நெல்லை, பொதிகை உள்பட தமிழ்நாடு ரயில்களின் நேரம் மாற்றம்; எந்தெந்த ரயில்கள்? முழு விவரம்!

தமிழ்நாட்டில் பல்வேறு எக்ஸ்பிரஸ் ரயில்களின் நேரம் மாற்றம் செய்யபப்ட்டுள்ளது. பல்வேறு ரயில்களின் பயண நேரமும் குறைக்கப்பட்டுள்ளது. 

Trains Timing Changed

நெல்லை எக்ஸ்பிரஸ் நேரம் மாற்றம் 

2025ம் ஆண்டு புத்தாண்டு பிறந்து விட்ட நிலையில், இந்திய ரயில்வே புதிய கால அட்டவணை வெளியிட்டுள்ளது. ஜனவரி 1ம் தேதி (நேற்று) முதல் தமிழ்நாட்டில் பல்வேறு ரயில்களின் நேரம் மாற்றப்பட்டுள்ளது. பல்வேறு ரயில்களில் பயண நேரமும் குறைக்கப்பட்டுள்ளது. அது குறித்து விரிவாக பார்ப்போம்.

திருநெல்வேலி சென்னை இடையே இயக்கப்படும் நெல்லை எக்ஸ்பிரஸ் (வண்டி எண்: 12632) நெல்லையில் இருந்து இரவு 8.10 மணிக்கு பதில் இரவு 8.30 மணிக்கு புறப்பட்டு செல்லும். அதே வேளையில் சென்னைக்கு வழக்கமான நேரத்தில் (காலை 7 மணி) சென்றடையும். பயண நேரம் 20 நிமிடம் குறைந்துள்ளது.

மறுமார்க்கமாக இதே ரயில் (வ.எண்:12631) இரவு 8.10 மணிக்கு பதில் இரவு 8.30 மணிக்கு சென்னையில் இருந்து புறப்பட்டு வழக்கமான நேரத்தில் (காலை 6.40 மணி) நெல்லை வந்தடையும் என அறிவிக்கப்பட்டுள்ளது.

Nellai Express Timing Changed

பொதிகை, சிலம்பு எக்ஸ்பிரஸ் 

சென்னையில் இருந்து செங்கோட்டை செல்லும் பொதிகை எக்ஸ்பிரஸ் (வ.எண்: 12661) சென்னையில் இருந்து இரவு 8.40 மணிக்கு பதிலாக இரவு 8.10 மணிக்கு புறப்பட்டு காலை 7.25 மணிக்கு செங்கோட்டை சென்றடையும். தாம்பரம்-செங்கோட்டை சிலம்பு எக்ஸ்பிரஸ் தாம்பரத்தில் இருந்து இரவு 9.05 மணிக்கு பதிலாக 9 மணிக்கு புறப்படும். மறுமார்க்கமாக இதே ரயில் செங்கோட்டையில் இருந்து மாலை 4.50 மணிக்கு பதிலாக 5.10 மணிக்கு புறப்படும்.

கன்னியாகுமரி-சென்னை எக்ஸ்பிரஸ் மாலை 5.50 மணிக்கு பதிலாக மாலை 6 மணிக்கு சென்னை புறப்பட்டு செல்லும். தூத்துக்குடி-பாலக்காடு பாலருவி எக்ஸ்பிரஸ் நெல்லையில் இருந்து இரவு 11.30 மணிக்கு பதிலாக 11 மணிக்கு புறப்படும். வாரம் இரண்டு முறை இயக்கப்படும் மதுரை-தாம்பரம் எக்ஸ்பிரஸ் (வழி: திருச்சி, தஞ்சாவூர், மயிலாடுதுறை) மதுரையில் இருந்து இரவு 8.50க்கு பதிலாக 8.45க்கு புறப்படும். மதுரை-புனலூர் எக்ஸ்பிரஸ் (வ.எண்:16729) மதுரையில் இருந்து இரவு 11.25க்கு பதிலாக இரவு 11.20க்கு புறப்படும்.

Indian Railway

நெல்லை-திருச்செந்தூர் 

திருச்செந்தூர்-நெல்லை ரயில் (வ.எண்: 56728) காலை 7.20க்கு பதிலாக காலை 7.10 மணிக்கும், வாஞ்சி மணியாச்சி-திருச்செந்தூர் ரயில் (வ.எண்:56731) மணியாச்சியில் இருந்து காலை 11.05க்கு பதிலாக காலை 11 மணிக்கும், நெல்லை-செங்கோட்டை ரயில் (வ.எண்:56741) காலை 7 மணிக்கு பதிலாக காலை 6.50க்கும், நெல்லை-செங்கோட்டை ரயில் (வ.எண்: 56743) மதியம் 1.50 மணிக்கு பதிலாக மதியம் 1.45க்கும் புறப்படும். 

Southern Railway

குருவாயூர் வேகம் அதிகரிப்பு 

நெல்லை-நாகர்கோவில் ரயில் (வ.எண்:56708) காலை 7.10 மணிக்கு பதிலாக காலை 7.05க்கும், நெல்லை-திருச்செந்தூர் ரயில் (வ.எண்: 56727) காலை 7.25 மணிக்கு பதிலாக காலை 7.15க்கும், காரைக்குடி - திருச்சி ரயில் (வ.எண்: 56816) மாலை 3.30 மணிக்கு பதிலாக மாலை 3.15 மணிக்கு புறப்படும். மேலும் சென்னை-குருவாயூர் எக்ஸ்பிரஸ், சென்னை-திருச்செந்தூர் எக்ஸ்பிரஸ் உள்பட 57 ரயில்களின் பயண நேரமும் குறைக்கப்பட்டுள்ளன.