IND vs AUS: ஆஸ்திரேலிய அணிக்கு மிட்செல் ஜான்சனின் கேம் சேஞ்சிங் அட்வைஸ்
பார்டர் - கவாஸ்கர் டிராபி டெஸ்ட் தொடர் வரும் 9ம் தேதி தொடங்கவுள்ள நிலையில், ஆஸ்திரேலிய அணியின் சீனியர் ஸ்பின்னர் நேதன் லயனை இந்திய வீரர்கள் மதிப்பார்கள் என்று மிட்செல் ஜான்சன் கூறியுள்ளார்.
Followஇந்தியா - ஆஸ்திரேலியா இடையேயான 4 டெஸ்ட் போட்டிகள் கொண்ட பார்டர் - கவாஸ்கர் டிராபி டெஸ்ட் தொடரின் முதல் போட்டி வரும் 9ம் தேதி நாக்பூரில் தொடங்குகிறது. டெல்லி, தர்மசாலா மற்றும் அகமதாபாத் ஆகிய நகரங்களில் அடுத்த 3 டெஸ்ட் போட்டிகள் நடக்கின்றன. ஐசிசி டெஸ்ட் சாம்பியன்ஷிப் ஃபைனலிஸ்ட்டை தீர்மானிக்கும் டெஸ்ட் தொடர் என்பதால் இது மிக முக்கியமான டெஸ்ட் தொடர் ஆகும்.
கடைசியாக 2004ம் ஆண்டு இந்திய மண்ணில் டெஸ்ட் தொடரை வென்ற ஆஸ்திரேலிய அணி அதன்பின்னர் 19 ஆண்டுகளாக டெஸ்ட் தொடரை வென்றதில்லை. இதற்கிடையே, இந்திய அணி ஆஸ்திரேலிய மண்ணில் 2 முறை டெஸ்ட் தொடரை வென்று வரலாற்று சாதனை படைத்தது. எனவே இந்திய மண்ணில் டெஸ்ட் தொடரை வெல்லும் முனைப்பில் இந்தியாவிற்கு வந்துள்ளது ஆஸ்திரேலிய அணி.
இந்திய ஆடுகளங்கள் ஸ்பின்னிற்கு சாதாகமாக இருக்கும் என்பதால் 4 ஸ்பின்னர்களுடன் இந்தியாவிற்கு வந்துள்ளது ஆஸ்திரேலிய அணி. இரு அணிகளில் எந்த அணியின் ஸ்பின்னர்கள் சிறப்பாக செயல்படுகிறார்களோ, எந்த அணியின் பேட்ஸ்மேன்கள் ஸ்பின்னை சிறப்பாக எதிர்கொள்கிறார்களோ அந்த அணி தான் வெற்றி பெறும்.
என் கெரியரில் நான் எதிர்கொண்டதிலேயே மிகக்கடினமான பவுலர் அவர்தான்..! ஜோஸ் பட்லர் ஓபன் டாக்
இந்நிலையில், இந்தியா - ஆஸ்திரேலியா இடையேயான டெஸ்ட் தொடர் குறித்து பேசிய மிட்செல் ஜான்சன், ஆஸ்திரேலிய அணி இந்த தொடரில் ஆரம்ப போட்டிகளில் முதலில் பேட்டிங் ஆட வாய்ப்பு பெற்று, முதல் இன்னிங்ஸில் பெரிய ஸ்கோர் அடித்தால், இந்திய அணி மீது அழுத்தம் போடலாம். ஆஸ்திரேலிய அணி 4 ஸ்பின்னர்களுடன் இந்தியாவிற்கு சென்றுள்ளது. இந்திய அணி கண்டிப்பாக நேதன் லயனின் அனுபவம் மற்றும் அவரது டெஸ்ட் ரெக்கார்டை கண்டிப்பாக மதிப்பார்கள். இந்திய வீரர்கள் கால் நகர்த்தலில் கெட்டிக்காரர்கள். அதனால் ஸ்பின்னை திறம்பட எதிர்கொண்டு ஆடுவார்கள் என்று மிட்செல் ஜான்சன் கூறியுள்ளார்.
சேனலை கிளிக் செய்து பின்தொடரவும்
