- Home
- Tamil Nadu News
- கடைசியில் சொன்ன 'அந்த' ஒரு வார்த்தை..! அதிமுக, பாஜக கனவை மொத்தமாக முடிச்சு விட்ட விஜய்!
கடைசியில் சொன்ன 'அந்த' ஒரு வார்த்தை..! அதிமுக, பாஜக கனவை மொத்தமாக முடிச்சு விட்ட விஜய்!
Vijay Shatters AIADMK-BJP Dreams: தவெக பொதுக்குழுவில் 'முதல்வர் வேட்பாளர் விஜய் தான்' என்று தீர்மானம் நிறைவேற்றப்பட்டுள்ளது. மேலும் விஜய்யும் திமுக, தவெக இடையே தான் போட்டி என்று கூறியுள்ளார்.
தவெக பொதுக்குழு கூட்டம்
கரூரில் தவெக தலைவர் விஜய் நடத்திய பிரசார கூட்டத்தில் ஏற்பட்ட கூட்ட நெரிசலில் சிக்கி பெண்கள், குழந்தைகள் உள்பட 41 பேர் பரிதாபமாக உயிரிழந்தனர். இதில் பாதிக்கப்பட்ட குடும்பத்தினரை விஜய் மாமல்லபுரம் வரவழைத்து ஆறுதல் தெரிவித்தார். இதனைத் தொடர்ந்து விஜய் பழையபடி கட்சி பணிகளை முடுக்கி விட்டார். இந்த நிலையில், தவெக பொதுக்குழு கூட்டம் மாமல்லபுரத்தில் இன்று நடைபெற்றது.
முதல்வர் ஸ்டாலின் மீது விஜய் விமர்சனம்
பொதுக்குழு கூட்டத்தின் இறுதியில் பேசிய தவெக தலைவர் விஜய், கரூர் விவகாரம் தொடர்பாக முதல்வர் ஸ்டாலினை கடுமையாக விளாசினார். தவெக மீது வன்மம் கொண்டு முதல்வர் சட்டப்பேரவையில் பேசியதாகவும், தவெகவுக்கு எதிராக முதல்வர் அவதூறு பரப்பியதாகவும் குற்றம்சாட்டினார். குடும்ப உறவுகளை இழந்ததால் வலியுடனும், வேதனையுடனும் இருந்ததால் இவ்வளவு நாள் அமைதி காத்ததாகவும் கூறியுள்ளார்.
உச்சநீதிமன்றம் எழுப்பிய கேள்விகள்
கரூர் விவகாரத்தில் தமிழக அரசு நடந்து கொண்ட விதத்தை உச்சநீதிமன்றம் அம்பலப்படுத்தியதாகவும், அவசரம் அவசரமாக ஒரு நபர் விசாரணை அமைத்தது ஏன்? அந்த ஆணையத்தை அவமதிக்கும் வகையில் அரசு அதிகாரிகள் செய்தியாளர்களை சந்தித்தது ஏன்? என திமுக அரசை பார்த்து உச்சநீதிமன்றம் கேள்வி கேட்டு வீட்டுக்கு அனுப்பி வைத்தது என்று விஜய் தெரிவித்துள்ளார்.
திமுக, தவெக இடையே தான் போட்டி
தொடர்ந்து பேசிய விஜய், ''நான் மீண்டும் சொல்கிறேன் வரும் தேர்தலில் திமுக, தவெக இடையே தான் போட்டி. இந்த போட்டி இன்னும் ஸ்ட்ராங் ஆக இருக்கும்'' என்று கூறினார். விஜய் சொன்னதை கேட்டதும் கூட்டத்தில் இருந்த தவெக நிர்வாகிகள் ஆர்ப்பரித்தனர். ஆனால் விஜய்யின் பேச்சு அதிமுக, பாஜக நிர்வாகிகள் இடையே அதிருப்தியை ஏற்படுத்தியுள்ளது.
பிள்ளையார் சுழி போட்டிருந்த இபிஎஸ்
ஏனெனில் கரூர் விவகாரத்தில் திமுக, அதன் கூட்டணி கட்சிகள் மற்றும் நாம் தமிழர் விஜய்க்கு எதிராக நிற்க, அதிமுகவும், பாஜகவும் ஆதரவாக நின்றன. இந்த விவகாரத்தில் விஜய் பக்கம் நின்று திமுக அரசை வெளுத்தெடுத்தார் அதிமுக பொதுச்செயலாளர் எடப்பாடி பழனிசாமி. இதனால் தவெக தொண்டர்கள் அதிமுகவுடன் கூட்டணி வைக்க வேண்டும் என பேசத் தொடங்க, இபிஎஸ்ஸும் இதற்கு பிள்ளையார் சுழி போட்டிருந்தார்.
அதிமுக, பாஜக ஏமாற்றம்
ஆனால் இன்று தவெக பொதுக்குழுவில் 'முதல்வர் வேட்பாளர் விஜய் தான்' என்று தீர்மானம் நிறைவேற்றப்பட்டுள்ளது. மேலும் விஜய்யும் திமுக, தவெக இடையே தான் போட்டி என்று கூறியுள்ளார். இதனால் தவெக தலையில் கூட்டணி அமையப் போவது உறுதியாகியுள்ளது. எப்படியாவது விஜய்யை கூட்டணியில் சேர்த்து விடலாம் என அதிமுகவும், பாஜகவும் கணக்கு போட்டிருந்தது. ஆனால் விஜய் தனது பேச்சின் மூலம் இவர்களின் கூட்டணி கனவுகளை மொத்தமாக முடிச்சு விட்டுள்ளார்.