சரசரவென சரிந்த தக்காளி, வெங்காயம் விலை.! அள்ளிச்செல்லும் இல்லத்தரசிகள்.. காய்கறிகளின் நிலவரம் என்ன?

காய்கறி சந்தைகளில் எதை வாங்குகிறார்களோ இல்லையோ முக்கியமாக தக்காளி மற்றும் வெங்காயத்தை அதிகளவு வாங்கி செல்வார்கள். ரசம் முதல் பிரியாணி சமைப்பதற்கு முக்கியம்.

Image Credit : our own

சமையலுக்கு ருசியை கொடுக்கும் தக்காளி வெங்காயம்

சமையலுக்கு ருசியை அளிக்கொடுப்பது காய்கறிகளை விட தக்காளி, வெங்காயம் தான். இவையெல்லாம் எந்த உணவையும் டேஸ்டாக சமைப்பது இயலாத காரியம். எனவே காய்கறி சந்தைகளில் மக்கள் எதை வாங்குகிறார்களோ இல்லையோ முக்கியமாக தக்காளி மற்றும் வெங்காயத்தை அதிகளவு வாங்கி செல்வார்கள். ரசம் வைப்பது முதல் பிரியாணி சமைப்பது வரை இந்த இரண்டின் தேவையும் மிக அதிகம். எனவே தக்காளி, வெங்காயத்தின் விலை சரிந்திருந்தால் போதும் கூடை, கூடையாக வாங்கி செல்வார்கள்.

Image Credit : Google

சரசரவென சரிந்த வெங்காயம்

இந்நிலையில் கடந்த சில நாட்களாக தக்காளி பெட்டி பெட்டியாக தமிழகம் முழுவதும் உள்ள காய்கறி சந்தையில் குவிந்து வருகிறது. அதேபோல் வெங்காயத்தின் வரத்தும் அதிகரித்ததால் மூட்டை மூட்டையாக நாசிக் உள்ளிட்ட இடங்களில் இருந்து தமிழகத்திற்கு லாரிகளில் வந்தது. இதனால் தக்காளி மற்றும் வெங்காயத்தின் விலையானது போட்டி போட்டு குறைந்து வருகிறது. தற்போது 4 முதல் 5 கிலோ வெங்காயம் ரூ.100 விற்பனை செய்யப்பட்டு வருகிறது.

Image Credit : our own

தக்காளி விலை நிலவரம்

அதேபோல் தக்காளியும் விளைச்சல் அதிகரிப்பால் விவசாயிகளுக்கு உரிய விலை கிடைக்காத நிலை நீடித்து வருகிறது. இதனால் பெரும்பாலான விவசாயிகள் தக்காளியை பறிக்காமல் செடியிலேயே விட்டு விடும் நிலை நீடித்து வருகிறது. இந்நிலையில் தக்காளி ஒரு கிலோ 20 முதல் 22 ரூபாய்க்கு விற்பனை செய்யப்படுகிறது. இதனால் இல்லத்தரசிகள் பை நிறைய தக்காளி மற்றும் வெங்காயத்தை வாங்கி செல்கின்றனர். மேலும் பச்சை காய்கறிகளின் விலையும் குறைந்துள்ளதால் சந்தோஷத்தில் உள்ளனர்.

Image Credit : Asianet News

கோயம்பேடு காய்கறி சந்தை

சென்னை கோயம்பேடு காய்கறி சந்தையில் பெரிய வெங்காயம் ஒரு கிலோ 25 முதல் 24 ரூபாய்க்கும், சின்ன வெங்காயம் ஒரு கிலோ 63 முதல் 70 ரூபாய்க்கும், தக்காளி ஒரு கிலோ 20 முதல் 22 ரூபாய்க்கும், பச்சை மிளகாய் 50 ரூபாய்க்கும், பீட்ரூட் ஒரு கிலோ30 முதல் 35 ரூபாய்க்கும், உருளைக்கிழங்கு ஒரு கிலோ 15 ரூபாய்க்கும், குடைமிளகாய் ஒரு கிலோ 56 முதல் 62 ரூபாய்க்கும், பாகற்காய் ஒரு கிலோ 46 ரூபாய்க்கும், சுரைக்காய் ஒரு கிலோ 25 முதல் 35 ரூபாய்க்கும் விற்பனையாகிறது.

Image Credit : our own

காய்கறிகளின் விலை நிலவரம்

பட்டர் பீன்ஸ் ஒரு கிலோ 68 முதல் 90 ரூபாய்க்கும், அவரைக்காய் ஒரு கிலோ 70 முதல் 130 ரூபாய்க்கும், முட்டைக்கோஸ் ஒரு கிலோ 13 ரூபாய்க்கும், கேரட் ஒரு கிலோ 30 முதல் 40 ரூபாய்க்கும், வெள்ளரிக்காய் ஒரு கிலோ 20 முதல் 30 ரூபாய்க்கும், முருங்கைக்காய் ஒரு கிலோ 120 முதல் 140 ரூபாய்க்கும், கத்திரிக்காய் ஒரு கிலோ 46 ரூபாய்க்கும் விற்பனை செய்யப்படுகிறது.

Image Credit : Asianet News

கிடு கிடுவென உயர்ந்த வெண்டைக்காய்

பீன்ஸ் ஒரு கிலோ 40 முதல் 45 ரூபாய்க்கும், இஞ்சி ஒரு கிலோ 70 ரூபாய்க்கும், வெண்டைக்காய் ஒரு கிலோ 46 முதல் 51 ரூபாய்க்கும், பூசணி ஒரு 15 ரூபாய்க்கும், முள்ளங்கி ஒரு கிலோ 15 ரூபாய்க்கும், பீர்க்கங்காய் ஒரு கிலோ 50 முதல் 60 ரூபாய்க்கும், புடலங்காய் ஒரு கிலோ 25 முதல் 27 ரூபாய்க்கும், கோவைக்காய் 25 முதல் 50 ரூபாய்க்கும் விற்பனை செய்யப்படுகிறது