ஒரு சீரிஸை தோல்வி இல்லாமல் வெல்வது சாதனை: சாம்பியன்ஸ் டிராபி வெற்றியின் ரகசியம் பற்றி பேசிய ரோகித் சர்மா!

Rohit Sharma Talk About Champions Trophy 2025 Victory : சாம்பியன்ஸ் டிராபி 2025 தொடரில் டீம் இந்தியா விளையாடிய 5 போட்டியிலும் வெற்றி பெற்றது குறித்து இந்திய அணியின் கேப்டன் ரோகித் சர்மா ஜியோ ஹாட்ஸ்டாருக்கு பேட்டியளித்துள்ளார்.

Rohit Sharma Talk About Champions Trophy 2025 Victory : துபாயில் நடைபெற்ற ஐசிசி சாம்பியன்ஸ் டிராபி 2025 தொடரில் இந்திய அணி விளையாடிய 5 போட்டியிலும் வெற்றி பெற்று 3ஆவது முறையாக சாம்பியன்ஸ் டிராபியை கைப்பற்றியது. இதில் ஒரு முறை இலங்கையுடன் பகிர்ந்து கொண்டது என்பது குறிப்பிடத்தக்கது. இந்த தொடரில் இந்திய அணி விளையாடிய குரூப் சுற்று போட்டிகள் முறையே வங்கதேசம், பாகிஸ்தான் மற்றும் நியூசிலாந்து அணிகளுக்கு எதிரான போட்டிகளில் வெற்றி பெற்று முதல் அரையிறுதிப் போட்டிக்கு சென்றது. அதில், ஆஸ்திரேலியாவை வீழ்த்தி இறுதிப் போட்டிக்கு சென்றது.

Indian Cricket Team

கடந்த 9ஆம் தேதி நடைபெற்ற இறுதிப் போட்டியில் நியூசிலாந்து அணியை 4 விக்கெட்டுகள் வித்தியாசத்தில் வீழ்த்தி 3 ஆவது முறையாக ஐசிசி சாம்பியன்ஸ் டிராபியை கைப்பற்றி சாதனை படைத்தது. இந்த வெற்றிக்கு பிறகு ஜியோ ஹாட்ஸ்டாருக்கு இந்திய அணியின் கேப்டன் ரோகித் சர்மா பேட்டியளித்தார். அதில், அவர் பேசியிருப்பது குறித்து பார்க்கலாம். 5 போட்டியிலுமே டாஸ் தோற்றோம். ஆனால், ஒரு போட்டியில் கூட தோற்கவில்லை. சாம்பியன்ஸ் டிராபியை கைப்பற்றினோம்.

Virat Kohli, Rohit Sharma, Team India

எந்த ஒரு சீர்ஸீலும் தோல்வியின்றி இறுதி வரை செல்வது மிகப்பெரிய சவாலாக இருந்தது, ஆனால் நாங்கள் அதைச் சாதித்தோம். சாம்பியன் பட்டம் வென்ற பிறகுதான் இதன் தனித்துவம் உணரப்பட்டது. ஒவ்வொருவரும் தங்களுக்கான பங்கையும் பொறுப்புகளையும் தெளிவாகப் புரிந்து செயல்பட்டனர். மைதானத்தில் உணர்வுகள் அதிகமாக இருக்கலாம், ஆனால் நாங்கள் விளையாட்டின் மீதான உறுதியுடனே செயல்படுகிறோம். எங்கள் அணியின் முக்கிய நோக்கம் வெற்றியைத் தேடுவதுதான், அதை அடைய எதையும் செய்யத் தயாராக இருக்கிறோம்.

IND vs NZ Champions Trophy 2025 Final

ஜஸ்பிரித் பும்ரா இல்லாத நிலையில் இந்திய அணியின் திட்டம்:

"பும்ரா அணியில் இல்லை என்பதற்கான முன்னேற்பாடுகளை நாங்கள் செய்திருந்தோம். அவரது காயம் முழுமையாக குணமாக வேண்டியிருந்தது, ஏனெனில் அவர் இன்னும் பல ஆண்டுகள் விளையாட வேண்டிய வேகப்பந்து வீச்சாளர். இந்தக் குறையை எப்படி சமாளிப்பது என்று திட்டமிடும்போது, முகமது ஷமி நம்மிடம் இருந்தது பெரிய பலமாக இருந்தது.

