IPL: மைதானமே சைலண்ட்.. முதல் போட்டியிலேயே கருப்பு பட்டை அணிந்த RCB, SRH வீரர்கள்.. ஏன் தெரியுமா?

ஐபிஎல் 2026 தொடக்க ஆட்டத்தில் RCB, SRH வீரர்கள் கையில் கருப்பு பட்டை அணிந்து விளையாடுகின்றனர். இதற்கு என்ன காரணம்? என்பது குறித்து இந்த செய்தியில் பார்க்கலாம். 

Image Credit : X

ஐபிஎல் 2026 தொடக்கம்

IPL 2026 தொடர் இன்று கோலாகலமாக தொடங்கியுள்ளது. பெங்களூருவில் உள்ள எம். சின்னசாமி ஸ்டேடியத்தில் நடைபெறும் தொடரின் முதல் போட்டியில், நடப்பு சாம்பியனான ராயல் சேலஞ்சர்ஸ் பெங்களூரு (RCB) அணி, சன்ரைசர்ஸ் ஹைதராபாத் (SRH) அணியுடன் மோதுகிறது. இதில் டாஸ் வென்ற RCB அணி, முதலில் பந்துவீச்சை தேர்வு செய்துள்ளது. அதன்படி சன்ரைசர்ஸ் ஹைதராபாத் அணி முதலில் பேட்டிங் செய்து வருகிறது.

Image Credit : ANI

இரு அணி வீரர்களும் கருப்பு பட்டை

இந்த போட்டியில் இரு அணி வீரர்களும் கையில் கருப்பு பட்டை அணிந்து விளையாடுகின்றனர். கடந்த ஆண்டு அணி ஆர்சிபி அணி முதன் முறையாக கோப்பை வென்றபோது வெற்றி கொண்டாட்டத்தின்போது ஏற்பட்ட கூட்ட நெரிசலில் 11 பேர் பரிதாபமாக உயிரிழந்தனர். பலியானவர்களுக்கு அஞ்சலி செல்லும் வகையில் இரு அணி வீரர்களும் கருப்பு பட்டை அணிந்துள்ளனர். முன்னதாக போட்டி தொடங்குவதற்கு முன்பு இரு அணி வீரர்கள் மற்றும் சின்னசாமி ஸ்டேடியத்தில் கூடியிருந்த ரசிகர்கள் ஒரு நிமிடம் மவுன அஞ்சலி செலுத்தியது குறிப்பிடத்தக்கது.

Image Credit : Asianet News

11 இருக்கைகள் காலி

மேலும் கூட்ட நெரிசலில் பலியானவர்களுக்கு அஞ்சலி செலுத்தும் வகையில் சின்னசாமி ஸ்டேடியத்தின் 11 இருக்கைகள் காலியாக விடப்பட்டுள்ளது. ''ஆர்சிபி குடும்பத்தின் ஓர் அங்கமாக என்றென்றும் நிலைத்திருக்கும் அசைக்க முடியாத ஆதரவை வழங்கிய ரசிகர்களுக்கு நிரந்தர அஞ்சலி செலுத்தும் விதமாக, எம்.சின்னசாமி மைதானத்தில் உள்ள பதினொரு இருக்கைகள், ஓர் நீடித்த நினைவின் அடையாளமாக காலியாக வைக்கப்படும். அவர்களை என்றென்றும் நினைவு கூறுவோம்'' என்று ஆர்சிபி நிர்வாகம் வெளியிட்ட அறிக்கையில் கூறியுள்ளது.

Image Credit : Getty

இஷான் கிஷன் சாதனை

இன்றைய போட்டியில் ஹைதராபாத் அணியின் தற்காலிக கேப்டனாக இஷான் கிஷன் நியமிக்கப்பட்டுள்ளார். 27 வயது மற்றும் 253 நாட்களில் கேப்டன் பொறுப்பேற்றதன் மூலம், SRH அணியின் இரண்டாவது இளம் கேப்டன் என்ற பெருமையை அவர் பெற்றுள்ளார். இதற்கு முன்பு 2018-ல் கேன் வில்லியம்சன் (27 வயது, 244 நாட்கள்) கேப்டனாக இருந்ததுதான் சாதனையாக இருந்தது குறிப்பிடத்தக்கது.