எங்களுக்கு பயம் இல்ல.. ரன் மெஷின் இந்தியா.. டி20 உலககோப்பையில் பிரம்மாண்டமான சாதனை!

T20 World Cup Final Record: நடப்பு டி20 உலகக்கோப்பை அரையிறுதி போட்டியில் 250 ரன்களை கடந்திருந்த இந்திய அணி, இறுதிப்போட்டியிலும் 250 ரன்களை கடந்து அசத்தியுள்ளது.

Image Credit : Getty

இந்திய அணி இமாலய ரன்கள் குவிப்பு

டி20 உலகக்கோப்பை இறுதிப்போட்டியில் சஞ்சு சாம்சன், அபிஷேக் ஷர்மா, இஷான் கிஷன் ஆகியோரின் அதிரடி பேட்டிங்கால் இந்திய அணி 20 ஓவர்களில் 5 விக்கெட் இழந்து 255 ரன்கள் குவித்தது. சஞ்சு சாம்சனும், அபிஷேக் ஷர்மாவும் அதிரடி ஆட்டத்தை வெளிப்படுத்தினர். மோசமான பார்மால் விமர்சிக்கப்பட்ட அபிஷேக் ஷர்மா, இறுதிப்போட்டியில் 18 பந்துகளில் அரைசதம் அடித்து அசத்தினார். 52 ரன்களில் ஆட்டமிழந்தார்.

Image Credit : X@@ImTanujSingh

சஞ்சு சாம்சன் காட்டடி

சஞ்சு சாம்சன் சிக்ஸர் மழை பொழிந்து அதிரடி காட்டினார். இஷான் கிஷனுடன் இணைந்து அவர் வெறித்தனமான ஆட்டத்தை வெளிப்படுத்தினார். அவர் ஹாட்ரிக் அரைசதம் அடித்தார். இதன்மூலம், டி20 உலகக்கோப்பை நாக்-அவுட் போட்டிகளில் தொடர்ச்சியாக அரைசதம் அடித்த ஜாம்பவான்கள் பட்டியலில் இணைந்தார். 46 பந்துகளில் 89 ரன்கள் எடுத்து ஆட்டமிழந்த சஞ்சு சாம்சன், அரையிறுதி மற்றும் இறுதிப்போட்டி இரண்டிலுமே சதத்தை தவறவிட்டார்.

Image Credit : ANI

இஷான் கிஷானும் அதிரடி

மறுபுறம், இஷான் கிஷன் 25 பந்துகளில் 4 பவுண்டரிகள், நான்கு சிக்ஸர்களுடன் 54 ரன்கள் எடுத்து ஆட்டமிழந்தார். இந்தியா 15 ஓவர்களில் 200 ரன்களைக் கடந்தது. ஆனால், இஷான் கிஷன் விக்கெட்டுக்குப் பிறகு இந்தியா தொடர்ச்சியாக விக்கெட்டுகளை இழந்தது. இந்திய அணி 300 ரன்களை நெருங்கும் என எதிர்பார்த்த ரசிகர்கள் ஏமாற்றமடைந்தனர். கேப்டன் சூர்யகுமார் யாதவ் டக் அவுட் ஆனார். ஹர்திக் பாண்ட்யா 18 ரன்களில் வெளியேறினார். கடைசி கட்டத்தில் ஷிவம் துபே அதிரடியாக ஆடி 26 ரன்கள் எடுத்ததால், 5 விக்கெட் இழப்புக்கு 255 ரன்கள் எடுத்தது.

Image Credit : X/BCCI

டி20 உலககோப்பையில் வரலாற்று சாதனை

இதன்மூலம் டி20 உலகக்கோப்பை வரலாற்றின் இறுதிப்போட்டியில் அதிக ரன்கள் அடித்த அணி என்ற பெருமையை இந்தியா பெற்றது. நடப்பு டி20 உலகக்கோப்பை அரையிறுதி போட்டியில் 250 ரன்களை கடந்திருந்த இந்திய அணி, இறுதிப்போட்டியிலும் 250 ரன்களை கடந்து அசத்தியுள்ளது. மேலும் இந்த உலகக்கோப்பையில் இந்திய அணி 3 முறை 250 ரன்களுக்கு மேலாக எடுத்து சாதனை படைத்துள்ளது.