- Home
- டெக்னாலஜி
- ரூ.8,999-க்கு மிலிட்டரி கிரேட் மொபைல்.. கீழே விழுந்தாலும் பயமில்லை.. 100 நாள் வரைக்கும் சலுகை வேற இருக்கு
ரூ.8,999-க்கு மிலிட்டரி கிரேட் மொபைல்.. கீழே விழுந்தாலும் பயமில்லை.. 100 நாள் வரைக்கும் சலுகை வேற இருக்கு
ஐடெல் நிறுவனம், கடினமான பயன்பாட்டிற்காக MIL-STD-810H ராணுவ தர சான்றிதழுடன் ஏ100 ப்ரோ ஸ்மார்ட்போனை ரூ.8,999 விலையில் அறிமுகப்படுத்தியுள்ளது. இந்த போன் 5000mAh பேட்டரி, 100 நாட்களுக்குள் இலவச ஸ்க்ரீன் ரீப்பிளேஸ்மென்ட் சலுகையுடன் வருகிறது.
ஐடெல் ஏ100 ப்ரோ மொபைல்
இந்தியாவில் பட்ஜெட் ஸ்மார்ட்போன் சந்தை நாளுக்கு நாள் போட்டி அதிகரித்து வரும் நிலையில், ஐடெல் நிறுவனம் தற்போது “கடினமாக பயன்படுத்தும் பயனர்களை” குறிவைத்து புதிய ஏ100 ப்ரோ (A100 Pro) ஸ்மார்ட்போனை அறிமுகப்படுத்தியுள்ளது. வெறும் ரூ.8,999 விலையில் வந்துள்ள இந்த போன், சாதாரண பட்ஜெட் போன் அல்ல என்பதையே அதன் வடிவமைப்பு முதல் சலுகை வரை காட்டுகிறது.
ஐடெல் ஏ100 ப்ரோ சிறப்புகள்
ஐடெல் A100 Pro-வின் மிகப்பெரிய சிறப்பம்சமாக அதன் முரட்டுத்தனமான டிசைன் உள்ளது. இந்த போனுக்கு MIL-STD-810H ராணுவ தர சான்றிதழ் வழங்கப்பட்டுள்ளது. அதாவது, தினசரி சிறிய அடிகள், கீழே விழுதல் போன்றவற்றை சாதாரண போன்களை விட நன்றாக கையாளும் வகையில் இது உள்ளது. குறிப்பாக கோமெட் ஆரஞ்ச் கலர் வேரியண்ட் தற்போது சோசியல் மீடியாவில் அதிகம் பேசப்படுகிறது.
100 நாட்களுக்குள் டிஸ்பிளே சேதம்
இதோடு, வாங்கிய 100 நாட்களுக்குள் டிஸ்பிளே சேதம் ஏற்பட்டால் இலவச ஸ்க்ரீன் ரீப்பிளேஸ்மென்ட் வழங்கப்படும் என்ற சலுகை கூட பயனர்களின் கவனத்தை ஈர்த்துள்ளது. பட்ஜெட்டில் இப்படி ஒரு சலுகை வழங்கப்படுவது அரிது என்பதால், இந்த போன் முதல் முறையாக ஸ்மார்ட்போன் பயன்படுத்துபவர்கள் மற்றும் மாணவர்கள் மத்தியில் பேசுபொருளாக மாறியுள்ளது.
ஐடெல் ஏ100 ப்ரோ டிஸ்பிளே
டிஸ்பிளே பொறுத்தவரை, இதில் 6.6 இன்ச் HD+ IPS LCD பேனல் மற்றும் 90Hz புதுப்பிப்பு வீதம் இடம்பெற்றுள்ளது. வாட்ஸ்அப் சாட்டிங், யூடியூப் வீடியோக்கள் மற்றும் லைட் கேமிங் போன்ற அடிப்படை பயன்பாடுகளுக்கு ஏற்ற யுனிசாக் செயலி இதில் பயன்படுத்தப்பட்டுள்ளது. 3ஜிபி ரேம் + ரேம் பூஸ்ட் அம்சம் வழங்கப்பட்டுள்ளது. Android 15 Go Edition இதில் இயங்குகிறது.
ஐடெல் ஏ100 ப்ரோ பேட்டரி
5000mAh பேட்டரி, DTS ஸ்பீக்கர், 3.5mm ஹெட்போன் ஜாக் மற்றும் 10W சார்ஜிங் ஆதரவு போன்ற அம்சங்களும் இதில் இடம்பெற்றுள்ளன. “குறைந்த விலைக்கு நல்ல ஆயுள் மற்றும் தினசரி பயன்பாட்டு செயல்திறன் வேண்டும்” என்று தேடும் பயனர்களுக்கு ஐடெல் A100 Pro தற்போது புதிய தேர்வாக மாறியுள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
