மும்பையில் லிங்கிங் ரோடு பகுதியில் வலம் வரும் ஷ்ரேயாஸ் ஐயர்!

வங்கதேச அணிக்கு எதிரான ஒரு நாள் மற்றும் டெஸ்ட் போட்டியை முடித்த கையோடு மும்பை சென்ற ஷ்ரேயாஸ் ஐயர் அங்கு லிங்கிங் ரோடு பகுதியில் வலம் வருகிறார்.

ஷ்ரேயாஸ் ஐயர்

வங்கதேசத்தில் சுற்றுப்பயணம் மேற்கொண்ட இந்திய அணி 3 ஒரு நாள் போட்டிகள் கொண்ட தொடரிலும், 2 டெஸ்ட் போட்டிகள் கொண்ட தொடரிலும் பங்கேற்றது.

நடந்து முடிந்த 3 ஒரு நாள் போட்டிகள் கொண்ட தொடரில் இந்திய அணியில் ஷ்ரேயாஸ் ஐயர் இடம் பெற்றிருந்தார்.

இதே போன்று வங்கதேசத்திற்கு எதிரான டெஸ்ட் தொடரிலும் இந்திய அணியில் ஷ்ரேயாஸ் ஐயர் இடம் பெற்றிருந்தார்.

ஒரு நாள் தொடரை 1-2 என்ற கணக்கில் இழந்த இந்திய அணி டெஸ்ட் தொடரை 2-0 என்ற கணக்கில் வெற்றி பெற்றது.

இதைத் தொடர்ந்து இந்தியாவில் சுற்றுப் பயணம் மேற்கொள்ளும் இலங்கை அணி  3 டி20 மற்றும் 3 ஒரு நாள் போட்டிகள் கொண்ட தொடரில் பங்கேற்கிறது. இலங்கை அணிக்கு எதிரான டி20 மற்றும் ஒரு நாள் போட்டிக்கான இந்திய அணி நேற்று அறிவிக்கப்பட்டது. 

டி20 போட்டிக்கான இந்திய அணி:

ஹர்திக் பாண்டியா (கேப்டன்), சூர்யகுமார் யாதவ் (துணை கேப்டன்), இஷான் கிஷான் (விக்கெட் கீப்பர்), ருதுராஜ் கெய்க்வாட், சுப்மன் கில், தீபக் கூடா, ராகுல் திரிபாதி, சஞ்சு சாம்சன், வாஷிங்டன் சுந்தர், யுஸ்வேந்திர சகால், அக்‌ஷர் படேல், அர்ஷ்தீப் சிங், ஹர்ஷல் படேல், உம்ரான் மாலிக், ஷிவம் மவி, முகேஷ் குமார்.

டி20 தொடரில் ரோகித் சர்மா, விராட் கோலி, கே எல் ராகுல் ஆகியோருக்கு ஓய்வு அளிக்கப்பட்டுள்ளது. இதையடுத்து, ஒரு நாள் தொடருக்கான இந்திய அணியில் ரோகித் சர்மா கேப்டனாகவும், ஹர்திக் பாண்டியா துணை கேப்டனாகவும் செயல்படுவார்கள் என்று அறிவிக்கப்பட்டுள்ளது.

இலங்கை அணிக்கு எதிரான டி20 தொடரில் இடம் பெறாத ஷ்ரேயாஸ் ஐயர் 3 ஒரு நாள் போட்டிகள் கொண்ட தொடரில் இந்திய அணியில் இடம் பெற்றுள்ளார்.

ஒரு நாள் போட்டிக்கான இந்திய அணி:

ரோகித் சர்மா (கேப்டன்), ஹர்திக் பாண்டியா (துணை கேப்டன்), சுப்மன் கில், விராட் கோலி, சூர்யகுமார் யாதவ், ஷ்ரேயாஸ் ஐயர், கே எல் ராகுல் (விக்கெட் கீப்பர்), இஷான் கிஷான் (விக்கெட் கீப்பர்), வாஷிங்டன் சுந்தர், யுஸ்வேந்திர சகால், குல்தீப் யாதவ், அக்‌ஷர் படேல், முகமது சமி, முகமது சிராஜ், உம்ரான் மாலிக், அர்ஷ்தீப் சிங்