EB Bill ஜாஸ்தியா வருதா? வீட்டில் மின்சாரக் கட்டணத்தைக் குறைக்க 5 ஈஸி டிப்ஸ் இதோ!
Eb Bill ரொம்ப அதிகமாக வருதுன்னு கவலைப்படுறீங்களா? சின்ன சின்ன மாற்றங்களை நம்ம தினசரி பழக்கவழக்கத்துல கொண்டு வந்தாலே, மின்சாரக் கட்டணம் கணிசமா குறையும். உங்க வீட்டு கரண்ட் பில்ல குறைக்கிறதுக்கு நீங்க செய்யக்கூடிய 5 சிம்பிளான மாற்றங்களை பத்தி பாப்போம்.
எல்.இ.டி பல்புகளுக்கு மாறுங்க!
இன்னும் உங்க வீட்டுல குண்டு பல்புகள் அல்லது சி.எஃப்.எல் பல்புகள் இருக்கா? அப்போ அதை உடனே மாத்திட்டு எல்.இ.டி பல்புகளை பயன்படுத்துங்க. எல்.இ.டி பல்புகள் ரொம்ப குறைவான மின்சாரத்தை தான் எடுத்துக்கும், அதே சமயம் நல்ல வெளிச்சமும் தரும். இது மின்சார கட்டணத்தை குறைக்கிறதோடு, பல்புகளோட ஆயுளையும் அதிகரிக்கும்.
பாண்டம் பவர் வேண்டாம்!
டிவி, சார்ஜர்கள், கம்ப்யூட்டர், மிக்சி, கிரைண்டர் மாதிரி நிறைய மின்சாதனங்களை பயன்படுத்தாத நேரத்துல கூட பிளக்கில் செருகி வச்சிருப்போம். இதை 'பாண்டம் பவர்'னு சொல்லுவாங்க, அதாவது பயன்பாட்டில் இல்லாட்டாலும் கொஞ்சம் கொஞ்சமா மின்சாரத்தை அது உறிஞ்சிக்கிட்டே இருக்கும். அதனால, தேவையில்லாதப்ப இந்த சாதனங்களோட பிளக்கை எடுத்து வச்சிடுங்க அல்லது மெயின் ஸ்விட்சை அணைச்சிடுங்க.
வாஷிங் மெஷினில் கவனமா இருங்க!
வாஷிங் மெஷினை பயன்படுத்தும் போது, முழு சுமை துணிகளை மட்டும் போடுங்க. குறைவான துணிகளுக்கு மெஷினை ஓட்டுறது அதிக மின்சாரத்தை வீணாக்கும். அதே மாதிரி, துணிகளை துவைக்க வெந்நீருக்கு பதிலா குளிர்ந்த நீரை பயன்படுத்துங்க. இது மின்சார பயன்பாட்டை கணிசமா குறைக்கும். துவைத்த துணிகளை ட்ரையரில் காய வைக்காம வெயில்ல காய போட்டா இன்னும் மின்சாரத்தை சேமிக்கலாம்.
ஏசி வெப்பநிலையை சரி செய்யுங்க!
கோடைகாலத்துல ஏசி பயன்பாடு அதிகமா இருக்கும். ஏசியை ரொம்ப குறைந்த வெப்பநிலையில (உதாரணத்துக்கு 18 டிகிரி செல்சியஸ்) வச்சா, அது அதிக மின்சாரத்தை இழுக்கும். ஏசியை 24 முதல் 26 டிகிரி செல்சியஸ் வெப்பநிலையில பயன்படுத்துறது நல்லது. இது அறைக்கு தேவையான குளிர்ச்சியைக் கொடுக்கும், அதே சமயம் மின்சார செலவையும் குறைக்கும்.
Zero Watt Bulb : ஜீரோ வாட் பல்பு போட்டா கரண்ட் பில் வராதா? உண்மை தெரிஞ்சா ஷாக் ஆகிடுவீங்க!
அறையை விட்டு வெளியேறும் போது...!
இது ரொம்பவே அடிப்படையான விஷயம், ஆனா பலரும் மறக்கிற ஒரு பழக்கம். ஒரு அறையை விட்டு வெளியேறும் போது, அங்க உள்ள மின்விளக்குகள் மற்றும் மின்விசிறிகளை அணைச்சிடுங்க. சின்னதா தெரியுற இந்த பழக்கம், மாச கடைசில உங்க கரண்ட் பில்ல பெரிய மாற்றத்தை கொண்டு வரும்.
இந்த 5 எளிய மாற்றங்களை உங்க வீட்டுல கடைபிடிச்சா, மாசம் மாசம் வர்ற மின்சாரக் கட்டணத்தை கணிசமா குறைக்க முடியும். பணமும் சேரும், பூமிக்கும் நல்லது!
ஒருமுறை போன் சார்ஜ் பண்ணா கரண்ட் பில் எவ்வளவு வரும்? கணக்கு தெரிஞ்சா ஷாக் ஆகிடுவீங்க!
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
