமை செயல் அதிகாரி (CEO) முஸ்தபா சுலைமான் (Mustafa Suleyman) கூறியுள்ள கருத்து, வெள்ளை காலர் (White-collar) வேலைகளில் இருப்பவர்களிடையே பெரும் அதிர்ச்சியை ஏற்படுத்தியுள்ளது.

Image Credit : X

12-18 மாதங்களில் மாற்றம்

முஸ்தபா சுலைமான் சமீபத்தில் ஃபைனான்சியல் டைம்ஸ் (Financial Times) இதழுக்கு அளித்த பேட்டியில், அடுத்த 12 முதல் 18 மாதங்களுக்குள் பெரும்பாலான அலுவலக வேலைகளை (White-collar jobs) AI தொழில்நுட்பம் தானியங்கி மயமாக மாற்றக்கூடும் என்று தெரிவித்துள்ளார். சட்டம், கணக்கியல், மார்க்கெட்டிங் போன்ற துறைகளில் கணினி மூலம் செய்யப்படும் வழக்கமான பணிகள் இதில் அதிகம் பாதிக்கப்படும் என்று அவர் கூறியுள்ளார்.

Image Credit : ChatGPT

எந்தெந்த வேலைகளுக்கு ஆபத்து?

அறிக்கைகள் தயாரிப்பது (Drafting reports), தரவுகளைப் பகுப்பாய்வு செய்வது (Analyzing data), ஒப்பந்தங்களைச் சரிபார்ப்பது, சந்தைப்படுத்துதல் உத்திகளை வகுப்பது போன்ற பணிகள் இனி மனிதர்களின் உதவி இல்லாமலே AI மூலம் செய்யப்படும் நிலை உருவாகும். குறிப்பாக, "அறிவுசார் வேலைகள்" (Knowledge work) என்று அழைக்கப்படும் பணிகளை AI மிகத் துல்லியமாகச் செய்யும் திறன் பெற்று வருகிறது.

Image Credit : Getty

நிறுவனங்களின் புதிய திட்டம்

பல பெரிய நிறுவனங்கள் ஏற்கனவே செலவைக் குறைக்கவும், நேரத்தை மிச்சப்படுத்தவும் AI கருவிகளைப் பயன்படுத்தத் தொடங்கிவிட்டன. மைக்ரோசாஃப்ட் நிறுவனம் "Professional-grade AGI" எனப்படும் அதிநவீன AI தொழில்நுட்பத்தை உருவாக்கி வருகிறது. இது வணிகங்களுக்கான மிகச் சிறந்த உதவியாளராகச் செயல்படும். இதன் மூலம், ஒரு குழு செய்யும் வேலையை ஒரே ஒரு AI ஏஜென்ட் செய்து முடிக்கும் நிலை உருவாகலாம்.

Image Credit : Getty

இந்திய IT துறைக்கு என்ன பாதிப்பு?

இன்போசிஸ் (Infosys), டிசிஎஸ் (TCS) போன்ற இந்தியாவின் முன்னணி ஐடி நிறுவனங்களுக்கும் இது பெரிய சவாலாக அமையலாம். வெறும் மென்பொருள் அப்டேட் மட்டுமல்லாமல், வேலை செய்யும் முறையையே இது தலைகீழாக மாற்றப்போகிறது. இதனால், புதிய திறன்களை வளர்த்துக்கொள்வது மட்டுமே வேலைவாய்ப்பைத் தக்கவைக்க ஒரே வழியாக இருக்கும் என நிபுணர்கள் கருதுகின்றனர்.