Half Yearly Exam: அரையாண்டு தேர்வு, விடுமுறை தேதிகள் அறிவிப்பு: எத்தனை நாள் லீவு தெரியுமா?

தமிழகத்தில் அரசு, அரசு உதவிபெறும் பள்ளிகளில் 10, 11, 12ம் வகுப்புகளுக்கான பொதுத்தேர்வுகள் ஏற்கனவே அறிவிக்கப்பட்டுவிட்ட நிலையில் மாணவர்கள் இதற்காக தீவிரமாக தயாராக வருகின்றனர். இதனிடையே தமிழகத்தில் தற்போது பள்ளி மாணவர்களுக்கு ஒரு வருடம் 3 பருவங்களாக பிரிக்கப்பட்டு ஒவ்வொரு பருவத்திற்கும் தனித்தனியாக தேர்வுகள் நடத்தப்படுகின்றன. காலாண்டு, அரையாண்டு, முழுஆண்டு என 3 பருவங்களாக பள்ளிகள் நடைபெறுகின்றன.

இந்நிலையில் இரண்டாம் பருவமான அரையாண்டு தேர்வுக்கான தேதி மற்றும் தேர்வு விடுமுறைக்கான தேதிகளை தமிழக பள்ளிக்கல்வித்துறை வெளியிட்டுள்ளது. அதன்படி வருகின்ற டிசம்பர் 16ம் தேதி திங்கள் கிழமை அரையாண்டு தேர்வுகள் தொடங்குகின்றன. தொடர்ச்சியாக நடைபெறும் தேர்வுகள் டிசம்பர் 23ம் தேதி வரை நடைபெறுகின்றது.

தேர்வுகள் முடிவடைந்ததும் டிசம்பர் 24ம் தேதி அரையாண்டு தேர்வுக்கான விடுமுறைகள் தொடங்குகின்றன. கிறிஸ்துமஸ், புத்தாண்டு பண்டிகைகள் நிறைவடைந்ததும் ஜனவரி 2ம் தேதி வியாழன் கிழமை முதல் மூன்றாம் பருவத்திற்கான பாடங்கள் தொடங்கும் என்று தெரிவிக்கப்பட்டு உள்ளது. அரையாண்டு தேர்வு விடுமுறையாக மொத்தம் 9 நாட்கள் விடுமுறை வழங்கப்படுகிறது.