BSNL: ஒரு வருஷம் ரீசார்ஜ் தேவையில்லை! பிஎஸ்என்எல் வாடிக்கையாளர்களுக்கு ஜாக்பாட்!

பிஎஸ்என்எல் ஒரு ஆண்டு முழுவதும் வேலிட்டி வழங்கும் ரீசார்ஜ் பிளானை கொண்டு வந்துள்ளது. இந்த பிளானின் விலை உள்ளிட்ட விவரங்களை விரிவாக பார்ப்போம்.

Image Credit : Google

BSNL One-Year Recharge Plan

அன்னையர் தினம் நேற்று முன்தினம் கொண்டாடப்பட்ட நிலையில், பிஎஸ்என்எல் அதன் 9 கோடிக்கும் மேற்பட்ட பயனர்களுக்கு ஒரு சிறப்பு சலுகையை அறிமுகப்படுத்தியது. அதாவது பிஎஸ்என்எல் அதன் மலிவு விலை நீண்ட கால திட்டத்தில் செல்லுபடியாகும் காலத்தை நீட்டிக்கிறது. பயனர்கள் இப்போது வழக்கமான 365 நாட்களுக்கு பதிலாக 380 நாட்கள் செல்லுபடியாகும் காலத்தை அனுபவிக்க முடியும்.

Image Credit : X

பிஎஸ்என்எல் ரீசார்ஜ் சலுகை

இந்த வரையறுக்கப்பட்ட கால சலுகை மே 7 முதல் மே 14 வரை கிடைக்கும். பாரத் சஞ்சார் நிகாம் லிமிடெட்டின் மலிவு விலை ரீசார்ஜ் திட்டத்தின் விலை ரூ.1,999 ஆகும். இந்தத் திட்டத்தின் கீழ், பயனர்கள் இந்தியா முழுவதும் அன்லிமிடெட் கால்ஸ் மற்றும் இலவச தேசிய ரோமிங்கிலிருந்து பயனடைகிறார்கள். கூடுதலாக, இதில் 100 இலவச எஸ்எம்எஸ் மற்றும் தாராளமாக 600 ஜிபி இணைய டேட்டா ஆகியவை அடங்கும்.

வேலிட்டி காலத்தை நீட்டித்த பிஎஸ்என்எல்

முன்னதாக, இந்தத் திட்டம் 365 நாட்கள் நிலையான வேலிடிட்டி திட்டத்துடன் வந்தது. ஆனால் புதிய சலுகையுடன், பயனர்கள் இப்போது 380 நாட்கள் வேலிடிட்டி காலத்தைப் பெறுவார்கள். பிஎஸ்என்எல் நிறுவனத்தின் வலைத்தளம் மற்றும் மொபைல் செயலி மூலம் செய்யப்படும் ரீசார்ஜ்களுக்கு மட்டுமே இந்தச் சலுகை பொருந்தும் என்பதை கவனத்தில் கொள்ள வேண்டும். மேலும், BSNL அதன் ரூ.1,499 திட்டத்திலும் நீட்டிக்கப்பட்ட செல்லுபடியை வழங்குகிறது.

Image Credit : Getty

பிஎஸ்என்எல் வாடிக்கையாளர்களுக்கு குட்நியூஸ்

பிஎஸ்என்எல் பயனர்கள் இப்போது இந்தத் திட்டத்துடன் 365 நாட்கள் முழு ஆண்டு வேலிடிட்டியை பெறுவார்கள். இதில் அன்மிமிடெட் கால்ஸ் மற்றும் இலவச தேசிய ரோமிங் சலுகைகளும் அடங்கும். அதே வேளையில் BSNL அதன் சிறப்பு சேவைகளில் ஒன்றை நிறுத்த முடிவு செய்துள்ளது. 

பயனர் கருத்துகளின் அடிப்படையில் அதை ஒரு புதிய AI- இயக்கப்படும் அமைப்புடன் மாற்ற நிறுவனம் தயாராக உள்ளது. அதாவது பிஎஸ்என்எல் தனிப்பயனாக்கப்பட்ட ரிங்பேக் டோன் (PRBT) சேவையை படிப்படியாக நீக்கி, நிறுவன வாடிக்கையாளர்களின் கோரிக்கைகளைத் தொடர்ந்து AI- அடிப்படையிலான மாற்றீட்டை அறிமுகப்படுத்தும்.

Image Credit : Google

பிஎஸ்என்எல் 4ஜி சேவை

பிஎஸ்என்எல் தொடர்ந்து மலிவு திட்டங்களை வழங்கி வந்தாலும் அந்த நிறுவனத்துக்கு வாடிக்கையாளர்களின் வருகை ஏற்ற, இறக்கமாக உள்ளது. பிப்ரவரியில் பிஎஸ்என்எல் ஏராளமான வாடிக்கையாளர்களை இழந்தது. ஆனால் மார்ச் மாதத்தில் 49,177 புதிய வாடிக்கையாளர்களை சேர்த்து நிலைமையை மாற்றியது. 

இந்த அதிகரிப்பு அதன் மொத்த சந்தாதாரர்களின் எண்ணிக்கையை 9.10 கோடியாகக் கொண்டு வந்துள்ளது. பிஎஸ்என்எல் 4ஜி சேவையை முழுமையாக கொண்டு வரும் பணியில் ஈடுபட்டுள்ளது. 4ஜி முழுமையாக வந்தால் இன்னும் கூடுதல் வாடிக்கையாளர்களை ஈர்க்க முடியும் என்பது குறிப்பிடத்தக்கது.