தமிழகத்தில் கோவை உள்ளிட்ட 4 மாவட்டங்களில் இன்று கனமழை வெளுத்து வாங்கப்போகுதாம்!

தமிழகத்தில் வெயில் வாட்டி வதைத்தாலும், ஒருசில மாவட்டங்களில் மழை பெய்ய வாய்ப்புள்ளது. வங்கக்கடல் பகுதியில் ஆழ்ந்த காற்றழுத்த தாழ்வு காரணமாக கனமழை பெய்யக்கூடும் என வானிலை மையம் தெரிவித்துள்ளது.

Tamilnadu Weather Update

தமிழகத்தில் வாட்டி வதைக்கும் வெயில்

தமிழகத்தில் கடந்த சில நாட்களாகவே பல்வேறு மாவட்டங்களில் கோடை வெயில் 100 டிகிரி தாண்டி சுட்டெரித்து வருகிறது. இதனால் பகல் நேரங்களில் பொதுமக்கள் வெளியில் செல்வதை முற்றிலுமாக தவிர்த்து வருகின்றனர். கடுமையான வெயில் வாட்டி வதைத்து வந்தாலும் அவ்வப்போது ஒருசில மாவட்டங்களில் மழை பெய்து வருகிறது. 

tamilnadu rain

ஆழ்ந்த காற்றழுத்த தாழ்வு பகுதி

இந்நிலையில் மத்தியமேற்கு வங்கக்கடல் பகுதிகளில் நிலவிய ஆழ்ந்த காற்றழுத்த தாழ்வு பகுதி மத்தியமேற்கு மற்றும் அதனை ஒட்டிய தென்மேற்கு வங்கக்கடல் பகுதிகளில் ஆழ்ந்த காற்றழுத்த தாழ்வு பகுதியாகவே நிலவுகிறது. இது அடுத்த 12 மணி நேரத்தில் வடக்கு திசையில், மத்தியமேற்கு வங்கக்கடல் பகுதிகளில் நகர்ந்து, அதற்கடுத்த  24  மணி நேரத்தில்  வடக்கு-வடகிழக்கு திசையில் திரும்பி, மத்திய வங்கக்கடல் பகுதிகளில்  படிப்படியாக வலுவிழக்கக்கூடும் என தெரிவித்துள்ளது. 

Heavy Rain

கனமழை எச்சரிக்கை

இதன் காரணமாக இன்று தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை  பெய்யக்கூடும். கோயம்புத்தூர் மாவட்ட மலைப்பகுதிகள், நீலகிரி, தேனி மற்றும் தென்காசி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

இதையும் படிங்க: கோவை மட்டுமல்ல இந்த மாவட்டங்களிலும் கொட்டோ கொட்டுன்னு கொட்ட போகுதாம் மழை! வானிலை மையம்!

Chennai weather update

சென்னை வானிலை நிலவரம்

அதேபோல் இன்று சென்னை மற்றும் புறநகர் பகுதிகளில்  வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை  36-37° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும்  இருக்கக்கூடும் என சென்னை வானிலை மையம் தெரிவித்துள்ளது. 

Heatwave

அதிகபட்ச வெப்பநிலை பற்றிய முன்னறிவிப்பு: 

இன்று  தமிழகத்தில் அதிகபட்ச வெப்பநிலை ஒருசில இடங்களில் 2-3° செல்சியஸ்  வரை படிப்படியாக உயரக்கூடும் என  சென்னை வானிலை மையம்  தகவல் தெரிவித்துள்ளது.