- Home
- Tamil Nadu News
- டெமு Vs மெமு ரயில்களுக்கு இடையிலான வேறுபாடு என்ன? என்னென்ன ஃபெசிலிட்டி.. ஸ்பீடு எவ்வளவு?
டெமு Vs மெமு ரயில்களுக்கு இடையிலான வேறுபாடு என்ன? என்னென்ன ஃபெசிலிட்டி.. ஸ்பீடு எவ்வளவு?
Train: டீசல் எலக்ட்ரிக் மல்டிபிள் யூனிட் (DEMU) மற்றும் மெயின்லைன் எலக்ட்ரிக் மல்டிபிள் யூனிட் (MEMU) ரயில்களுக்கு இடையே உள்ள வேறுபாடு என்ன என்பதை விரிவாக பார்ப்போம்.
ரயில் போக்குவரத்து
தமிழகம் மட்டுமின்றி இந்தியா முழுவதும் போக்குவரத்து துறையில் முக்கிய பங்கு வகிப்பது ரயில்வே துறை. குறைவான கட்டணம், பாதுகாப்பான பயணம் உள்ளிட்ட பல்வேறு காரணங்களுக்காக பேருந்தை விட ரயில் பயணத்தை பொதுமக்கள் அதிக அளவில் விரும்புகின்றனர். இந்தியாவில் எக்ஸ்பிரஸ், வந்தே பாரத், ராஜதானி, சதாப்தி, விஸ்டாடோம், மகாராஜா, டீசல் எலக்ட்ரிக் மல்டிபிள் யூனிட் (DEMU), மெயின்லைன் எலக்ட்ரிக் மல்டிபிள் யூனிட் (DEMU)என பல ரயில்கள் உள்ளன. இந்த ரயில்கள் அனைத்திற்கும் ஒவ்வொரு தனித்துவம் மற்றும் சிறப்புகளை கொண்டுள்ளது.
டீசல் எலக்ட்ரிக் மல்டிபிள் யூனிட் Vs மெயின்லைன் எலக்ட்ரிக் மல்டிபிள் யூனிட்
இந்நிலையில் டீசல் எலக்ட்ரிக் மல்டிபிள் யூனிட் (DEMU) மற்றும் மெயின்லைன் எலக்ட்ரிக் மல்டிபிள் யூனிட் (MEMU) ரயில்களுக்கு இடையே உள்ள வேறுபாடு என்ன என்பதை விரிவாக பார்ப்போம். இந்த ரயில்கள் பெங்களூரு, சென்னை, டெல்லி உள்ளிட்ட பெருநகரங்கள் மற்றும் புறநகர் பகுதிகளை இணைக்கின்றன.
டீசல் எலக்ட்ரிக் மல்டிபிள் யூனிட்(DEMU)
டீசல் எலக்ட்ரிக் மல்டிபிள் யூனிட் என்பது DEMU ரயிலின் முழு வடிவமாகும். அதாவது டீசல் இன்ஜின் மூலம் இயங்குவது இதன் அர்த்தம். குறுகிய தூர பயணங்களுக்கு DEMU ரயில்கள் பயன்படுத்தப்படுகின்றன. இதில் டீசல் எலக்ட்ரிக் DEMU, டீசல் மெக்கானிக்கல் DEMU மற்றும் டீசல் ஹைட்ராலிக் DEMU என மூன்று வகைகள் உள்ளன. மணிக்கு 120 கிமீ வேகத்தில் செல்லும் திறன் கொண்டது, ஒவ்வொரு மூன்று பெட்டிகளுக்கும் பிறகு ஒரு பவர் கோச் இருக்கும்.
இந்த ரயில்களில் ஸ்லீப்பர் கோச், ஃபர்ஸ்ட் ஏசி, எக்ஸிகியூட்டிவ் கிளாஸ் வசதிகள் உள்ளன. 120 கிமீ வேகத்தில் செல்லும் திறன் இருந்தாலும் மெதுவாகவே இயக்கப்படுகின்றன. மின்மயமாக்கப்படாத பாதைகளில் இந்த DEMU ரயில்கள் அதிகம் இயக்கப்படுகின்றன. அக்டோபர் 23, 1994ம் ஆண்டு ஜலந்தர் மற்றும் ஹோசியார்பூர் இடையே முதல் DEMU ரயில் இயக்கப்பட்டது. கிராமப்புற அல்லது புறநகர் பகுதிகளை இணைக்கின்றன.
மெயின்லைன் எலக்ட்ரிக் மல்டிபிள் யூனிட்(MEMU)
மெயின்லைன் எலக்ட்ரிக் மல்டிபிள் யூனிட் என்பது MEMU ரயிலின் முழு வடிவமாகும். மின்சாரத்தை கொண்டு குறைந்த மற்றும் நடுத்தர தூரம் பயணம் செய்யும் ரயிலாகும். ஒவ்வொரு 4 பெட்டிகளுக்கும் இடையே பிறகு ஒரு பவர் கார் பொருத்தப்பட்டிருக்கும். மணிக்கு அதிகபட்சம் 160 கி.மீ. வேகத்தில் செல்லும் திறன் கொண்டது, 200 கி.மீ.க்கும் அதிகமான தூர பயணங்களுக்கு MEMU ரயில்கள் பயன்படுத்தப்படுகின்றன.
உயர் தொழில்நுட்பத்தைக் கொண்டது, 25 கிலோவாட் ஏசி ஓவர்ஹெட் லைன் மூலம் MEMU ரயில்கள் இயக்கப்படுகின்றன. MEMU ரயில்களில் ஸ்லீப்பர், ஏசி, ஃபர்ஸ்ட் கிளாஸ், செகண்ட் ஏசி, நாற்காலி என பல வசதிகள் உள்ளன. 1995ம் ஆண்டில் முதல் முறையாக MEMU ரயில்கள் தங்கள் சேவையைத் தொடங்கியது.
எலக்ட்ரிக் மல்டிபிள் யூனிட்
எலக்ட்ரிக் மல்டிபிள் யூனிட் என்பது இதன் முழு வடிவமாகும் EMU. இது MEMU ரயிலைப் போன்றது. நகர்ப்புற பகுதிகளான மும்பை, டெல்லி, கொல்கத்தா மற்றும் சென்னையில் இந்த ரயில்கள் அதிகம் பயன்படுத்தப்படுகின்றன. லோக்கல் டிரெயின் (புறநகர் மின்சார ரயில்) மும்பை நகரத்தின் உயிர்நாடி என்று அழைக்கப்படுகிறது. மும்பையில் ஒரு இடத்திலிருந்து மற்றொரு இடத்திற்குச் செல்ல மக்கள் அதிகளவில் லோக்கல் டிரெயின்களைப் பயன்படுத்துகின்றனர்.
