விலை ரூ.1,000 தான்.. பட்ஜெட்டில் கலக்கும் சிறந்த கீபேட் போன்கள்.. முழு லிஸ்ட் உள்ளே
இந்தியாவில் ரூ.1,000-க்கு குறைவான கீபேட் மொபைல்களுக்கு, அவற்றின் நீண்ட பேட்டரி, எளிதான பயன்பாடு மற்றும் யுபிஐ வசதிகள் காரணமாக தொடர்ந்து தேவை உள்ளது.
ரூ.1000-க்கு கீழ் மொபைல் போன்கள்
பெரிய ஸ்கிரீன், AI வசதிகள் நிறைந்த ஸ்மார்ட்போன்கள் பேசுபொருளாக இருந்தாலும், ரூ.1,000-க்கு குறைவான கீபேட் மொபைல்களுக்கு இந்தியாவில் தொடர்ந்து தேவை உள்ளது. மூத்த குடிமக்கள், பள்ளி மாணவர்கள், அல்லது ஒரு நம்பகமான தொலைபேசி தேவைப்படுவோர் என பலருக்கும் இந்த வகை போன்கள் சரியான தேர்வாக உள்ளன. நீண்ட பேட்டரி, எளிய பயன்பாடு, அழைப்புகள் மற்றும் யுபிஐ வசதி என்பதே இவற்றின் பலம் ஆகும்.
சிறந்த கீபேட் போன்
நோக்கியா 105 Classic (சுமார் ரூ.999) இந்த வரிசையில் ஒரு நம்பகமான மாடல். S30+ இயங்குதளத்தில் இயங்கும் இந்த போன், அடிப்படை தேவைகளுக்கேற்ற வகையில் உள்ளது. முக்கியமாக, யுபிஐ வசதி இதில் இருப்பது இதன் பெரிய பிளஸ். வயர்லெஸ் எஃப்எம் ரேடியோ, பாம்பு போன்ற பாரம்பரிய விளையாட்டு, நாள் முழுவதும் பேட்டரி ஆகியவை இதை எளிமையாக விரும்புவோருக்கு ஏற்றதாக மாறுகின்றன.
குறைந்த விலை மொபைல்
ரிலையன்ஸ் ஜியோவின் JioBharat V4 (சுமார் ரூ.799) குறைந்த விலையில் அதிக வசதிகளை தருகிறது. 1.8 இன்ச் திரை, JioHotstar, JioTV, JioSaavn போன்ற சேவைகள், JioPay யுபிஐ ஒலி எச்சரிக்கை வசதி ஆகியவை இதில் உள்ளன. சிறிய கடை வைத்திருப்பவர்களுக்கு இது ஒரு பயனுள்ள டிஜிட்டல் சாதனமாகவும் செயல்படுகிறது.
மூத்தவர்களுக்கான மொபைல்
மைக்ரோமேக்ஸ் X1i Smart Plus (சுமார் ரூ.998) வலுவான கட்டமைப்பு மற்றும் பெரிய 1750 mAh பேட்டரி வருகிறது. 2.4 இன்ச் திரை, சக்திவாய்ந்த டார்ச், USB Type-C சார்ஜிங் போன்ற அம்சங்கள் இந்த விலை பிரிவில் அரிதானவை என்றே கூறலாம். நீண்ட நேரம் சார்ஜ் இல்லாமல் பயன்படுத்த விரும்புவோருக்கு இது ஏற்றது. லாவா A1 Clear Copper (சுமார் ரூ.949) AI அடிப்படையிலான பேட்டரி மேனேஜ்மென்டுடன் வருகிறது. அழைப்புகள், SMS, நீண்ட காத்திருப்பு நேரம் என்பதே இதன் முக்கிய பலம்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
