2 ஓவரில் 2 விக்கெட் காலி – தடுமாறும் MI – சஞ்சு சாம்சனின் பிளான் ஒர்க் அவுட் ஆகுது!

ராஜஸ்தான் ராயல்ஸ் அணிக்கு எதிராக தற்போது நடைபெற்று வரும் 38ஆவது லீக் போட்டியில் முதலில் பேட்டிங் செய்து வரும் மும்பை இந்தியன்ஸ் அணியில் ரோகித் சர்மா மற்றும் இஷான் கிஷான் அடுத்தடுத்து தங்களது விக்கெட்டுகளை இழந்துள்ளனர்.

Rajasthan Royals vs Mumbai Indians 38th IPL 2024 Match

சவாய் மான்சிங் ஸ்டேடியத்தில் மும்பை இந்தியன்ஸ் மற்றும் ராஜஸ்தான் ராயல்ஸ் அணிகளுக்கு இடையிலான ஐபிஎல் 2024 தொடரின் 38ஆவது லீக் நடைபெற்று வருகிறது. இதில், டாஸ் வென்ற மும்பை கேப்டன் ஹர்திக் பாண்டியா பேட்டிங் தேர்வு செய்தார். அதன்படி மும்பை இந்தியன்ஸ் அணியின் ரோகித் சர்மா மற்றும் இஷான் கிஷான் இருவரும் தொடக்க வீரர்களாக களமிறங்கினர்.

முதல் ஓவரை டிரெண்ட் போல்ட் வீசினார். இன்னிங்ஸின் முதல் பந்தில் 2 ரன்கள் எடுத்த சர்மா, 2ஆவது பந்தில் பவுண்டரி அடித்தார். 3 மற்றும் 4ஆவது பந்தில் ஒரு ரன் கூட எடுக்கவில்லை. 5ஆவது பந்தில் தூக்கி அடிக்க முயறித்து விக்கெட் கீப்பர் சாம்சனிடம் கேட்ச் கொடுத்து ஆட்டமிழந்தார். இதன் மூலமாக ரோகித் சர்மா 6ஆவது முறையாக டிரெண்ட் போல்ட் ஓவரில் ஆட்டமிழந்துள்ளார்.

மேலும், போல்ட் தனது முதல் ஓவரில் மட்டுமே இதுவரையில் 26 விக்கெட்டுகள் கைப்பற்றியிருக்கிறார். மும்பை இந்தியன்ஸ் அணிக்கு எதிராக பவர்பிளேயில் 2ஆவது முறையாக முதல் விக்கெட் கைப்பற்றியுள்ளார். இதன் காரணமாக ரோகித் சர்மா 5 பந்துகளில் 6 ரன்கள் எடுத்து ஆட்டமிழந்தார்.

இதே போன்று 2ஆவது ஓவரை சந்தீப் சர்மா வீசினார். இந்த ஓவரில் 2 பந்தில் ஒரு ரன் கூட எடுக்காத இஷான் கிஷான் 3ஆவது பந்தில் விக்கெட் கீப்பர் சஞ்சு சாம்சனிடம் கேட்ச் கொடுத்து ஆட்டமிழந்தார். இஷான் கிஷான் ஒரு ரன் கூட எடுக்கவில்லை. மீண்டும் போட்டியின் 4ஆவது ஓவரை சந்தீப் சர்மா வீச வந்தார். இந்த ஓவரின் முதல் பந்திலேயே சூர்யகுமார் யாதவ் கேட்ச் கொடுத்து ஆட்டமிழந்தார். அவர் 2 பவுண்டரி உள்பட 10 ரன்களில் வெளியேறினார்.

ஐபிஎல் கிரிக்கெட்டில் முதல் ஓவரில் அதிக விக்கெட்டுகள் எடுத்தவர்கள்:

26* டிரெண்ட் போல்ட்

25 புவனேஷ்வர் குமார்

15 பிரவீன் குமார்

13 சந்தீப் சர்மா

12 தீபக் சாஹர்/ ஜாகீர் கான்.

இந்த போட்டியின் மூலமாக மும்பை இந்தியன்ஸ் அணிக்காக ஹர்திக் பாண்டியா தனது 100ஆவது ஐபிஎல் போட்டியில் விளையாடுகிறார். இதுவரையில் 130 ஐபிஎல் போட்டிகளில் விளையாடிய ஹர்திக் பாண்டியா மொத்தமாக 2450 ரன்கள் எடுத்துள்ளார். மேலும் 10 அரைசதங்களும் எடுத்துள்ளார். அதோடு, 57 விக்கெட்டுகளும் கைப்பற்றியிருக்கிறார்.