Chennai Metro: நியூயார்க்கை விட சென்னை மெட்ரோ தான் பெஸ்ட்! புகழ்ந்து தள்ளிய வெளிநாட்டு பயணி!

Chennai Metro: சென்னை மெட்ரோ ரயிலில் பயணம் செய்த வெளிநாட்டு பயணி ஒருவர் நியூயார்க் சப்வேயை விட சென்னை மெட்ரோ சிறப்பாக உள்ளதாக புகழ்ந்து தள்ளியுள்ளார். இது குறித்த முழு விவரங்களை இந்த செய்தியில் பார்க்கலாம்.

Image Credit : x

சென்னை மெட்ரோ ரயில்கள்

சென்னையின் பல்வேறு வழித்தடங்களில் மெட்ரோ ரயில்கள் இயக்கப்பட்டு வருகின்றன. சென்னை சென்ட்ரல் முதல் கோயம்பேடு பரங்கிமலை வழியாக விமான நிலையம் வரையிலும், விம்கோ நகர் முதல் சென்னை சென்ட்ரல், தேனாம்பேட்டை, சைதாப்பேட்டை, கிண்டி வழியாக விமான நிலையம என பல்வேறு வழித்தடங்கலில் மெட்ரோ ரயில்கள் இயக்கப்பட்டு வருகின்றன. இதுமட்டுமின்றி சென்னையின் மற்ற பகுதிகளையும் இணைக்கும் வகையில் ப‌ணிகள் அதிவேகமாக நடைபெற்று வருகின்றன.

விமான நிலையங்களை பொறாமைப்பட வைக்கும் சென்னை மெட்ரோ

சென்னையில் போக்குவரத்து நெரிசலுக்கு தீர்வு காணும் வகையில் மெட்ரோ ரயில் திட்டங்கள் அமைந்துள்ளன. இதுமட்டுமின்றி மழை, வெள்ளம் போன்ற காலங்களில் மெட்ரோ ரயில்கள் பெரிதும் கைகொடுத்து உதவுகின்றன. இதன் காரணமாக மெட்ரோ ரயில்களில் பயணம் செய்யும் பயணிகளின் எண்ணிக்கை நாளுக்கு நாள் அதிகரித்து வருகிறது. 

தினமும் ஏராளமானோர் பயணித்தாலும் சென்னை மெட்ரோ ரயில்கள் மற்றும் ரயில் நிலையங்கள் மிகவும் சுத்தமாக பரமாரிக்கப்படுகின்றன. விமான நிலையங்களே பொறாமைப்படும் அளவுக்கு சென்னை மெட்ரோ ரயில் நிலையங்கள் சுத்தமாக இருக்கிறது என்று சொன்னால் அது மிகையாகாது.

Image Credit : Google

சென்னை மெட்ரோவை புகழ்ந்த வெளிநாட்டு பயணி

இந்த நிலையில், சென்னைக்கு வந்த ஜப்பானிய பெண் பயணி ஒருவர், சென்னை மெட்ரோவை புகழ்ந்து தள்ளியுள்ளார். அதாவது சென்னை மெட்ரோவில் பயணம் செய்த அவர், ''பேருந்து நிலையத்தை (கிளாம்பாக்கம்) நேரில் சென்று பார்ப்பதற்காக இந்தியாவிலுள்ள சென்னையில் மெட்ரோவில் பயணிக்கிறேன். இந்த பிளாட்பாரத்தில் 'பிளாட்பாரம் ஸ்கிரீன் டோர்ஸ்' (தானியங்கி பாதுகாப்பு கதவுகள்) மற்றும் சிறப்பாக வேலை செய்யும் ஏசி வசதியும் உள்ளன. இதனுடைய உள்கட்டமைப்பு வசதிகள் நியூயார்க்கின் சப்வேயை விட ஒட்டுமொத்தமாகவே பல மடங்கு சிறப்பாக இருக்கின்றன'' என்று எக்ஸ் தளத்தில் பெருமையுடன் பதிவிட்டுள்ளார்.

Image Credit : our own

நியூயார்க் சப்வேயை விட தூய்மை

இதில் குறிப்பிடத்தக்க விஷயமே அவர் உலகப்புகழ்பெற்ற நியூயார்க் சப்வேயை விட சென்னை மெட்ரோ பல மடங்கு சிறப்பானதாகவும், தூய்மையாகவும் இருக்கிறது என்று கூறியதுதான். நியூயார்க் போன்ற பழமையான சப்வேக்களில் குப்பைகள் மற்றும் அசுத்தம் பெரும் பிரச்சனையாக இருக்கும் நிலையில், சென்னையின் மெட்ரோ நிலையங்களும் ரயில்களும் எவ்விதக் கறைகளும் இன்றி மிகச் சுத்தமாகப் பராமரிக்கப்படுவதை அவர் பாராட்டியுள்ளார். துல்லியமாகச் செயல்படும் தானியங்கி கதவுகள், குளிர்சாதன வசதி (AC), மற்றும் பயணிகளுக்கு வழிகாட்டும் டிஜிட்டல் திரைகள் போன்ற நவீன உள்கட்டமைப்பு அவருக்குப் பெரும் திருப்தியை அளித்துள்ளது.

Image Credit : Google

சென்னைவாசிகள் பெருமிதம்

வெளிநாட்டு சுற்றுலா பயணி ஒருவர் அமெரிக்காவை விட சென்னை மெட்ரோ சூப்பராக உள்ளது என்று பாராட்டியது சென்னை மக்களுக்கு பெரும் மகிழ்ச்சியை அளித்துள்ளது. சிங்காரச் சென்னை" என்று அழைக்கப்படும் நமது சென்னை மெட்ரோ உலக அளவில் அங்கீகாரம் பெற்றுள்ளதாக சென்னைவாசிகள் மட்டுமின்றி தமிழககம் முழுவதும் பலரும் சமூகவலைத்தளங்களில் பெருமிதம் தெரிவித்து வருகின்றனர். இவ்வளவு பெரிய கட்டமைப்பை தினமும் சுத்தமாக பராமரிக்கும் சென்னை மெட்ரோவின் துப்புரவு பணியாளர்கள் மற்றும் நிர்வாகத்திற்கு பொதுமக்கள் தங்களது நன்றியையும் பாராட்டுகளையும் தெரிவித்து வருகின்றனர்.

சென்னை மெட்ரோ நிறுவனத்துக்கு சல்யூட்

பொதுவாக நாம் வெளிநாடுகளுக்குச் செல்லும்போது அங்குள்ள உள்கட்டமைப்பைப் பார்த்து வியப்பதே வழக்கம். ஆனால், இன்று ஒரு வெளிநாட்டுப் பயணி சென்னையின் உள்கட்டமைப்பைப் பார்த்து வியந்து பாராட்டுவதுதற்கு சென்னை மெட்ரோ நிர்வாகமே முக்கிய காரணம். இதற்காக சென்னை மெட்ரோ நிறுவனத்துக்கு ஒரு மிகப்பெரிய சல்யூட்.