ஓலா, ஊபரை ஓரங்கட்ட வரும் பாரத் டாக்ஸி.. பேடிஎம் உடன் அதிரடி கூட்டணி - இனி பயணிகளுக்கு மஜாதான்!

Bharat Taxi பாரத் டாக்ஸி செயலியில் இனி பேடிஎம் மூலம் ஈஸியாக பணம் செலுத்தலாம். சர்ஜ் கட்டணம் கிடையாது, பாதுகாப்பான பயணம். முழு விவரம் உள்ளே.- இனி பயணிகளுக்கு மஜாதான்!

Image Credit : Gemini

Bharat Taxi

இந்தியாவின் அரசு ஆதரவு பெற்ற டாக்ஸி சேவை நிறுவனமான பாரத் டாக்ஸி (Bharat Taxi), டிஜிட்டல் பணப்பரிவர்த்தனை நிறுவனமான பேடிஎம் (Paytm) உடன் கைகோர்த்துள்ளது. இந்த புதிய கூட்டணி மூலம், பயணிகள் இனி தங்கள் பயணக் கட்டணத்தை பேடிஎம் யுபிஐ (UPI) மூலமாக மிக எளிதாகச் செலுத்த முடியும்.

Image Credit : Google

பேடிஎம் மூலம் எளிய கட்டணம்

இந்த புதிய ஒப்பந்தத்தின்படி, பாரத் டாக்ஸி செயலியில் இருந்தபடியே பேடிஎம் மூலம் நேரடியாகக் கட்டணம் செலுத்தலாம். இதுமட்டுமின்றி, கார் ஓட்டுநர்களிடம் உள்ள பேடிஎம் கியூஆர் கோடு (QR Code), சவுண்ட் பாக்ஸ் (Soundbox) அல்லது கார்டு மெஷின் மூலமாகவும் பணத்தைச் செலுத்தும் வசதி அறிமுகப்படுத்தப்பட்டுள்ளது.

Image Credit : Google

ஓட்டுநர்களுக்கு என்ன பயன்?

பாரத் டாக்ஸி தனது ஓட்டுநர்களை 'சாரதிகள்' (Sarathis) என்று அழைக்கிறது. இந்த புதிய கூட்டணியால் ஓட்டுநர்களுக்கு இன்சூரன்ஸ் வசதிகள் மற்றும் எளிமையான ஆன் போர்டிங் (Onboarding) செயல்முறைகள் கிடைக்கின்றன. பேடிஎம் தளம் மூலம் ஓட்டுநர்கள் எளிதாகத் தங்கள் வருமானத்தைப் பெறவும், நிர்வகிக்கவும் முடியும்.

Image Credit : Google

கூடுதல் பாதுகாப்பு மற்றும் வசதிகள்

ஓலா, ஊபர் போன்ற தனியார் நிறுவனங்களுக்குப் போட்டியாக களமிறங்கியுள்ள பாரத் டாக்ஸி, சர்ஜ் விலை (Surge Pricing) இல்லாத பயணத்தை உறுதியளிக்கிறது. டெல்லி விமான நிலையத்துடன் இணைந்து நிலையான கட்டணத்தில் (Fixed-fare) பயணங்களை வழங்குகிறது. பயணிகளின் பாதுகாப்பிற்காக டெல்லி போலீசுடன் இணைந்து 35 சிறப்பு மையங்கள் மற்றும் உதவி எண்களையும் அமைத்துள்ளது.

Image Credit : Google

எந்தெந்த வாகனங்கள் கிடைக்கும்?

ஏசி மற்றும் நான்-ஏசி கார்கள், எக்ஸ்எல் (XL) கார்கள், ஆட்டோ ரிக்‌ஷாக்கள் மற்றும் பைக் டாக்ஸிகள் என அனைத்து வகையான வாகனங்களும் பாரத் டாக்ஸியில் கிடைக்கின்றன. ஜனவரி 1, 2026 முதல் டெல்லியில் முழுமையாகச் செயல்படத் தொடங்கியுள்ள இந்தச் சேவை, பேடிஎம் உடனான கூட்டணி மூலம் இன்னும் அதிக மக்களைச் சென்றடையும் என எதிர்பார்க்கப்படுகிறது.