#AUSvsIND டெஸ்ட் தொடரில் ஆஸி.,யை வீழ்த்த என்ன செய்யணும்? லெஜண்ட்ஸ் டிராவிட், கும்ப்ளேவின் அட்வைஸ்

கோலியே இல்லாவிட்டாலும், இந்திய அணியால் ஆஸ்திரேலியாவை வீழ்த்த முடியும். ஆஸ்திரேலிய அணியை அதன் மண்ணில் வீழ்த்தி 2வது முறையாக மீண்டும் டெஸ்ட் தொடரை வெல்ல இந்திய அணி என்ன செய்ய வேண்டும் என்று மிகப்பெரிய லெஜண்ட் கிரிக்கெட்டர்களான ராகுல் டிராவிட் மற்றும் அனில் கும்ப்ளே ஆகிய இருவரும் கருத்து தெரிவித்துள்ளனர்.
 

இதுகுறித்து பேசிய அனில் கும்ப்ளே, முதல் டெஸ்ட் பொட்டியில் இந்திய அணி வெற்றி பெற்றால், அந்த முமெண்ட்டத்தை விட்டுவிடாமல் அடுத்தடுத்த போட்டிகளில் வெற்றி பெற்று தொடரை வெல்வது இந்திய அணிக்கு எளிதாக இருக்கும். ஸ்மித்தும் வார்னரும் இந்த முறை ஆஸ்திரேலியாவில் ஆடினாலும், கோலி கடைசி 3 போட்டிகளில் ஆடாவிட்டாலும் கூட, ஆஸி.,க்கு எதிரான டெஸ்ட் தொடரை வெல்லும் அளவிற்கான அணி பலம் இந்தியாவிடம் உள்ளது. பேட்டிங், பவுலிங் என இரண்டிலுமே சிறந்த அணியாக இந்திய அணி திகழ்கிறது என்று கும்ப்ளே தெரிவித்தார்.

இதுகுறித்து பேசிய ராகுல் டிராவிட், இந்திய அணியால் டெஸ்ட் போட்டிகளில் 20 விக்கெட்டுகளை வீழ்த்த முடியும். அதற்கு தகுதியான பவுலிங் யூனிட்டை இந்திய அணி பெற்றுள்ளது. ஆனால், பேட்டிங்கில் 500க்கும் அதிகமான ரன்களை குவிக்கப்போவது யார் என்பது தான் முக்கியமான கேள்வி. யாராவது ஒரு வீரர் அதை செய்து, பெரிய ஸ்கோர் அடித்தால் இந்திய அணி தொடரை வெல்ல வாய்ப்பு பிரகாசமாக உள்ளது என்று ராகுல் டிராவிட் தெரிவித்துள்ளார்.