IPL Auction 2025: ஐபிஎல் வரலாற்றில் காஸ்ட்லி பாயாக மாறிய ரிஷப் பண்ட்: ரூ.27 கோடிக்கு ஏலம்

ஐபிஎல் 2025ம் ஆண்டுக்கான வீரர்கள் ஏலம் சவுதி அரேபியாவின் ஜெட்டா பகுதியில் நடைபெறுகிறது. இந்த மெகா ஏலத்தில் லக்னோ சூப்பர்ஜெயண்ட்ஸ் அணியால் வாங்கப்பட்ட இந்தியாவின் விக்கெட் கீப்பர்-பேட்ஸ்மேன் ரிஷப் பண்ட் இந்தியன் பிரீமியர் லீக்கில் அதிக விலை கொண்ட வீரர் ஆனார். 27 கோடிக்கு வாங்கப்பட்டார். 

இந்த ஆண்டு கேகேஆர் அணியை சாம்பியன் கோப்பையை பெற்று கொடுத்த கேப்டன் ஷ்ரேயாஸ் ஐயர் ரூ.26 கோடியே 75 லட்சத்துக்கு பஞ்சாப் கிங்ஸ் அணியில் இணைந்தார்.

பன்ட்டை ஏலத்தில் எடுப்பதற்கு சன்ரைசர்ஸ் ஹைதராபாத் மற்றும் லக்னோ இடையே கடும் போட்டி நிலவியது. லக்னோ கடைசியாக ரூ.27 கோடிக்கு ஏலம் எடுத்தது, டெல்லி கேபிடல்ஸ் போட்டிக்கான உரிமை அட்டையைப் பயன்படுத்தவில்லை.

முன்னதாக ஸ்ரேயாஸ் ஐயரை ரூ.26 கோடியே 75 லட்சத்துக்கு பஞ்சாப் கிங்ஸ் வாங்கியது. ஐயருக்காக டெல்லி கேப்பிட்டல்ஸ் மற்றும் பஞ்சாப் இடையே நீண்ட நேரம் போட்டி இருந்தது ஆனால் இறுதியில் பஞ்சாப் வெற்றி பெற்றது. கடந்த ஏலத்தில் ரூ.24 கோடியே 75 லட்சத்துக்கு கேகேஆர் அணியால் வாங்கப்பட்ட ஆஸ்திரேலிய வேகப்பந்து வீச்சாளர் மிட்செல் ஸ்டார்க்கின் சாதனையை ஐயர் முறியடித்திருந்தார்.

ஸ்டார்க்கை ரூ.11 கோடியே 75 லட்சத்துக்கு டெல்லி கேப்பிடல்ஸ் வாங்கியது.

இடது கை வேகப்பந்து வீச்சாளர் அர்ஷ்தீப் சிங் ரைட் டு மேட்ச் கார்டைப் பயன்படுத்தி ரூ.18 கோடிக்கு பஞ்சாப் அணியால் வாங்கப்பட்டார். சன்ரைசர்ஸ் ஹைதராபாத் கடைசியாக ரூ.18 கோடிக்கு ஏலம் எடுத்தது, அதை ஆர்டிஎம் மூலம் பஞ்சாப் சமன் செய்தது. சென்னை சூப்பர் கிங்ஸ் அணி முதலில் ஏலத்தில் இறங்கிய அர்ஷ்தீப்பை அடிப்படை விலையான ரூ.2 கோடிக்கு ஏலத்தில் எடுத்தது.

தென்னாப்பிரிக்காவின் வேகப்பந்து வீச்சாளர் ரபாடாவை ரூ.10 கோடியே 75 லட்சத்துக்கு குஜராத் டைட்டன்ஸ் அணி வாங்கியது.

இங்கிலாந்து அணியின் விக்கெட் கீப்பர் பேட்ஸ்மேன் ஜோஸ் பட்லரை குஜராத் டைட்டன்ஸ் அணி ரூ.15 கோடியே 75 லட்சத்துக்கு வாங்கியது.