போன் மெமரி ஃபுல் ஆகிடுச்சா? வாட்ஸ்அப் சாட்டை அழிக்காமல் ஸ்டோரேஜை மிச்சப்படுத்தும் சீக்ரெட் ட்ரிக்!

வாட்ஸ்அப் சாட்கள் அழியாமல் போன் ஸ்டோரேஜை சுலபமாகக் காலி செய்வது எப்படி? ஆன்ட்ராய்டு & ஐபோன் பயனர்களுக்கான எளிய வழிமுறைகளை பற்றி பார்போம்.

Image Credit : Gemini

ஸ்டோரேஜ் மேனேஜர் வசதியைப் பயன்படுத்துவது எப்படி?

ஸ்மார்ட்போன் பயன்படுத்துபவர்களில் பலரும் சந்திக்கும் ஒரு பொதுவான பிரச்சனை, "Phone Storage Full" என்ற எச்சரிக்கை செய்திதான். இதற்குப் பிரதான காரணமாக அமைவது நாம் தினசரி பயன்படுத்தும் வாட்ஸ்அப் வழியாக வந்து குவியும் பெரிய வீடியோக்கள், ஃபார்வர்ட் செய்யப்பட்ட புகைப்படங்கள், மற்றும் தேவையில்லாத ஆவணங்கள்தான்.

மெமரி குறையும்போது பலரும் பதற்றமடைந்து மொத்த சாட்டுகளையும் (Chats) ஒட்டுமொத்தமாக டெலீட் செய்துவிடுகிறார்கள். இதனால் முக்கியமான உரையாடல்களும் தகவல்களும் சேர்ந்து அழிந்துபோகின்றன. ஆனால், சாட்டுகளைப் பத்திரமாகப் பாதுகாத்துக்கொண்டே, போன் மெமரியை ஆக்கிரமித்திருக்கும் தேவையில்லாத ஃபைல்களை மட்டும் எப்படித் தேர்ந்தெடுத்து நீக்குவது என்பதை விரிவாகப் பார்க்கலாம்.

வாட்ஸ்அப் செயலிக்குள்ளேயே இடத்தைச் சுலபமாக மேனேஜ் செய்ய ஸ்டோரேஜ் மேனேஜர் என்ற பிரத்யேக வசதி கொடுக்கப்பட்டுள்ளது. இது உங்கள் போனிலுள்ள எந்தெந்த ஃபைல்கள் அதிக இடத்தை எடுத்துக்கொள்கின்றன என்பதைத் துல்லியமாகக் கண்டறிந்து பட்டியலிடும்.

Image Credit : Gemini

ஆன்ட்ராய்டு பயனர்களுக்கான வழிமுறைகள்

வாட்ஸ்அப்பைத் திறந்து வலது மேல் மூலையில் உள்ள 3 புள்ளிகளைத் தொடவும். Settings > Storage and data > Manage storage என்ற பகுதிக்குச் செல்ல வேண்டும். அங்கே வாட்ஸ்அப் உங்கள் போனில் எவ்வளவு இடத்தை அடைத்துள்ளது என்ற முழு விவரமும் காட்டப்படும்.

குறிப்பாக, "Larger than 5 MB" என்ற பிரிவில் அதிக இடம் பிடிக்கும் பெரிய வீடியோக்களும், "Forwarded many times" என்ற பிரிவில் தேவையில்லாமல் பரப்பப்பட்ட ஃபார்வர்ட் ஃபைல்களும் தனித்தனியாக வரிசைப்படுத்தப்பட்டிருக்கும்.

மேலும், எந்தெந்த தனிநபர் சாட் அல்லது வாட்ஸ்அப் குரூப்கள் அதிக மெமரியை எடுத்துள்ளன என்பதும் கீழாகத் தெரியும். அதில் தேவையில்லாத வீடியோக்கள், புகைப்படங்களை ஒவ்வொன்றாகப் பார்த்துத் தேர்ந்தெடுத்து மிக எளிதாக டெலீட் செய்துவிடலாம்.

Image Credit : Gemini

மெசேஜ்கள் அழியாமல் மீடியாக்களை மட்டும் அழிக்கும் வழி

குறிப்பிட்ட ஒரு தனி நபர் அல்லது ஒரு குறிப்பிட்ட வாட்ஸ்அப் குரூப்பில் உள்ள தேவையில்லாத மீடியாக்களை மட்டும் அழிக்க மற்றொரு வழியும் உள்ளது:

அந்த குறிப்பிட்ட சாட்டைத் திறக்கவும்.

மேலே உள்ள மூன்று புள்ளிகளை அழுத்தி More > Clear chat என்ற ஆப்ஷனைத் தேர்ந்தெடுக்க வேண்டும்.

அப்போது திரையில் தோன்றும் தேர்வில், "Delete media in this chat" என்பதை மட்டும் டிக் செய்துவிட்டு ஓகே கொடுத்தால், அங்கு பகிரப்பட்ட வீடியோக்கள், புகைப்படங்கள் மட்டுமே அழியும்.

உங்கள் முக்கியமான எழுத்துப்பூர்வ மெசேஜ்கள் அப்படியே சாட்டில் பத்திரமாக இருக்கும்.

முக்கிய குறிப்பு: தவறுதலாக எதையும் இழந்துவிடக் கூடாது என்பதற்காக, இந்தச் சோதனைகளைச் செய்வதற்கு முன்பாக உங்கள் வாட்ஸ்அப் டேட்டாவை ஒருமுறை கூகுள் டிரைவில் (Google Drive) பேக்கப் எடுத்துக்கொள்வது நல்லது.

Image Credit : Gemini

ஐபோன் பயனர்களுக்கான வழிமுறை

ஐ போன் பயனர்களுக்கும் இதே போன்ற எளிய முறை உள்ளது. வாட்ஸ்அப் செயலியில் கீழே உள்ள Settings அல்லது உங்கள் சுயவிவரப் படத்தை அழுத்த வேண்டும்.Storage and data > Manage storage பகுதிக்குச் செல்ல வேண்டும். அங்கே அதிக இடம் பிடிக்கும் ஃபைல்கள் மற்றும் சாட்டுகள் பட்டியலிடப்படும். குறிப்பிட்ட சாட்டுகளைத் தொட்டு, தேவைப்படாத பழைய வீடியோக்கள், வாய்ஸ் நோட்டுகள், ஆவணங்களை மட்டும் தேர்வு செய்து அகற்றிவிடலாம்.

Image Credit : Gemini

கேலரியிலும் சரிபார்ப்பது அவசியம்

இங்கு கவனிக்க வேண்டிய முக்கியமான விஷயம் ஒன்று உள்ளது. வாட்ஸ்அப் செயலியிலிருந்து ஒரு மீடியா ஃபைலை நீக்கினாலும், அது ஏற்கனவே உங்கள் போனின் கேலரி அல்லது போட்டோஸ் ஆப்பில் ஆட்டோ-டவுன்லோடு ஆகி சேமிக்கப்பட்டிருக்க வாய்ப்புள்ளது.

எனவே, உண்மையிலேயே போன் மெமரி முழுமையாகக் காலியாக வேண்டும் என்றால், உங்கள் கேலரிக்குச் சென்றும் தேவையில்லாத வாட்ஸ்அப் வீடியோக்களை ஒருமுறை அழித்துவிடுவது அவசியம். இந்தச் சின்ன அமைப்புகளைச் சரியாகப் பின்பற்றினாலே, போனின் மெமரியும் சீராக இருக்கும்; முக்கியமான மெசேஜ்களும் எப்போதும் அழியாமல் பாதுகாப்பாக இருக்கும்.