ஐபோன் பேட்டரி சீக்கிரம் காலியாகிறதா? ஐபோனில் மறைந்துள்ள 'இந்த 2 பட்டனை' ஆஃப் பண்ணுங்க!

iPhone Battery Draining உங்கள் ஐபோன் பேட்டரி சீக்கிரம் காலியாகிறதா? பேட்டரி ஆயுளை இருமடங்காக அதிகரிக்க, பேக்கிரவுண்ட் ஆப் ரெப்ரெஷ், ஆட்டோ-பிரைட்னஸ் போன்ற 4 மறைக்கப்பட்ட செட்டிங்களை மாற்றுவது எப்படி என்று அறிக.

Image Credit : X (Twitter)

ஐபோன் பேட்டரி கவலை இனி வேண்டாம்

ஐபோன் வைத்திருப்பவர்களில் பலர், பேட்டரி சீக்கிரம் தீர்ந்துவிடுவதால், எப்போதும் சார்ஜர் அல்லது பவர் பேங்க் எடுத்துச் செல்ல வேண்டிய அவதியைச் சந்திக்கின்றனர். நீங்கள் ஒரு ஐபோன் பயனராக இருந்து, பேட்டரி வேகமாகத் தீர்ந்துவிட்டால், கவலைப்படத் தேவையில்லை. உங்கள் போனின் பேட்டரி ஆயுளை கணிசமாக நீட்டிக்க உதவும் சில முக்கிய ஐபோன் செட்டிங்ஸ் மற்றும் மறைக்கப்பட்ட அம்சங்களை இங்கே பார்க்கலாம். ஆண்ட்ராய்டு போன்களைப் போலவே, ஐபோனிலும் பல ஆப்கள் திரைக்குப் பின்னால் (Background) இயங்கிக் கொண்டே, பேட்டரியை உறிஞ்சுகின்றன. இந்தப் பின்னணிச் செயல்பாடுகளை நிறுத்தினால், பேட்டரி நீடித்து உழைக்கும்.

Image Credit : iPhone/X

பின்னணிச் செயலி புதுப்பிப்பை நிர்வகிக்கவும்

ஸ்மார்ட்ஃபோன் பேட்டரி விரைவாகத் தீர முக்கியக் காரணம், நாம் பயன்படுத்தாத போதும் பின்னணியில் இயங்கும் ஆப்களே ஆகும். இதைத் தவிர்க்க, உங்கள் ஐபோனில் உள்ள Background App Refresh அம்சத்தை அணைக்க வேண்டும்.

Image Credit : X

• செட்டிங்ஸ் (Settings) > ஜெனரல் (General) பகுதிக்குச் செல்லவும்.

• அதில், Background App Refresh என்பதைத் தட்டவும்.

• தேவையில்லாத ஆப்களைத் தேர்ந்தெடுத்து அந்த அம்சத்தை அணைக்கவும் (Turn Off). முக்கியமான ஆப்களுக்கு மட்டும் இதைச் செயல்பட விடுவது, பேட்டரி ஆயுளை நீட்டிக்க உதவும்.

Image Credit : Getty

ஆட்டோ-பிரைட்னஸை நிறுத்துங்கள்

ஆட்டோ-பிரைட்னஸ் (Auto-Brightness) மற்றும் மோஷன் எஃபெக்ட்ஸ் (Motion effects) போன்ற அம்சங்களும் தொடர்ந்து சக்தியைப் பயன்படுத்துகின்றன. இவை உங்களுக்குத் தேவையற்றவை என்றால், அவற்றை நிறுத்துவது நல்லது.

• ஆட்டோ-பிரைட்னஸை அணைக்க: செட்டிங்ஸ் (Settings) பகுதிக்குச் செல்லவும்.

• அக்செசபிலிட்டி (Accessibility) > டிஸ்பிளே & டெக்ஸ்ட் சைஸ் (Display & Text Size) என்பதைத் தேர்ந்தெடுக்கவும்.

• இறுதியாக, ஆட்டோ-பிரைட்னஸ் அம்சத்தை அணைக்கவும். பிரைட்னஸை நீங்களே தேவைப்படும்போது மட்டும் குறைத்து வைத்துப் பயன்படுத்தலாம்.

Image Credit : Getty

மோஷன் மற்றும் வேக் அம்சங்களை அணைக்கவும்

காட்சி மோஷன் மற்றும் தானாகவே திரை விழித்தெழும் அம்சங்களும் அதிக பேட்டரியை இழுக்கின்றன. இவற்றை நிர்வகிப்பதன் மூலம் பேட்டரி நுகர்வைக் குறைக்கலாம்.

• மோஷன் எஃபெக்ட்ஸை குறைக்க: மீண்டும் செட்டிங்ஸ் > அக்செசபிலிட்டி பகுதிக்குச் செல்லவும்.

• மோஷன் (Motion) ஆப்ஷனைத் தட்டவும். பின்னர், Reduce Motion என்பதைத் தட்டி ஆன் (On) செய்யவும். இது திரையில் உள்ள காட்சி இயக்கங்களைக் குறைத்து பேட்டரி நுகர்வைக் கட்டுப்படுத்தும்.

• Raise to Wake அம்சத்தை அணைக்க: செட்டிங்ஸ் > டிஸ்பிளே & பிரைட்னஸ் (Display and Brightness) என்பதற்குச் செல்லவும்.

• அங்குள்ள Raise to Wake ஆப்ஷனைத் தட்டி அணைக்கவும். இது, போனைத் தூக்கும்போதெல்லாம் தானாகத் திரை ஆன் ஆவதைத் தடுக்கும்.