Air Cooler: ஏர் கூலர் வாங்க போறீங்களா? இந்த 'சீக்ரெட்' டிப்ஸ் தெரிஞ்சா காசு மிச்சம்!
Air Cooler Buying Tips: வெயில் காலத்தில் வீட்டுக்குக் குளிர்ச்சி தர, பலரும் புதுசா ஏர் கூலர் வாங்க நினைப்பார்கள். ஒரு நல்ல கூலரை எப்படித் தேர்ந்தெடுப்பது என்பது குறித்து இந்த செய்தியில் விரிவாக பார்க்கலாம்.
ஏர் கூலர் வாங்கும்போது கவனிக்க வேண்டியவை
வெயில் காலத்தில் நிறைய பேர் புது கூலர் வாங்குவார்கள். ஆனால் மார்க்கெட்டில் ஏகப்பட்ட மாடல்கள் இருப்பதால், எதை வாங்குவது என்று குழப்பம் வரும். விலை கம்மியாக இருக்கிறது என்று வாங்கிவிட்டால், பிறகு கூலிங் சரியில்லாமல் போவது, கரண்ட் பில் அதிகமாக வருவது அல்லது பராமரிப்புச் சிக்கல்கள் வரலாம். அதனால், புது கூலர் வாங்கும் முன் சில முக்கியமான விஷயங்களைக் கண்டிப்பாகத் தெரிந்துகொள்ள வேண்டும். அவை என்னவென்று பார்ப்போம்.
அறைக்கு ஏற்ற கூலர் தேவை
உங்கள் அறையின் அளவுக்குப் பொருத்தமான கூலரைத் தேர்ந்தெடுப்பது ரொம்ப முக்கியம். சின்ன அறைக்கு பெரிய டெசர்ட் கூலர் தேவையில்லை. அதேபோல, பெரிய ஹாலுக்கு சின்ன பெர்சனல் கூலர் வைத்தால் சரியான கூலிங் கிடைக்காது. பொதுவாக, சின்ன அறைகளுக்கு பெர்சனல் அல்லது டவர் கூலர்கள் போதும். பெரிய அறைகள் அல்லது ஹால்களுக்கு டெசர்ட் கூலர்கள் நல்ல சாய்ஸ். கூலர் வாங்கும் முன், அறையின் அளவை மனதில் வைத்து, அதன் 'ஏர் த்ரோ' திறனைச் சரிபார்க்கவும்.
ஏர் கூலர் டேங்க் அதிக கொள்ளவு வேண்டும்
கூலரின் டேங்க் கொள்ளளவும் ஒரு முக்கியமான அம்சம். டேங்க் சிறியதாக இருந்தால், அடிக்கடி தண்ணீர் நிரப்ப வேண்டியிருக்கும். பெரிய குடும்பம் அல்லது நீண்ட நேரம் கூலர் பயன்படுத்துபவர்கள், 40 லிட்டருக்கு மேல் கொள்ளளவு உள்ள மாடல்களைத் தேர்ந்தெடுப்பது நல்லது. சிறிய அறைகள் அல்லது தனிப்பட்ட பயன்பாட்டிற்கு 20 முதல் 30 லிட்டர் டேங்க் உள்ள கூலர்கள் போதுமானது. 'ஆட்டோ வாட்டர் ஃபில்' போன்ற அம்சங்கள் இருந்தால் இன்னும் வசதியாக இருக்கும்.
கூலிங் பேட்ஸ்களின் தரம்
ஏர் கூலரில் பயன்படுத்தப்படும் கூலிங் பேட்களின் தரம் மிகவும் முக்கியம். தற்போது, 'ஹனிகோம்ப்' பேட்கள் உள்ள கூலர்களைத்தான் அதிகம் பேர் விரும்புகிறார்கள். இவை நீண்ட நேரம் குளிர்ச்சியாக இருப்பதுடன், சிறந்த கூலிங்கையும் தருகின்றன. சாதாரண 'வுட்வூல்' பேட்களை விட இவை அதிக காலம் உழைக்கும். ஏ.சி-யுடன் ஒப்பிடும்போது கூலர்கள் குறைந்த மின்சாரத்தையே பயன்படுத்தும். பெரிய மோட்டார் உள்ள சில கூலர்கள் அதிக பவர் எடுக்க வாய்ப்புள்ளது. எனவே, 'எனர்ஜி எஃபிஷியன்ட்' மாடல்களைத் தேர்ந்தெடுப்பது நல்லது. இன்வெர்ட்டரிலும் ஏர் கூலர்களுக்கு இப்போது நல்ல டிமாண்ட் உள்ளது. அடிக்கடி மின்வெட்டு ஏற்படும் பகுதிகளில் இது மிகவும் பயனுள்ளதாக இருக்கும்.
இரைச்சல் இல்லாத கூலர்கள்
சில கூலர்கள் இயங்கும்போது அதிக சத்தம் எழுப்பும். குறிப்பாக, இரவு தூங்கும்போது இது தொந்தரவாக இருக்கும். எனவே, வாங்கும் முன் ஃபேனின் சத்த அளவைச் சரிபார்க்கவும். 'சைலன்ட் ஆபரேஷன்' அம்சம் உள்ள கூலர்கள் படுக்கையறைகளுக்குச் சரியாகப் பொருந்தும். கூலரின் பாடி தரத்தையும் கவனிக்க வேண்டும். நல்ல பிளாஸ்டிக் அல்லது துருப்பிடிக்காத மெட்டீரியலில் செய்யப்பட்ட கூலர்கள் நீண்ட காலம் உழைக்கும். சக்கரங்கள் உள்ள மாடல்களை எடுத்தால் நல்லது. ரிமோட் கண்ட்ரோல், டைமர், ஸ்பீட் செட்டிங்ஸ் போன்ற அம்சங்கள் இருந்தால் இன்னும் வசதியாக இருக்கும்.
பிராண்ட் மற்றும் வாரண்டி முக்கியம்
கூலர் வாங்கும் போது பிராண்ட் மற்றும் வாரண்டி விஷயங்களையும் கண்டிப்பாகச் சரிபார்க்க வேண்டும். ஒரு நல்ல பிராண்ட் கூலர் பொதுவாக சிறந்த சேவையை வழங்கும். குறைந்தபட்சம் ஒரு வருட வாரண்டி உள்ள மாடல்களைத் தேர்ந்தெடுப்பது நல்லது. ஆன்லைனிலோ அல்லது கடையிலோ வாங்கும் முன், ரிவ்யூக்களைப் படிப்பது பயனுள்ளதாக இருக்கும். ஆஃபர்கள், டிஸ்கவுன்ட்கள் உள்ள நேரத்தில் வாங்கினால், நல்ல மாடலை குறைந்த விலையில் பெற வாய்ப்புள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
