சோக்கர்ஸ் இமேஜை உடைக்குமா தென்னாப்பிரிக்கா? கொல்கத்தா பிட்ச் யாருக்கு சாதகம்? முழு ரிப்போர்ட்!

சர்வதேச டி20 போட்டிகளில் இந்த இரு அணிகளும் மொத்தம் 19 முறை மோதியுள்ளன. இதில் தென்னாப்பிரிக்கா 12 முறையும், நியூசிலாந்து 7 முறையும் வெற்றி பெற்றுள்ளன.

Image Credit : X

தென்னாப்பிரிக்கா vs நியூசிலாந்து போட்டி

உலகக்கோப்பை விறுவிறுப்பான கட்டத்தை எட்டியுள்ளது. கொல்கத்தா ஈடன்கார்டன் மைதானத்தில் இன்று நடக்கும் முதல் அரையிறுதிப் போட்டியில் தென்னாப்பிரிக்கா மற்றும் நியூசிலாந்து அணிகள் மோதுகின்றன. இந்த தொடரில் இதுவரை தோற்காத ஒரே அணி தென்னாப்பிரிக்கா தான். அனைத்து போட்டிகளிலும் வெற்றி பெற்று கெத்தாக செமி பைனல் வந்துள்ளது.

மார்க்ரம், டேவிட் மில்லர்

அந்த அணியின் கேப்டன் எய்டன் மார்க்ரம் மற்றும் குவிண்டன் டி காக், டெவால்ட் பிரெவிஸ், டேவிட் மில்லர் ஆகியோர் பேட்டிங்கில் அதிரடி காட்டி வருகின்றனர். பவுலிங்கை பொறுத்தவரை லுங்கி இங்கிடி மற்றும் காகிசோ ரபாடா, கேசவ் மகாராஜ் ஆகியோர் நல்ல நிலையில் உள்ளனர். ஆனால் அரையிறுதி என்று வந்துவிட்டால் எதாவது ஒன்று நடந்து வெளியே சென்று விடுகிறது. இந்த முறை அதனை மாற்ற முயற்சிக்கும்.

Image Credit : ANI

தென்னாப்பிரிக்காவே அதிக வெற்றி

நியூசிலாந்து அணியை பொறுத்தவரை கடினமான பாதையைத் தாண்டி அரையிறுதிக்குள் நுழைந்துள்ளது. ஃபின்ஆலன் மற்றும் டிம் சீஃபர்ட் ஆகியோரின் அதிரடித் தொடக்கம் அணிக்கு பெரும் பலமாக உள்ளது. மேட் ஹென்றி, கேப்டன் மிட்ச்செல் சாண்ட்னர் பவுலிங்கில் பக்கபலமாக உள்ளனர். சர்வதேச டி20 போட்டிகளில் இந்த இரு அணிகளும் மொத்தம் 19 முறை மோதியுள்ளன. இதில் தென்னாப்பிரிக்கா 12 முறையும், நியூசிலாந்து 7 முறையும் வெற்றி பெற்றுள்ளன.

டி20 உலகக்கோப்பையிலும் ஆதிக்கம்

அதே வேளையில் டி20 உலகக்கோப்பை வரலாற்றில் நியூசிலாந்து அணி இதுவரை தென்னாப்பிரிக்காவை வென்றதே இல்லை. ஆடிய 5 போட்டிகளிலும் தென்னாப்பிரிக்காவே வெற்றி பெற்றுள்ளது. நடப்பு உலகக்கோப்பையின் லீக் சுற்றிலும் தென்னாப்பிரிக்கா அணி 7 விக்கெட் வித்தியாசத்தில் நியூசிலாந்து அணியை பந்தாடி இருந்தது.

Image Credit : Getty

கொல்கத்தா பிட்ச் யாருக்கு சாதகம்?

இன்றைய போட்டி நடக்கும் கொல்கத்தா ஈடன் கார்டன்ஸ் மைதானம் பேட்டிங்கிற்கு சாதகமானது. இங்கு சரசாரி ஸ்கோரே 180 தான். ஆகவே முதலில் பேட்டிங் செய்யும் அணி 180 ரன்களுக்கு மேல் எடுத்தால் மட்டுமே வெற்றி வாய்ப்பு சாத்தியமாகும். பனிப்பொழிவு இருக்கும் என்பதால் டாஸ் வெல்லும் அணி பந்துவீச்சைத் தேர்வு செய்ய அதிக வாய்ப்புள்ளது.

Image Credit : New Zealand Cricket\Twitter

இரு அணிகளின் பிளேயிங் லெவன்

தென்னாப்பிரிக்கா பிளேயிங் லெவன்: எய்டன் மார்க்ரம் (கேப்டன்), குவிண்டன் டி காக், ரியான் ரிக்கெல்டன், டெவால்ட் பிரெவிஸ், ஹென்ரிச் கிளாசன், டேவிட் மில்லர், டிரிஸ்டன் ஸ்டப்ஸ், மார்கோ யான்சன், காகிசோ ரபாடா, அன்ரிச் நோர்க்யா, கேசவ் மகராஜ்

நியூசிலாந்து பிளேயிங் லெவன்: மிட்செல் சான்ட்னர் (கேப்டன்), ஃபின் ஆலன், டிம் சீஃபர், ரச்சின் ரவீந்திரா, கிளென் பிலிப்ஸ், டேரில் மிட்செல், மார்க் சாப்மேன், மிட்செல் சான்ட்னர், ஜேம்ஸ் நீஷம், மேட் ஹென்றி, இஷ் சோதி, லாகி பெர்குசன்.