- Home
- Sports
- Mbappe: எங்களுக்கும் கேவலமாக ஆடத் தெரியும்! ஃபவுல் செய்த பராகுவேவை வெளுத்து வாங்கிய எம்பாப்பே!
Mbappe: எங்களுக்கும் கேவலமாக ஆடத் தெரியும்! ஃபவுல் செய்த பராகுவேவை வெளுத்து வாங்கிய எம்பாப்பே!
Mbappe: பெனால்டி அடிக்க எம்பாப்பே தயாரானபோது, பராகுவே வீரர்கள் கிக்கிங் ஸ்பாட்டை தங்கள் ஷூக்களால் சேதப்படுத்தியதும், பிரான்ஸ் வீரர்களை தொடர்ந்து வம்பிழுத்ததும் மைதானத்தில் அப்பட்டமாகத் தெரிந்தது.
பராகுவே அணியை வீழ்த்திய பிரான்ஸ்
ஃபிஃபா உலகக் கோப்பை கால் இறுதிச் சுற்றுக்கு முந்தைய போட்டியில், பராகுவே அணியை 1-0 என்ற கோல் கணக்கில் வீழ்த்தி பிரான்ஸ் காலிறுதிக்கு முன்னேறியது. கிலியன் எம்பாப்பே பெனால்டி மூலம் அடித்த ஒரே கோலால் பிரான்ஸ் வெற்றி பெற்றது. பராகுவேயின் கடுமையான தடுப்பாட்டத்தை மீறி பிரான்ஸ் இந்த வெற்றியைப் பதிவு செய்துள்ளது. சூப்பர் ஸ்டார் கிலியன் எம்பாப்பே பெனால்டியில் அடித்த ஒரே கோல்தான் பிரான்ஸின் வெற்றிக்குக் காரணமாக அமைந்தது. இந்த உலகக் கோப்பையில் எம்பாப்பேவுக்கு இது 7-வது கோல். ஒட்டுமொத்தமாக உலகக் கோப்பைகளில் அவர் அடிக்கும் 19-வது கோல் இதுவாகும்.
பிரான்ஸ் வீரர்களை ஃபவுல் செய்த பராகுவே வீரர்கள்
ஆனால் ஆட்டம் தொடங்கியது முதல் முடியும் வரை, பராகுவே வீரர்கள் ஆடியது ஒரு ரஃப் கேம் தான். ஜெயிக்க வேண்டும் என்ற எண்ணத்தை விட, பிரான்ஸ் வீரர்களை, குறிப்பாக எம்பாப்பேவை ஃபவுல் செய்து சீண்டுவதிலேயே அவர்கள் குறியாக இருந்தனர். போட்டி முடிந்ததும், பராகுவே கோல்கீப்பர் ஓர்லான்டோ கில் கை குலுக்க வந்தபோது, அதை எம்பாப்பே கண்டுகொள்ளாமல் வெற்றிக் கொண்டாட்டத்தில் ஈடுபட்ட வீடியோ சமூக வலைதளங்களில் வைரலாகி வருகிறது.
பிரான்ஸ் வீரர் டெசிரே டுவேயை பாக்ஸுக்குள் ஃபவுல் செய்ததால் கிடைத்த பெனால்டியை கோலாக்கி, எம்பாப்பே பிரான்ஸின் வெற்றியை உறுதி செய்தார். பெனால்டி அடிக்க எம்பாப்பே தயாரானபோது, பராகுவே வீரர்கள் கிக்கிங் ஸ்பாட்டை தங்கள் ஷூக்களால் சேதப்படுத்தியதும், பிரான்ஸ் வீரர்களை தொடர்ந்து வம்பிழுத்ததும் மைதானத்தில் அப்பட்டமாகத் தெரிந்தது. ஆட்டம் முடிய சில நிமிடங்கள் இருந்தபோது, கார்னர் கிக் கிடைத்த சமயத்திலும் பராகுவே வீரர்கள் எம்பாப்பேவை சீண்ட முயன்றனர்.
எங்களுக்கும் கேவலமாக ஆடத் தெரியும்
ஆனால், அதற்கெல்லாம் அசராமல், சிரித்துக்கொண்டே அவர்களைப் புறக்கணித்த எம்பாப்பேவின் வீடியோவும் வைரலானது. போட்டிக்குப் பிறகு பேசிய எம்பாப்பே, "பராகுவே இப்படி ஒரு ரஃப் கேம் ஆடுவார்கள் என்று எங்களுக்கு முன்பே தெரியும். ஆனால், அவர்களைப் போல கேவலமாக எங்களுக்கும் ஆடத் தெரியும்," என்று காட்டமாக பதிலளித்தார்.
போட்டியில் 13 ஃபவுல்கள் செய்தும் பராகுவே வீரர்கள் ஒருவருக்குக் கூட மஞ்சள் அட்டை காட்டாத நடுவரின் செயல்பாடு குறித்தும் சமூக வலைதளங்களில் கடும் விவாதங்கள் எழுந்துள்ளன. ஆனால், பிரான்ஸ் அணியில் ஒலிசே உட்பட மூன்று வீரர்களுக்கு மஞ்சள் அட்டை காட்டப்பட்டது
கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.
