7 டூ 8.. ஜெர்சி நம்பரை திடீரென மாற்றிய 'தல' தோனி! பின்னணியில் இப்படி ஒரு காரணமா?

தோனி சர்வதேச போட்டிகளிலும் சரி, ஐபிஎல்லிலும் சரி 7ம் எண் ஜெர்சியை அணிந்து தான் பல சாதனைகளை படைத்துள்ளார். தான் பிறந்த தேதி 7 என்பதால் இந்த நம்பரை தேர்வு செய்ததாக தோனி அடிக்கடி கூறியுள்ளார். 

Image Credit : Asianet News

கூல் கேப்டன் தோனி

கிரிக்கெட் உலகில் 'கூல் கேப்டன்' என்று அழைக்கப்படும் தல தோனி படைக்காத சாதனைகளே இல்லை. இந்திய அணிக்காக மூன்று ஐசிசி கோப்பைகளை வென்ற ஒரே கேப்டன், ஐபிஎல்லில் அதிக கோப்பைகளை வென்ற கேப்டன் என தோனியின் சாதனைகளை சொல்லிக் கொண்டே போகலாம். கேப்டன்சியில் மட்டுமின்றி விக்கெட் கீப்பிங்கிலும், பேட்டிங்கிலும் பல சாதனைகளை படைத்த தோனி, ஐபிஎல் 2026 தொடரில் சிஎஸ்கே அணிக்காக களமிறங்க ஆயத்தமாக உள்ளார்.

Image Credit : our own

ஜெர்சி எண் 7ல் இருந்து 8க்கு மாறிய தோனி

44 வயதாகி விட்டதால் இதுதான் தோனியின் கடைசி ஐபிஎல் என கூறப்படும் நிலையில், அவரின் அதிரடியை காண ரசிகர்கள் வழிமேல் விழி வைத்து காத்துக் கொண்டிருக்கின்றனர். இந்த நிலையில், தோனி தனது டிரேட் ஜெர்சி நம்பர் 7ஐ மாற்றி விட்டு 8ம் எண் கொண்ட ஜெர்சியை அணியப்போவதாக கூறியுள்ளார். 

இது தொடர்பாக பேக்ஸ்புக் பக்கத்தில், ''சில எண்கள் நம்முடன் எப்போதும் நிலைத்திருக்கும். 7 எனக்கு அப்படிப்பட்ட ஒரு எண் தான். ஆனால் இன்று, நான் 8-க்கு மாறுகிறேன். அதற்கான காரணம் உங்களுக்கு விரைவில் தெரியும்'' என்று ட்விஸ்ட் வைத்துள்ளார்.

Image Credit : Getty

ஜெர்சி எண்ணை மாற்றியது ஏன்?

இந்த செய்தி காட்டுத்தீ போல் பரவி வரும் நிலையில், 'தோனி தனது ராசியான 7ம் நம்பரை மாற்ற மாட்டார். இது ஏதேனும் ஒரு புதிய பிராண்ட் அல்லது விளம்பரத்திற்கான புரமோஷன் ஆக இருக்கலாம். ஐபிஎல் தொடங்கும் சமயத்தில் அவர் இது போன்ற சுவாரசியமான வீடியோக்கள் வெளியாவது வழக்கம்'' என்று அவரது கூறி வருகின்றனர். தோனி கடந்த ஐபிஎஇல் சீசன்களில் பெரும்பாலும் 8வ‌து இடத்தில் பேட்டிங் செய்கிறார். இதை கிண்டலாக சுட்டிக்காட்டும் வகையில் இப்படி செய்திருக்கலாம் என சிலர் கூறுகின்றனர்.

Image Credit : our own

எண் கணித அடிப்படையா? ஜடேஜாவுக்கு மரியாதையா?

அதே வேளையில் சிஎஸ்கே அணியில் ஜெர்சி எண் 8 ரவீந்திர ஜடேஜா உடையது ஆகும். ஏற்கெனவே ஜடேஜாவை சிஸ்கேவில் தோனி தக்க வைக்க முயன்றும் அது நடக்காததால் ஜடேஜாவை முன்னிலைப்படுத்தும் வகையில் தோனி ஜெர்சி எண்ணை மாற்றி இருக்கலாம் எனவும் சிலர் தெரிவிக்கின்றனர். மேலும் எண் கணித நிபுணர்கள் சிலர் சிஎஸ்கே இந்த முறை கோப்பையை வெல்வதற்காக எண் கணித அடிப்படையில் 8ம் எண்ணுக்கு மாறியிருக்கலாம் எனவும் கொளுத்தி போடுகின்றனர்.

Image Credit : our own

சிஎஸ்கே போட்டியில் விடை தெரியும்

தோனி சர்வதேச போட்டிகளிலும் சரி, ஐபிஎல்லிலும் சரி 7ம் எண் ஜெர்சியை அணிந்து தான் பல சாதனைகளை படைத்துள்ளார். தான் பிறந்த தேதி 7 என்பதால் இந்த நம்பரை தேர்வு செய்ததாக தோனி அடிக்கடி கூறியுள்ளார். இப்படி இருக்கும்போது தோனி எதற்காக திடீரென ஜெர்சி எண்ணை மாற்றினார் என தெரியவில்லை. அவர் உண்மையிலேயே 8ம் எண்ணுக்கு மாறி விட்டாரா? இல்லை இது விளம்பர யுக்தியா? என்பது தோனி களத்தில் விளையாடும்போது தான் தெரியவரும்.