வீரர்களுக்கு சம்பளத்தை அள்ளி அள்ளி கொடுத்த ஜெய்ஷாவுக்கு எவ்வளவு ஊதியம் தெரியுமா?

பிசிசிஐ செயலாளராக பொறுப்பு வகித்த ஜெய்ஷா தாம் வகித்த பதவிக்கு எவ்வளவு ஊதியம் பெற்று வந்தார் என்பதை இந்த தொகுப்பில் அறிந்து கொள்வோம். 

Jay Shah

இந்திய கிரிக்கெட் அணியில் ஒவ்வொரு வீரரின் தற்போதைய பார்ம் மற்றும் அவரது விளையாட்டு திறனை கணக்கிட்டு அவர்களுக்கான ஊதியத்தை நிர்ணயிப்பது. பிசிசிஐ.யின் செயலாளர் தான். அந்த வகையில் பிசிசிஐ.யின் செயலாளராக பொறுப்பு வகித்து ஊழியர்களுக்கு சம்பளத்தை கோடிகளில் அள்ளி கொடுத்த ஜெய் ஷா தனது பதவிக்காக எவ்வளவு ஊதியம் பெற்றார் என்று தெரியுமா?

வீரர்களுக்கு கோடி கோடியாக அள்ளி கொடுத்த ஜெய் ஷா தனது பதவிக்கு பிசிசிஐ.யிடம் அவர் சம்பளமே பெற்றதில்லை என்று சொன்னால் உங்களால் நம்ப முடிகிறதா? ஆம். அவர் செயலாளராக பதவி வகித்த போது அதற்கான ஊதியத்தை பெற்றதே கிடையாது. பொதுவாக பிசிசிஐ.யில் செயலாளர், துணை செயலாளர், பொருளாளர், தலைவர் என அனைத்து பதவிகளுக்கும் ஊதியமே கிடையாதாம். இவை அனைத்தும் கௌரவத்தின் அடிப்படையில் மேற்கொள்ளப்படுகிறதாம்.

ஆனால் இவர்களுக்கு ஊதியத்திற்கு பதிலாக அலவன்ஸ் வழங்கப்படுகிறது. செயலாளராக பொறுப்பு வகித்த ஜெய் ஷா பணி நிமித்தமாக எந்த நகரத்திற்கு சென்றாலும் நாள் ஒன்றுக்கு ரூ.30 ஆயிரம் வீதம் அலவன்ஸ் வழங்கப்பட்டுள்ளது. அதே போன்று பிசிசிஐ சார்பில் நாட்டில் எங்கு கூட்டம் நடைபெற்றாலும் அக்கூட்டத்திற் பங்கேற்றதற்காக அவருக்கு ரூ.40 ஆயிரம் வழங்கப்படுகிறது.

அதே போன்று வெளிநாடுகளில் நடைபெறும் கூட்டத்தில் அவர் பங்கேற்றால் அதற்காக ரூ.80 ஆயிரம் அலவென்சாக வழங்கப்படுகிறது. இந்நிலையில் தற்போது ஜெய் ஷா சர்வதேச கிரிக்கெட் வாரியத்தின் செயலாளராக போட்டி இன்றி தேர்வு செய்யப்பட்டுள்ளார். ஊதியம் தொடர்பான விவகாரங்களில் அங்கும் இதே போன்று தான் வழங்கப்படுகிறதாம். 

ஒவ்வொரு கூட்டத்திற்கும் அலவன்ஸ் வழங்கப்படும் நிலையில், அது தொடர்பான தெளிவான விவரங்கள் வெளியிடப்படவில்லை. ஆனால் ஐசிசி செயலாளருக்கு வழங்கப்படும் அலவன்ஸ் பிசிசிஐ செயலாளருக்கு வழங்கப்படும் தொகையைக் காட்டிலும் அதிகம் என்பது மட்டும் உண்மை.