உங்கள் குழந்தையின் போனிலும் இந்த "பேய்" இருக்கா? உடனே செக் பண்ணுங்க! பகீர் ரிப்போர்ட்!

Horror Games  குழந்தைகளின் உயிரைப் பறிக்கும் மொபைல் பேய் கேம்கள்! பெற்றோர்களே உஷார், இந்த 4 கேம்களை உடனே கவனியுங்கள்!உடனே செக் பண்ணுங்க! பகீர் ரிப்போர்ட்!

Image Credit : Gemini

Horror Games

சமீபத்தில் காசியாபாத்தில் மூன்று சகோதரிகள் தற்கொலை செய்துகொண்ட சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது. இந்தத் துயரச் சம்பவத்தின் பின்னணியில், அவர்கள் மொபைல் போன்களில் விளையாடிய சில திகில் கேம்கள் (Horror Games) முக்கிய காரணமாக இருக்கலாம் என்ற சந்தேகம் எழுந்துள்ளது. போலீஸ் விசாரணையில், அந்தப் பெண்களின் டைரிகளில் சில குறிப்பிட்ட கேம்களின் பெயர்கள் திரும்பத் திரும்பக் குறிப்பிடப்பட்டுள்ளது கண்டுபிடிக்கப்பட்டுள்ளது.

Image Credit : Getty

எந்தெந்த கேம்கள்?

விசாரணையில் நான்கு முக்கிய கேம்களின் பெயர்கள் அடிபடுகின்றன:

1. Poppy Playtime: கைவிடப்பட்ட பொம்மைத் தொழிற்சாலையில் நடக்கும் திகில் கதை. இதில் வரும் 'Huggy Wuggy' என்ற கதாபாத்திரம் குழந்தைகளை பயமுறுத்தும் வகையில் வடிவமைக்கப்பட்டுள்ளது.

2. The Baby in Yellow: ஒரு குழந்தையைப் பராமரிக்கும் சாதாரண கேம் போலத் தோன்றினாலும், போகப் போக அமானுஷ்யமான விஷயங்கள் நடக்கும். இது குழந்தைகளின் மனதை பாதிக்கும் என்கிறார்கள் உளவியலாளர்கள்.

3. Evil Nun: ஒரு பள்ளியில் அடைத்து வைக்கப்பட்டு, பயங்கரமான கன்னியாஸ்திரியிடம் இருந்து தப்பிப்பது போன்ற கதை.

4. Ice Scream: ஐஸ்கிரீம் விற்பது போல நடித்து குழந்தைகளைக் கடத்தும் வில்லனைப் பற்றிய கதை.

Image Credit : stockPhoto

மனநல பாதிப்பு

இந்த கேம்கள் தற்கொலைக்கு நேரடி காரணம் என்று போலீசார் இன்னும் உறுதிப்படுத்தவில்லை என்றாலும், தொடர்ந்து இதுபோன்ற திகில் நிறைந்த கேம்களை விளையாடுவது குழந்தைகளின் மனநலத்தை (Mental Health) கடுமையாகப் பாதிக்கும் என்று நிபுணர்கள் எச்சரிக்கின்றனர். குறிப்பாக, பதின்ம வயதினர் அதிக நேரம் தனிமையில் மொபைல் போனுடன் செலவிடுவது, மன அழுத்தம், பதட்டம் போன்ற பிரச்சனைகளுக்கு வழிவகுக்கும்.

Image Credit : Asianet News

பெற்றோர்கள் என்ன செய்ய வேண்டும்?

• கண்காணிப்பு அவசியம்: குழந்தைகள் என்ன மாதிரியான கேம்களை விளையாடுகிறார்கள், எவ்வளவு நேரம் மொபைல் பயன்படுத்துகிறார்கள் என்பதைக் கண்காணிக்க வேண்டும்.

• வயது வரம்பு: கேம்களின் வயது வரம்பை (Age Rating) சரிபார்த்து, குழந்தைகளுக்கு ஏற்றதை மட்டுமே அனுமதிக்க வேண்டும்.

• பேசுங்கள்: குழந்தைகளிடம் மனம் விட்டுப் பேசுங்கள். ஆன்லைனில் அவர்கள் என்ன செய்கிறார்கள் என்பதைத் தெரிந்துகொள்ளுங்கள்.

• நடத்தை மாற்றம்: குழந்தைகள் தனிமையை விரும்பினாலோ, பயந்த சுபாவத்துடன் காணப்பட்டாலோ, அல்லது அவர்களின் நடத்தையில் ஏதேனும் மாற்றம் தெரிந்தாலோ உடனே கவனிக்க வேண்டும். தேவைப்பட்டால் மனநல மருத்துவரை அணுகத் தயங்காதீர்கள்.