ரிக்கி பாண்டிங் போனை கூட எடுக்காத ஷ்ரேயாஸ் ஐயர் – பஞ்சாப் அணிக்கு புதிய கேப்டனா?

IPL 2025 Auction Shreyas Iyer Punjab Kings : நடப்பு சாம்பியன் கொல்கத்தா நைட் ரைடர்ஸ் அணியின் கேப்டனாக இருந்த ஷ்ரேயாஸ் ஐயரை கேகேஆர் தக்க வைக்கவில்லை. அதிக தொகை கேட்டதாக அவர் விடுவிக்கப்பட்டதாக அணியின் உரிமையாளர் கூறியிருந்தார். எனினும், அவர் டெல்லி அல்லது பஞ்சாப் கிங்ஸ் அணியில் இடம் பெறுவார் என்று எதிர்பார்க்கப்பட்டது. அதன்படியே, இப்போது ஐபிஎல் 2025 மெகா ஏலத்தில் ரூ.26.75 கோடிக்கு பஞ்சாப் அணியில் இடம் பெற்றுள்ளார். கொல்கத்தா அணிக்கு ஐபிஎல் கோப்பையை வென்று கொடுத்த அனுபவம் வாய்ந்த கேப்டனை அணித்தலைவராக்கவே பஞ்சாப் அணி இவ்வளவு பெரிய தொகையை செலவிட்டுள்ளது என்பது தெளிவாகிறது.

ஆனால், ஐபிஎல் ஏலத்திற்கு முன்பு ஸ்ரேயாஸுடன் பஞ்சாப் அணி நிர்வாகம் எந்தவிதப் பேச்சுவார்த்தையும் நடத்தவில்லை. அணியின் பயிற்சியாளர் ரிக்கி பாண்டிங், ஏலத்திற்கு முன்பு ஸ்ரேயாஸைத் தொடர்பு கொள்ள முயற்சித்ததாகவும், ஆனால் அவர் தொலைபேசியை எடுக்கவில்லை என்றும் கூறினார். ரிஷப் பண்டை வாங்க பஞ்சாப் அணி முயலும் என்று பலரும் எதிர்பார்த்தனர். ஆனால், ஐபிஎல் ஏலத்தில் பஞ்சாப் அணி பண்டை வாங்க முயலவே இல்லை. மாறாக, ஸ்ரேயாஸ் ஐயரை வாங்கவே அதிகம் முயற்சித்தது.

ஸ்ரேயாஸை டெல்லி அணி வாங்க முயலும் என்பது ஏற்கனவே தெரிந்ததே. இதனால், ஸ்ரேயாஸின் விலை ரூ.26.75 கோடியாக உயர்ந்தது. ஆனால், பாண்டிங் டெல்லி அணியிடம் விட்டுக் கொடுக்கவில்லை. இறுதியில் ஸ்ரேயாஸை வாங்கியே விட்டார். ஆனால், ஸ்ரேயாஸ் ஐபிஎல் ஏலத்திற்கு முன்பு பாண்டிங்கின் தொலைபேசி அழைப்பை எடுக்கவில்லை என்பதுதான் ஆச்சரியம். பஞ்சாப் அணியின் பயிற்சியாளர் கூறுகையில், “கேப்டன்சி குறித்து ஸ்ரேயாஸுடன் எந்தப் பேச்சுவார்த்தையும் நடத்தவில்லை. ஏலத்திற்கு முன்பு அவருக்கு போன் செய்தேன். ஆனால் அவர் போனை எடுக்கவில்லை. ஸ்ரேயாஸ் ஐபிஎல்லில் வெற்றிகரமான கேப்டன். அவர் கேப்டன்சியையும் சிறப்பாகச் செய்வார் என்று நம்புகிறேன். மீண்டும் அவருடன் பணிபுரிய ஆவலுடன் இருக்கிறேன்”என்றார்.

பஞ்சாப் அணியில் இணைந்ததில் மகிழ்ச்சி அடைவதாக ஸ்ரேயாஸ் கூறினார். “பஞ்சாப் அணியில் இணைந்ததில் மகிழ்ச்சி. சீசன் தொடங்க ஆவலுடன் காத்திருக்கிறேன்” என்றார். ரூ.26.75 கோடிக்கு ஏலத்தில் எடுக்கப்பட்டார் ஸ்ரேயாஸ் ஐயர். பஞ்சாப் அணியின் கேப்டனாக நியமிக்கப்பட வாய்ப்புள்ளது.