கீர்த்தி சுரேஷை ஓவர்டேக் செய்த சேட்டன்.. கேரளாவின் இன்ஸ்டா 'கிங்' ஆன சஞ்சு சாம்சன்!

கேரள இளம் புயல் சஞ்சு சாம்சன், நடிகை கீர்த்தி சுரேஷை முந்தி இன்ஸ்டாகிராமில் அதிக ஃபாலோயர்களைக் கொண்ட கேரள பிரபலம் என்ற சாதனையை படைத்துள்ளார்.

Image Credit : stockPhoto

கீர்த்தி சுரேஷை ஓவர்டேக் செய்த சஞ்சு சாம்சன்

இந்திய கிரிக்கெட் வீரரும், சிஎஸ்கே அணி வீரருமான சஞ்சு சாம்சன், நடிகை கீர்த்தி சுரேஷை முந்தி இன்ஸ்டாகிராமில் அதிக ஃபாலோயர்களைக் கொண்ட கேரள பிரபலம் என்ற சாதனையை படைத்துள்ளார். அதாவது சஞ்சு சாம்சன் 19.1 மில்லியன் ஃபாலோயர்களுடன் முதல் இடத்தைப் பிடித்துள்ளார். முதலிடத்தில் இருந்த கீர்த்தி சுரேஷ் 18.8 மில்லியன் ஃபாலோயர்களுடன் 2வது இடம் சென்றுள்ளார்.

சஞ்சு சாம்சன் சாதனை

தென்னிந்திய சினிமாவின் முன்னணி நடிகைகளில் ஒருவர் கீர்த்தி சுரேஷ். சினிமாவுக்கு வந்த கொஞ்ச காலத்திலேயே தனக்கென ஒரு பெரிய இடத்தை பிடித்தார். சில மாதங்களுக்கு முன்பு வரை, இன்ஸ்டாகிராமில் அதிக ஃபாலோயர்களைக் கொண்ட மலையாள பிரபலங்கள் லிஸ்டில் கீர்த்தி சுரேஷ்தான் நம்பர் 1 இடத்தில் இருந்தார். துல்கர் சல்மான், கிரிக்கெட் வீரர் சஞ்சு சாம்சன் போன்ற பலரையும் பின்னுக்குத் தள்ளி இந்த சாதனையை அவர் தக்க வைத்திருந்தார்.

Image Credit : Getty

ஒரே மாதத்தில் மாறிய காட்சிகள்

ஆனால், ஒரே மாதத்தில் மொத்த காட்சியும் மாறியிருக்கிறது. கீர்த்தி சுரேஷை முந்தி, சஞ்சு சாம்சன் நம்பர் 1 இடத்துக்கு வந்திருக்கிறார். மார்ச் 6-ஆம் தேதி நிலவரப்படி, சஞ்சு இந்த லிஸ்டில் நான்காவது இடத்தில்தான் இருந்தார். ஆனால் இப்போது, 19.1 மில்லியன் ஃபாலோயர்களுடன் முதல் இடத்தைப் பிடித்துள்ளார். டி20 உலகக் கோப்பைக்குப் பிறகு, சஞ்சு சாம்சனின் ஃபாலோயர்கள் எண்ணிக்கை கிடுகிடுவென ஏறியிருப்பதாகக் கூறப்படுகிறது.

துல்கர் சல்மான் 4வது இடம்

இரண்டாம் இடத்துக்கு தள்ளப்பட்ட கீர்த்தி சுரேஷுக்கு இப்போது 18.8 மில்லியன் ஃபாலோயர்கள் இருக்கிறார்கள். கீர்த்தி இரண்டாவது இடத்துக்கு வந்ததால், முன்பு மூன்றாவது இடத்தில் இருந்த நடிகர் துல்கர் சல்மான் இப்போது நான்காவது இடத்துக்குப் பின்தங்கியுள்ளார். நடிகை அனுபமா பரமேஸ்வரன்தான் தற்போது 16.6 மில்லியன் ஃபாலோயர்களுடன் மூன்றாவது இடத்தைப் பிடித்துள்ளார். துல்கர் சல்மானுக்கு 15.9 மில்லியன் ஃபாலோயர்கள் உள்ளனர்.

இன்ஸ்டாகிராமில் அதிக ஃபாலோயர்களைக் கொண்ட கேரளத்தவர்கள்:

சஞ்சு சாம்சன் - 19.1 மில்லியன்

கீர்த்தி சுரேஷ் - 18.8 மில்லியன்

அனுபமா பரமேஸ்வரன் - 16.6 மில்லியன்

துல்கர் சல்மான் - 15.9 மில்லியன்

Image Credit : Asianet News

உலகக்கோப்பையில் அதிரடி

இன்ஸ்டாகிராமில் கீர்த்தி சுரேஷை சஞ்சு சாம்சன் ஓவர்டேக் செய்ததற்கு காரணம் இல்லாமல் இல்லை. 026 T20 உலகக்கோப்பையை இந்தியா மீண்டும் கைப்பற்ற சஞ்சு முக்கிய காரணமாக விளங்கினார். உலகக்கோப்பை ஆரம்பத்தில் சஞ்சு சாம்சனுக்கு ப்ளேயிங் XI-ல் இடம் கிடைக்கவில்லை. 

ஆனால், சூப்பர் 8 சுற்றில் கிடைத்த வாய்ப்பை சரியாகப் பயன்படுத்திக்கொண்டார். அதன்பிறகு, அணியின் மிகப்பெரிய மேட்ச்-வின்னராகவே மாறிவிட்டார். ஜிம்பாப்வேக்கு எதிராக 24 ரன்களுடன் நிதானமாகத் தொடங்கினார். ஆனால், அடுத்தடுத்து போட்டிகளில் தனது அதிரடி ஆட்டத்தைக் காட்டினார்.

Image Credit : Getty

தொடர் நாயகன்

வெஸ்ட் இண்டீஸுக்கு எதிராக 97 ரன்கள் எடுத்து ஆட்டமிழக்காமல் இருந்து, இந்தியாவை அரையிறுதிக்கு அழைத்துச் சென்றார். வான்கடே ஸ்டேடியத்தில் நடந்த அரையிறுதிப் போட்டியில், இங்கிலாந்துக்கு எதிராக 89 ரன்கள் விளாசி, இந்திய அணியின் ஸ்கோரை உயர்த்தினார். இதுவே இந்தியாவின் வெற்றிக்கு முக்கிய காரணமாக அமைந்தது. தனது சூப்பரான ஆட்டத்தை இறுதிப் போட்டியிலும் வெளிப்படுத்தினார். ஃபைனலிலும் 89 ரன்கள் அடித்து, இந்தியா T20 உலகக்கோப்பையைத் தக்கவைக்க உதவினார். மார்ச் மாதத்தில் மட்டும், முக்கியமான மூன்று போட்டிகளில் 275 ரன்கள் குவித்துள்ளார்.