அப்பாடா... சிங்கம் சிக்கியது.! எங்கே இருந்தது தெரியுமா.? வண்டலூர் பூங்கா முக்கிய அறிவிப்பு

Vandalur Zoo : வண்டலூர் பூங்காவில் 'ஷெரூ' என்ற ஆண் சிங்கம் காணாமல் போனதால் பரபரப்பு ஏற்பட்டது. சிங்கம் 50 ஏக்கர் பரப்பளவுள்ள சஃபாரி பகுதிக்குள் பாதுகாப்பாக இருப்பதாகவும், அதன் நடமாட்டத்தை கண்காணிக்கப்பட்டு வருவதாக தகவல் 

Image Credit : our own

வண்டலூரில் அமைந்துள்ள அறிஞர் அண்ணா உயிரியல் பூங்காவில், கடந்த 5 நாட்களாக 'ஷெரூ' என்ற ஆண் சிங்கம் காணாமல் போனதால் பெரும் பரபரப்பு நிலவியது. இதனால் சுற்றியுள்ள பகுதியில் உள்ள மக்கள் அச்சம் அடைந்தனர். தங்கள் பகுதிக்குள் வந்து விடுமோ என்ற அச்சத்தில் வீட்டிற்குள் முடங்கினர். இந்த நிலையில் மாயமான சிங்கம் கண்டறியப்பட்டுள்ளதாக வண்டலூர உயிரியல் பூங்கா நிர்வாகம் தெரிவித்துள்ளது. 

இது தொடர்பாக வெளியிடப்பட்டுள்ள அறிக்கையில், பூங்காவில் மொத்தமாக 9 சிங்கங்கள் உள்ளன, அவற்றில் ஏழு (மூன்று ஆண் மற்றும் நான்கு பெண் லயன் சஃபாரியில் பராமரிக்கப்படுகின்றன, அந்த வகையில் 2023 ஆம் ஆண்டில் பெங்களூரு உயிரியல் பூங்காவுடன் விலங்கு பரிமாற்ற திட்டத்தின் மூலம் கொண்டு வரப்பட்ட ஷெரியார் (5 வயது) என்ற இளம் ஆண் சிங்கமும் சஃபாரி பகுதிக்குள் தொடர்ந்து விடப்படுகிறது.

Image Credit : Asianet News

இருப்பினும், அக்டோபர் 3, 2025 அன்று, சிங்கம் இரவு தங்குமிடத்திற்குத் திரும்பவில்லை. வழக்கமாக, சஃபாரி சிங்கங்கள் மாலைக்குள் இரவு தங்குமிடத்திற்குத் திரும்பும். எனவே, மிருகக்காட்சிசாலை நிர்வாகம் உடனடியாக தேடல் குழுக்களை தொடங்கியது. இதன் படி தேடுதல் குழு சஃபாரி பகுதிக்குள் சிங்கத்தைக் கண்டுபிடிக்கப்பட்டது. 

சஃபாரி பகுதிக்குள் உள்ள காம்பவுண்ட் சுவருக்கு அருகில் கால் அச்சுத், அதன் இயக்கப் பாதையில் ரேக் அடையாளங்களும் பதிவு செய்யப்பட்டுள்ளன. இது சிங்கம் தற்போது சுற்றுச்சூழலை ஆராய்ந்து வருவதைக் குறிக்கிறது, இது ஒரு இளம் சிங்கத்திற்கு இயல்பான மற்றும் எதிர்பார்க்கப்படும் நடத்தை என தெரிவிக்கப்பட்டுள்ளது.

Image Credit : our own

சுமார் 50 ஏக்கர் பரப்பளவில் பரந்து விரிந்துள்ள லயன் சஃபாரி மண்டலத்திற்குள் சிங்கத்தின் பாதுகாப்பு மற்றும் நல்வாழ்வை உறுதி செய்வதற்காக, 5 குழுக்கள் உருவாக்கப்பட்டுள்ளன. சஃபாரி மண்டலத்தின் முழு சுற்றளவும் எல்லைச் சுவர் மற்றும் சங்கிலி, இணைப்பு வலை வேலி இரண்டாலும் பாதுகாக்கப்படுகிறது, இது விலங்கு சஃபாரி பகுதிக்குள் இருப்பதை உறுதி செய்கிறது. 

இந்த பகுதி 90 சதவீதத்திற்கும் அதிகமான தாவரங்களைக் கொண்ட பகுதியாகும், எனவே பகலில் சாதாரண ட்ரோன்கள் மற்றும் இரவில் வெப்ப இமேஜிங் ட்ரோன்கள் மூலம் சிங்கத்தின் பாதுகாப்பிற்காக கண்காணிக்கப்படுகிறது. அதோடு, சிங்கத்தின் நல்வாழ்வை உறுதி செய்வதற்காக அதன் அசைவுகளை உறுதி செய்வதற்காக 10 கேமரா நிறுவப்பட்டுள்ளன.

Image Credit : our own

கடந்த காலங்களிலும் இதுபோன்ற நிகழ்வுகள் நடந்துள்ளன என்பது குறிப்பிடத்தக்கது. இளம் சிங்கங்கள், இயற்கையாகவே, புதிதாக வரும்போது அலைந்து திரிந்து தங்கள் சுற்றுப்புறங்களை ஆராய்கின்றன. முந்தைய நிகழ்வுகளில், அத்தகைய சிங்கங்கள் இரண்டு முதல் மூன்று நாட்களுக்குள் பாதுகாப்பாக தங்கள் இரவு தங்குமிடங்களுக்குத் திரும்பியுள்ளன. 

சிங்கத்தின் ஆவணப்பட புகைப்படம்-வீடியோ பதிவு செய்ய தேவையான வழிமுறைகளை வழங்கப்பட்டுள்ளது. சிங்கத்தின் நடமாட்டத்தைக் கண்காணிக்க தேவையான கேமரா பொறிகளுடன் செயல்பாட்டில் உள்ளது என அந்த அறிக்கையில் கூறப்பட்டுள்ளது.