போட்டி போட்டு விலை குறையும் தக்காளி, வெங்காயம்; இல்லத்தரசிகள் குஷி; இன்றைய காய்கறி விலைப்பட்டியல் இதோ!

சென்னை கேயம்பேடு மார்க்கெட்டில் தக்காளி வெங்காயத்தின் விலை இன்று குறைந்துள்ளது.  இன்றைய காய்கறி விலைப்பட்டியலை விரிவாக பார்க்கலாம். 

Today Vegetables Rate

இந்தியாவில் ஒருபக்கம் பெட்ரோல், டீசல் விலை உயர்ந்து கொண்டிருக்க, காய்கறி உள்ளிட்ட அத்தியாவசிய பொருட்களின் விலையும் உச்சத்தில் உள்ளது. குறிப்பாக சமையலில் தவிர்க்க முடியாத  தக்காளி மற்றும் வெங்காயத்தின் விலை தொடர்ந்து அதிகரித்து வந்தது. அதாவது சில மாதங்களுக்கு முன்பு ஒரு கிலோ தக்காளி 100 ரூபாயை தாண்டிச் சென்றது. 

வெங்காயத்தின் விலை 120 ரூபாயை தாண்டிச்சென்றது. போட்டி போட்டு தக்காளி, வெங்காயம் உயர்ந்ததால் இல்லத்தரசிகள் கடுமையாக பாதிக்கப்பட்டனர். ராக்கெட் வேகத்தில் தக்காளி சென்றதால் வீடுகளில் சமைக்கும் உணவுகளில் தக்காளி வெங்காயத்தை குறைவான அளவை பயன்படுத்த வேண்டிய நிலை உருவானது. மேலும் மழை காரணமாகும் தக்காளி, வெங்காயத்தின் விளைச்சல் பாதிக்கப்பட்டு விலை உயர்ந்தது.

vegetables rate in chennai

இதனைத் தொடர்ந்து தக்காளி, வெங்காயத்தின் விலையை குறைக்க மத்திய, மாநில அரசுகள் நடவடிக்கை எடுத்தன. தமிழ்நாட்டில் பண்ணை பசுமை கடைகளில் தக்காளி குறைவான விலையில் விற்கப்பட்டது. இதன்பிறகு கடந்த சில வாரங்களாக தக்காளி, வெங்காயத்தின் விலை குறைந்து வருகிறது. இந்நிலையில், நேற்றை விட இன்று தக்காளி சற்று குறைந்துள்ள நிலையில், வெங்காயத்தின் விலையும் குறைந்துள்ளது.

கேயம்பேடு காய்கறி மார்க்க்கெட்டில் ஒரு கிலோ தக்காளி இன்று ரூ.15 முதல் ரூ.30 வரை விற்பனை செய்யப்படுகிறது. இதேபோல் பெரிய வெங்காயம் ஒரு கிலோ இன்று ரூ.15 முதல் ரூ.36 வரை விற்பனை செய்யப்படுகிறது.

green chilly price

மேலும் மற்ற காய்கறிகளின் விலையும் கணிசமாக குறைந்துள்ளது. வெண்டைக்காய் ஒரு கிலோ 30 ரூபாய்க்கும், புடலங்காய் கிலோ 35க்கும், பீர்க்கங்காய் கிலோ 43க்கும் விறபனையாகின்றன. இதேபோல் இஞ்சி ஒரு கிலோ 100 ரூபாய்க்கும், பீன்ஸ் ஒரு கிலோ 55 ரூபாய்க்கும், கத்திரிக்காய் ஒரு கிலோ 20 ரூபாய்க்கும், முருங்கைக்காய் ஒரு கிலோ 120 ரூபாய்க்கும், காலிபிளவர் ஒன்று 15 முதல் 20 ரூபாய்க்கும், கேரட் ஒரு கிலோ 45 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும், அவரைக்காய் ஒரு கிலோ 50 ரூபாய்க்கும் விற்பனை செய்யப்படுகின்றன.

tomato price

மேலும் பச்சை மிளகாய் ஒரு கிலோ ரூ.25க்கும், உருளைக்கிழக்கு கிலோ ரூ.30க்கும், தேங்காய் கிலோ ரூ,35க்கும், சேனைகிழங்கு கிலோ ரூ.35க்கும், மாங்காய் கிலோ ரூ.90க்கும் விற்பனை செய்யப்படுகின்றன. செள செள கிலோ ரூ.15க்கும், பூண்டு கிலோ ரூ.306க்கும், கருணைக்கிழங்கு ரூ.35க்கும் விற்பனை செய்யப்படுகின்றன.