- Home
- Tamil Nadu News
- எம்எல்ஏ பதவியை ராஜினாமா செய்யும் செங்கோட்டையன்? முக்கிய பொறுப்புடன் தவெகவில் இணைகிறார்! அலறும் இபிஎஸ்!
எம்எல்ஏ பதவியை ராஜினாமா செய்யும் செங்கோட்டையன்? முக்கிய பொறுப்புடன் தவெகவில் இணைகிறார்! அலறும் இபிஎஸ்!
அதிமுகவில் இருந்து நீக்கப்பட்ட மூத்த தலைவர் செங்கோட்டையன், தனது எம்எல்ஏ பதவியை ராஜினாமா செய்துவிட்டு நடிகர் விஜய்யின் தமிழக வெற்றிக் கழகத்தில் இணைய உள்ளதாக தகவல் வெளியாகியுள்ளது.
அதிமுகவில் இருந்து பிரிந்து சென்றவர்களான சசிகலா, ஓபிஎஸ், டிடிவி.தினகரன் ஆகியோரை ஒற்றிணைக்க அதிமுக மூத்த தலைவரும், முன்னாள் அமைச்சருமான செங்கோட்டையன்எடப்பாடி பழனிசாமிக்கு காலக்கெடு விதித்தார். இதனால் கடுப்பான இபிஎஸ் முதலில் செங்கோட்டையனின் கட்சிப்பதவிகள் பறிக்கப்பட்டன. இருப்பினும் கட்சி உறுப்பினராக நீடித்து வந்தார். இதனையடுத்து ஓபிஎஸ்வுடன் ஒரே காரில் செங்கோட்டையன் பசும்பொன்னுக்கு சென்றார். அதுமட்டுமல்லாமல் ஓபிஎஸ், டிடிவி.தினகரன், செங்கோட்டையன் ஆகியோர் ஒன்றாக சேர்ந்து தேவர் சிலைக்கு மாலை அணிவித்து மரியாதை செலுத்தினார். இதனையடுத்து அதிமுகவில் இருந்து செங்கோட்டையன் அதிரடியாக நீக்கப்பட்டார்.
இதனையடுத்து செய்தியாளர்கள் சந்திப்பில் அதிமுக பொதுச்செயலாளர் எடப்பாடி பழனிசாமி மீது பல்வேறு குற்றச்சாட்டுகளை செங்கோட்டையன் அடுக்கினார். இந்நிலையில் அடுத்து செங்கோட்டையன் என்ன செய்யப்போகிறார் என்ற எதிர்பார்ப்பு அனைவரின் மத்தியில் எழுந்தது. முதலில் திமுகவில் இணைய உள்ளதாக தகவல் வெளியான நிலையில் யாரும் எதிர்பாராத விதமாக விஜயின் தவெகவில் இணைய திட்டமிட்டுள்ளதாக தகவல் வெளியாகியுள்ளது.
இந்நிலையில் நேற்று மாலை கோவையில் செய்தியாளர்களிடம் பேசிய செங்கோட்டையன்: 50 ஆண்டுகால அரசியல் வரலாற்றில் ஏற்றத்தாழ்வுகளை சந்தித்து இந்த இயக்கத்துக்காக உழைத்த எனக்கு கொடுக்கப்பட்டிருக்கிற பரிசு உறுப்பினராக இருக்க கூடாது என நினைத்து நீக்கியிருக்கிறார்கள். இது மன வேதனையாக இருக்கிறது. இப்போது எந்த கருத்தையும் சொல்வதற்கு இல்லை என்று கூறிவிட்டு சென்றார்.
இந்நிலையில் செங்கோட்டையன் எம்எல்ஏ பதவியை இன்று ராஜினாமா செய்துவிட்டு, நாளை விஜய் முன்னிலையில் தவெகவில் இணைய உள்ளதாக தகவல் வெளியாகி வருகிறது. அவருக்கு தவெகவில் முக்கிய பொறுப்பு வழங்கப்பட உள்ளது. செங்கோட்டையனை தொடர்ந்து மேலும் பல அதிமுக முக்கிய நிர்வாகிகள் தவெகவில் இணைய வாய்ப்புள்ளதாக அரசியல் பார்வையார்கள் கூறி வருகின்றனர். விஜய் கட்சியில் இணைந்த பிறகு இபிஎஸ்ஐ வீழ்த்த செங்கோட்டையன் பல அஸ்திரங்களை கையில் எடுப்பார் என எதிர்பார்க்கப்படுகிறது.
