IPL: கம்மின்ஸுக்கு என்னாச்சு? SRH கேப்டனானார் இஷான் கிஷன்.. அட! துணை கேப்டன் இவரா?

2026 ஐபிஎல் தொடர் தொடங்க இன்னும் சில நாட்களே உள்ள நிலையில், சன்ரைசர்ஸ் ஹைதராபாத் அணி, தனது தற்காலிக கேப்டன் மற்றும் துணை கேப்டனை அறிவித்துள்ளது. இது குறித்த முழு விவரங்களையும் இங்கே பார்க்கலாம்.

Image Credit : Getty

சன்ரைசர்ஸ் ஹைதராபாத் அணியின் கேப்டன் இஷான் கிஷன்

ஆஸ்திரேலிய வீரர் பேட் கம்மின்ஸ், 2026 ஐபிஎல் தொடரின் ஆரம்பப் போட்டிகளில் விளையாடமாட்டார். அதனால், அவருக்குப் பதிலாக விக்கெட் கீப்பர் பேட்ஸ்மேனான இஷான் கிஷன், சன்ரைசர்ஸ் ஹைதராபாத் அணியை வழிநடத்துவார் என சன்ரைசர்ஸ் நிர்வாகம் தெரிவித்துள்ளது. சன்ரைசர்ஸ் ஹைதராபாத் கேப்டனும், வேகப்பந்து வீச்சாளர் பேட் கம்மின்ஸ், முதுகு வலிப் பிரச்சனையிலிருந்து இன்னும் முழுமையாக மீளவில்லை என கூறப்பட்டுள்ளது.

Image Credit : ANI

முதுகு வலியால் அவதிப்படும் கம்மின்ஸ்

பேட் கம்மின்ஸ் அணிக்குத் திரும்பும் வரை, இஷான் கிஷன் கேப்டனாகவும், அபிஷேக் சர்மா துணை கேப்டனாகவும் செயல்படுவார்கள். கம்மின்ஸ் முழு உடற்தகுதியுடன் வந்தவுடன், அவரே கேப்டனாகத் தொடர்வார் என அணி நிர்வாகம் தெரிவித்துள்ளது. ஊடக அறிக்கைகளின்படி, பேட் கம்மின்ஸ் முதல் மூன்று போட்டிகளில் விளையாடமாட்டார் எனத் தெரிகிறது.

Image Credit : insta

சன்ரைசர்ஸ் ஹைதராபாத் அணி போட்டிகள்

சன்ரைசர்ஸ் ஹைதராபாத் அணி, மார்ச் 28 அன்று நடப்பு சாம்பியன் ராயல் சேலஞ்சர்ஸ் பெங்களூரு அணியை எதிர்கொள்கிறது. அதைத் தொடர்ந்து, ஏப்ரல் 2-ல் கொல்கத்தா நைட் ரைடர்ஸ் மற்றும் ஏப்ரல் 5-ல் லக்னோ சூப்பர் ஜெயண்ட்ஸ் அணிகளுடன் மோதவுள்ளது. பேட் கம்மின்ஸ் தலைமையில் சன்ரைசர்ஸ் ஹைதராபாத் அணி 30 போட்டிகளில் விளையாடி, 15-ல் வெற்றியும் 14-ல் தோல்வியும் கண்டுள்ளது. ஒரு போட்டிக்கு முடிவு எட்டப்படவில்லை. 2024 ஐபிஎல் தொடரில், கம்மின்ஸ் தலைமையில்தான் அணி இறுதிப்போட்டிக்கு முன்னேறியது. ஆனால், கொல்கத்தாவிடம் 6 விக்கெட் வித்தியாசத்தில் தோல்வியடைந்தது.

Image Credit : ANI

இஷான் கிஷன் தலைமை எப்படி இருக்கும்?

நூற்றுக்கும் மேற்பட்ட ஐபிஎல் போட்டிகளில் விளையாடியுள்ள இஷான் கிஷன், தற்போது நல்ல ஃபார்மில் இருக்கிறார். சையத் முஷ்டாக் அலி கோப்பையில், ஜார்கண்ட் அணியை முதல் முறையாக சாம்பியன் பட்டத்திற்கு வழிநடத்தினார். இப்போது, இவரது தலைமையில் சன்ரைசர்ஸ் ஹைதராபாத் எப்படிச் செயல்படும் என்பதைப் பொறுத்திருந்துதான் பார்க்க வேண்டும்.