BSNL 4G: உங்கள் ஏரியாவில் பிஎஸ்என்எல் 4ஜி வந்து விட்டதா? மொபைலில் செக் செய்வது எப்படி?
பிஎஸ்என்எல் நிறுவனம் 4ஜி நெட்வொர்க்கை நாடு முழுவதும் கொண்டு வரும் பணியில் தீவிரமாக ஈடுபட்டு வரும் நிலையில், சில இடங்களில் பிஎஸ்என்எல் 4ஜி நெட்வொர்க் சோதனையும் தொடங்கப்பட்டுள்ளது. உங்கள் ஏரியாவில் பிஎஸ்என்எல் 4ஜி சிக்னல் கிடைப்பதை எப்படி கண்டுபிடிப்பது என பார்க்கலாம்.
BSNL 4G: உங்கள் ஏரியாவில் பிஎஸ்என்எல் 4ஜி வந்து விட்டதா? மொபைலில் செக் செய்வது எப்படி?
மத்திய அரசின் தொலைத்தொடர்பு நிறுவனமான பிஎஸ்என்எல் குறைந்த விலையில் சூப்பர் திட்டங்களை கொண்டு வருவதன்மூலம் வாடிக்கையாளர்களை ஈர்த்து வருகிறது. தனியார் தொலைத்தொடர்பு நிறுவனங்களிடம் இருந்து சாரை, சாரையாக பிஎஸ்என்எல் பக்கம் வாடிக்கையாளர்கள் வந்து கொண்டிருக்கின்றனர்.
இதற்கிடையே 4ஜி சேவையை கொண்டு வரும் பணியில் பிஎஸ்என்எல் தீவிரமாக ஈடுபட்டு வருகிறது. பிஎஸ்என்எல்லின் 4ஜி சேவை வரும் மார்ச் மாதத்துக்குள் வழங்கப்படும் என்றும் இந்த ஆண்டு இறுதிக்குள் 4ஜி சேவை நாடு முழுவதும் முழுமையாக கொண்டு வரப்படும் எனவும் ஏற்கெனவே தெரிவிக்கப்பட்டுள்ளது. பிஎஸ்என்எல் 4ஜி டவர்கள் நடப்பட்டு வருகின்றன. இந்தியாவின் பல்வேறு இடங்களில் பிஎஸ்என்எல் 4ஜி நெட்வொர்க் சோதனையும் தொடங்கப்பட்டுள்ளது.
பிஎஸ்என்எல் 4ஜி சேவை
உங்கள் பகுதியில் பிஎஸ்என்எல் 4G நெட்வொர்க் தொடங்கப்பட்டிருந்தால், மலிவான விலையில் பல நன்மைகளைப் பெறலாம். ஆனால், உங்கள் பகுதியில் பிஎஸ்என்எல் 4G நெட்வொர்க் கிடைக்கிறதா? இல்லையா? என்று நீங்கள் குழப்பமடைந்தால், அதை அறிந்து கொள்வதற்கான முழுமையான வழியை உங்களுக்கு சொல்கிறேன்.
அதைச் சரிபார்க்க ஒரு செயலியைப் பதிவிறக்க வேண்டும். அதாவது உங்கள் மொபைலில் Opensignal என்ற செயலியைப் பதிவிறக்கம் செய்ய வேண்டும். இந்த செயலி மூலம் பிஎஸ்என்எல் மட்டுமல்ல, உங்கள் பகுதியில் உள்ள பிற தொலைத்தொடர்பு ஆபரேட்டர்களின் நெட்வொர்க்கையும் நீங்கள் சரிபார்க்கலாம். இதற்கு முதலில் உங்கள் ஸ்மார்ட்போனில் ஆப்பிள் ஆப் ஸ்டோர் அல்லது கூகுள் ப்ளே ஸ்டோரிலிருந்து Opensignal செயலியை பதிவிறக்கம் செய்ய வேண்டும்.
Reliance Jio: வாடிக்கையாளர்களின் பேவரிட் பிளானை மீண்டும் கொண்டு வந்த ஜியோ! முழு விவரம்!
பிஎஸ்என்எல் 4ஜி நெட்வொர்க்
பிஎஸ்என்எல் 4ஜி சிக்னல் வலிமையைச் சரிபார்க்க நீங்கள் செயலியின் முகப்புத் திரைக்குச் செல்ல வேண்டும். இதற்குப் பிறகு கீழ் மெனுவில் உள்ள பின் அம்புக்குறியைத் தட்ட வேண்டும். பின்னர் மேல் மெனுவிலிருந்து BSNL ஐத் தேர்ந்தெடுக்கவும். பின்னர் நீங்கள் வகை விருப்பத்திலிருந்து “4G” ஐத் தேர்ந்தெடுக்க வேண்டும். 2G மற்றும் 3G நெட்வொர்க் சரிபார்ப்பிற்கும் இந்த செயல்முறையைப் பின்பற்றலாம்.
பிஎஸ்என்எல் பிளான்கள்
இதற்குப் பிறகு ஒரு மேப் உங்கள் முன் திறக்கும். உங்கள் பகுதியில் அதிக வலிமையுடன் சிக்னல் கொடுக்கும் நெட்வொர்க் பச்சை நிறத்தில் காட்டப்படும். பலவீனமான நெட்வொர்க் பகுதி சிவப்பு புள்ளியுடன் காட்டப்படும். இது தவிர, உங்கள் பகுதிக்கான பதிவிறக்க வேகம், பதிவேற்ற வேகம் மற்றும் தாமதம் பற்றிய விவரங்களும் இந்த செயலியில் காட்டப்படும்.
மொபைல் ரீசார்ஜ் செய்யாமலேயே கால் பண்ணலாம்; சூப்பர் ட்ரிக்ஸ்; இதை ஃபாலோ பண்ணுங்க!
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.