ஐசிசி போட்டிகளில் அவர் நிரூபித்த ஆட்டத்திறனை நினைத்துப் பார்த்தால், அவர் எப்போதும் சிறப்பாகவே செயல்பட்டிருக்கிறார். இங்கிலாந்து அணிக்கு எதிராக அவர் விளையாடிய இரண்டு போட்டிகள் நமக்கு நம்பிக்கையை ஏற்படுத்தின. மேலும், அர்ஷ்தீப் மற்றும் ஹர்ஷித் போன்ற பந்துவீச்சாளர்கள் மீது நாங்கள் முழுமையாக நம்பிக்கை வைத்திருந்தோம். போட்டிக்கு முன்பு இருந்த 20-25 நாட்களை பயிற்சிக்கும், ஆடுகள நிலைமைகளை ஆராய்வதற்கும் பயன்படுத்தினோம். இந்த முறையான அணுகுமுறைகளே பும்ரா இல்லாதிருந்தும் சிறப்பாக செயல்பட உதவின."

Rohit Sharma Press

2015 உலகக்கோப்பை அரையிறுதி தோல்விக்குப் பிறகு மாற்றம் என்ன?

"அதை எங்கள் அணிக்குள் நீண்ட நாட்களாக விவாதித்து வருகிறோம். பலமுறை இறுதி கட்டத்தை எட்டியிருந்தோம், ஆனால் வெற்றி பெற முடியவில்லை. 2015 அரையிறுதியில் ஆஸ்திரேலியாவுக்கு எதிரான போட்டியில், அப்போது நாம் செய்யாத தவறுகளைச் செய்துவிட்டோம். அதே நிலை 2016, 2017 ஆகிய ஆண்டுகளிலும் ஏற்பட்டது. 2023 உலகக்கோப்பையில் முதல் ஒன்பது போட்டிகளில் சிறப்பாக விளையாடினோம், ஆனால் இறுதிப்போட்டியில் தோற்றுவிட்டோம்.

Cricket, Asianet News Tamil

2019 உலகக்கோப்பையில் நான் ஐந்து சதங்கள் அடித்திருந்தேன், ஆனால் அணி வெற்றி பெறாத நிலையில், அந்த சாதனைக்கு முக்கியத்துவம் இல்லை. அதன் பிறகு, அணியின் எண்ணங்களை மாற்ற முயற்சித்தோம். ஒவ்வொருவரும் வெற்றியை மட்டுமே நோக்கமாகக் கொள்ள வேண்டும் என்று கூறி வந்தோம். இந்த புதிய அணுகுமுறையை முழுமையாக ஏற்றுக்கொள்ளும் நிலைக்கு அனைவரும் வந்ததே வெற்றிக்குக் காரணம்."

Rohit Sharma with Champions Trophy

இந்திய அணியை பிற அணிகள் எப்படி பார்க்க வேண்டும்?

ஒரே ஒரு விஷயம் மட்டும்—எங்களை எந்த நேரத்திலும் சாதாரணமாக எடுத்துக்கொள்ளக் கூடாது. 5 விக்கெட்டுகள் விழுந்த பிறகும் நாங்கள் மீண்டு வர முடியும். மைதானத்தில் எங்கள் அணிக்கு எப்போதும் ஒரு போராட்டம்தான் இருக்கும். நாங்கள் எப்போதும் உறுதியுடன் விளையாடுவோம், எந்த நிலையிலிருந்தும் வெல்லும் ஆற்றல் எங்களிடம் உள்ளது என்பதைக் காட்ட விரும்புகிறோம். அந்த அளவுக்கு ஒரு அமைப்பு சார்ந்த அணியாகவும், ஒவ்வொருவரும் தங்களுக்கான பங்கை அறிந்தவர்களாகவும் செயல்படுகிறோம். எங்களை எதிர்க்கும் அணிகள் எப்போதும் முழுமையாக எங்களை அணுக வேண்டும் என்பதே எங்கள் இலக்கு."

ICC Champions Trophy 2025

இனி இந்திய அணியுடன் உங்கள் எதிர்காலம்?

"நான் தற்போதைக்கு எந்த முடிவையும் எடுக்கவில்லை. 2027 உலகக்கோப்பைக்கு விளையாடுவேனா என்பது பற்றி எல்லாம் இப்போது சொல்ல விரும்பவில்லை. தற்போது எனது கவனம் எனது ஆட்டத்திலும், அணியுடன் இணைந்து நேரத்தை செலவிடுவதிலும் உள்ளது. என்னை அணியில் என் சக வீரர்கள் விரும்புகிறார்களா என்பதே எனக்கு முக்கியமான விஷயம்."