அரையிறுதியில் மழை பெய்தால் இந்தியாவுக்கு ஆபத்து.. இங்கிலாந்து பைனல்.. ஐசிசி ரூல்ஸ்.. ரசிகர்கள் ஷாக்!

அரையிறுதி மற்றும் இறுதிப் போட்டிகளுக்கு ஐசிசி சிறப்பு விதிகளை வகுத்துள்ளது. அரையிறுதிக்கு கூடுதல் நேரம் மற்றும் ரிசர்வ் டே ஒதுக்கப்பட்டுள்ளது. போட்டி நாளில் மழை குறுக்கிட்டால், ஆட்டத்தை முடிக்க கூடுதலாக 90 நிமிடங்கள் வழங்கப்படும்

Image Credit : Getty

இந்தியா vs இங்கிலாந்து அரையிறுதி போட்டி

டி20 உலகக் கோப்பை 2026 பரபரப்பான இறுதி கட்டத்தை எட்டியுள்ளது. கொல்கத்தாவின் ஈடன் கார்டன்ஸில் நாளை நடைபெறும் முதல் அரையிறுதியில் தென்னாப்பிரிக்காவும், நியூசிலாந்தும் பலப்பரீட்சை நடத்துகின்றன. மார்ச் 5ம் தேதி மும்பை வான்கடே மைதானத்தில் நடக்கும் இரண்டாவது அரையிறுதி போட்டியில் இந்தியாவும், இங்கிலாந்தும் மோதுகின்றன.

Image Credit : X/ICC

அரையிறுதியில் ரிசர்வ் டே உண்டு

அரையிறுதி மற்றும் இறுதிப் போட்டிகளுக்கு ஐசிசி சிறப்பு விதிகளை வகுத்துள்ளது. அரையிறுதிக்கு கூடுதல் நேரம் மற்றும் ரிசர்வ் டே ஒதுக்கப்பட்டுள்ளது. போட்டி நாளில் மழை குறுக்கிட்டால், ஆட்டத்தை முடிக்க கூடுதலாக 90 நிமிடங்கள் வழங்கப்படும். அன்று போட்டி சாத்தியமில்லை என்றால், ரிசர்வ் நாளில் போட்டி எந்த இடத்தில் முடிக்கப்பட்டதோ அந்த இடத்தில் இருந்து தொடங்கும்.

Image Credit : Getty

ரிசர்வ் நாளிலும் மழை பெய்தால் இங்கிலாந்து பைனல்

ரிசர்வ் நாளன்றும் மழையால் ஆட்டம் நடைபெறவில்லை என்றால், பவுல்-அவுட் அல்லது டாஸ் இருக்காது. சூப்பர்-8 புள்ளிப்பட்டியல் அடிப்படையில் வெற்றியாளர் தீர்மானிக்கப்படுவார். இந்திய அணியை பொறுத்தவரை சூப்பர் 8 சுற்றில் 2 வெற்றி, 1 தோல்வியுடன் 4 புள்ளிகள் பெற்றுள்ளது. 

அதே வேளையில் இங்கிலாந்து அணி சூப்பர் 8 சுற்றில் 3 போட்டிகளிலும் வெற்றி பெற்று 6 புள்ளிகளுடன் முதலிடத்தில் உள்ளது. இதனால் ரிசர்வ் டே நாளிலும் போட்டி மழையால் தடைபட்டால் இங்கிலாந்து அணியே இறுதிப்போட்டிக்கு செல்லும் என்பது குறிப்பிடத்தக்கது.

Image Credit : BCCI\Twitter

உலகக்கோப்பையில் யார் ஆதிக்கம்?

இந்திய அணி சூப்பர் 8 சுற்றை தென்னாப்பிரிக்காவுக்கு எதிராக தோல்வியுடன் தொடங்கியது. மறுபுறம் ஜிம்பாப்வே, வெஸ்ட் இண்டீஸ் அணிகளை ஆகிய அணிகளை எளிதாக வீழ்த்தி அரையிறுதிக்கு வந்துள்ளது. இங்கிலாந்து அணியோ சூப்பர்-8ல் அனைத்து போட்டிகளிலும் வென்று அரையிறுதிக்கு கெத்தாக நுழைந்துள்ளது.

 டி20 உலகக்கோப்பை அரையிறுதியில் இந்தியா-இங்கிலாந்து இரண்டு முறை மோதியுள்ளன. 2022ல் இங்கிலாந்தும், 2024ல் இந்தியாவும் வென்றன. மொத்தமாக இதுவரை 5 முறை மோதியதில், இங்கிலாந்து 3, இந்தியா 2 முறை வென்றுள்ளன.