ஓபன் ஏஐ கதை முடிஞ்சா? கூகுள் ஜெமினி எப்படி நம்பர் 1 இடத்தைப் பிடித்தது? முழு விவரம்!"

Gemini கூகுளின் ஜெமினி (Gemini AI) ஓபன் ஏஐ நிறுவனத்தை பின்னுக்குத் தள்ளியது. அசுர வளர்ச்சி மற்றும் வருவாய் அதிகரிப்புக்கான முக்கிய காரணங்கள் இங்கே. முழு விவரம்!"

Image Credit : Gemini

Gemini

செயற்கை நுண்ணறிவு (AI) உலகில் இதுவரை கோலோச்சிக் கொண்டிருந்த ஓபன் ஏஐ (OpenAI) நிறுவனத்திற்குப் பெரும் சவாலாக உருவெடுத்துள்ளது கூகுள். கடந்த ஓராண்டாகச் செய்யப்பட்ட பெரும் முதலீடுகள் இப்போது பலன் தரத் தொடங்கியுள்ளன. நுகர்வோர் சேவை, கிளவுட் கம்ப்யூட்டிங் மற்றும் வர்த்தக ரீதியான சேவைகள் என அனைத்துத் துறைகளிலும் கூகுளின் 'ஜெமினி' (Gemini) தளம் அசுர வளர்ச்சி அடைந்துள்ளது. முதலீட்டாளர்கள் மத்தியில் இருந்த சந்தேகம் இப்போது நம்பிக்கையாக மாறியுள்ளது.

Image Credit : Getty

ஜெமினி 3 (Gemini 3) ஏற்படுத்திய மாற்றம்

சமீபத்தில் வெளியிடப்பட்ட 'ஜெமினி 3' மாடல், தொழில்நுட்ப உலகில் பெரும் அதிர்வலையை ஏற்படுத்தியுள்ளது. கூகுள் தேடுபொறியில் 'AI Mode' மற்றும் பல்வேறு தொழில்முறை மென்பொருள்களில் ஜெமினி இணைக்கப்பட்டதிலிருந்து அதன் பயன்பாடு வெகுவாக அதிகரித்துள்ளது. கடந்த டிசம்பர் மாத இறுதிக்குள் ஜெமினி செயலியின் மாதாந்திர பயனர்களின் எண்ணிக்கை 750 மில்லியனைத் தொட்டுள்ளது. இது சாட்ஜிபிடி-க்கு (ChatGPT) மிக அருகில் உள்ள எண்ணிக்கை என்பது குறிப்பிடத்தக்கது.

Image Credit : Getty

சுந்தர் பிச்சையின் வியூகம்

கூகுள் தாய் நிறுவனமான ஆல்பபெட் (Alphabet) சிஇஓ சுந்தர் பிச்சை, "AI மூலம் நிறுவனத்தின் அனைத்துத் துறைகளிலும் வருவாய் அதிகரித்துள்ளது" என்று தெரிவித்துள்ளார். இதற்கென 2026-ஆம் ஆண்டிற்குள் சுமார் 175 முதல் 185 பில்லியன் டாலர் வரை முதலீடு செய்யத் திட்டமிடப்பட்டுள்ளது. ஆரம்பத்தில் அதிக செலவு செய்வதாக முதலீட்டாளர்கள் தயங்கினாலும், கிளவுட் வருவாயில் ஏற்பட்ட 48% உயர்வு அவர்களைச் சாந்தப்படுத்தியுள்ளது.

Image Credit : Getty

பங்குச் சந்தையில் கூகுளின் ஆதிக்கம்

ஓபன் ஏஐ நிறுவனத்துடன் தொடர்புடைய மைக்ரோசாஃப்ட் மற்றும் ஆரக்கிள் போன்ற நிறுவனங்களின் பங்குகள் தடுமாற்றத்தைச் சந்திக்கும் வேளையில், கூகுளின் பங்குகள் சுமார் 36% உயர்ந்துள்ளன. இப்போது 4 டிரில்லியன் டாலர் சந்தை மதிப்புடன் என்விடியா (Nvidia) மற்றும் ஆப்பிள் (Apple) நிறுவனங்களுக்கு இணையாக கூகுள் உயர்ந்துள்ளது. சொந்தக் காலில் நிற்கும் கூகுளின் கட்டமைப்பு, அதனை AI பந்தயத்தில் முன்னணியில் நிறுத்தியுள்ளது.

Image Credit : Getty

எதிர்காலம் எப்படி இருக்கும்?

ஜெமினி 3-ன் வருகைக்குப் பிறகு, பயனர்களின் ஈடுபாடு (Engagement) அதிகரித்துள்ளது. 8 மில்லியனுக்கும் அதிகமானோர் கட்டணச் சேவையைப் பயன்படுத்தத் தொடங்கியுள்ளனர். ஓபன் ஏஐ-யை நேரடியாகக் குறிப்பிடவில்லை என்றாலும், கூகுள் இப்போது அசுர வேகத்தில் முன்னேறி வருகிறது என்பது தெளிவாகிறது. வரும் நாட்களில் இந்தப் போட்டி இன்னும் கடுமையாக இருக்கும் என்பதில் சந்தேகமில்லை.