கூகுள் ஜெமினி ஏஐ ப்ரோ இலவசம்.. அதுவும் 18 மாசத்துக்கு.. அம்பானி கொடுத்த சர்ப்ரைஸ் கிஃப்ட்

ரிலையன்ஸ் ஜியோ ஒரு புதிய டிஜிட்டல் சலுகையை அறிமுகப்படுத்தியுள்ளது. இந்த திட்டத்தில், பயனர்களுக்கு 18 மாதங்களுக்கு கூகுள் ஜெமினி ஏஐ ப்ரோ சந்தா மற்றும் 2TB கூகுள் ஒன் கிளவுட் சேமிப்பு இலவசமாக வழங்கப்படுகிறது.

Image Credit : our own

ரிலையன்ஸ் ஜியோ சலுகை

ரிலையன்ஸ் ஜியோ தனது ரூ.349 ரீசார்ஜ் திட்டத்தில் புதிய டிஜிட்டல் சலுகையை அறிவித்துள்ளது. இந்த திட்டத்தின் கீழ் 18 மாதங்களுக்கு கூகுள் ஜெமினி ஏஐ ப்ரோ சந்தா மற்றும் 2TB Google One கிளவுட் சேமிப்பு இலவசமாக வழங்கப்படும் என அறிவிக்கப்பட்டுள்ளது.

Image Credit : Getty

ரூ.349 ரீசார்ஜ் திட்டம்

இந்த திட்டம் 28 நாட்கள் செல்லுபடியாகும். பயனர்கள் தினமும் 2GB டேட்டா, அனைத்து நெட்வொர்க்குகளுக்கும் இலவச அழைப்புகள், தினமும் 100 SMS உள்ளிட்ட பல நன்மைகளை பெறுவர். 5G வசதி உள்ள பகுதிகளில் Unlimited 5G டேட்டாவும் வழங்கப்படும்.

Image Credit : Google

கூகுள் ஜெமினி ஏஐ ப்ரோ

கூகுள் ஜெமினி ஏஐ ப்ரோ மூலம் மேம்பட்ட ஏஐ சேவைகளை பயன்படுத்தலாம். 2TB Google One சேமிப்பு மூலம் பெரிய அளவில் புகைப்படங்கள், வீடியோக்கள் மற்றும் ஆவணங்களை பாதுகாப்பாக சேமிக்கலாம். இது மாணவர்கள், தொழில்முனைவோர் மற்றும் டிஜிட்டல் பயனர்களுக்கு உதவியாக இருக்கும்.

Image Credit : Getty

கூகுள் ஒன் சேமிப்பு இலவசம்

இந்த சலுகையை பெற மைஜியோ ஆப்பில் உள்நுழைந்து, தங்கள் ஜிமெயில் கணக்கை இணைத்து கிளைம் செய்ய வேண்டும். சரிபார்ப்பு முடிந்ததும், 18 மாதங்களுக்கு சேவை செயல்படுத்தப்படும். குறைந்த செலவில் மேம்பட்ட ஏஐ மற்றும் கிளவுட் சேமிப்பு வசதிகளை பெறும் வாய்ப்பு என்பதால், இந்த திட்டம் பலரின் கவனத்தை ஈர்த்துள்ளது.