IND vs NZ: இது அடியா இல்ல இடியா.. கிவிஸ் பவுலர்களை கதற விட்ட அபிஷேக் சர்மா.. அரை சதத்தில் சாதனை!

நியூசிலாந்து பாஸ்ட் பவுலர்களை ஓட விட்ட அபிஷேக் சர்மா வெறும் 18 பந்துகளில் அரை சதம் கடந்து அசத்தினார். 6 பவுண்டரி, 3 சிக்சர்களுடன் அரை சதம் விளாசினார்.

Image Credit : Getty

இந்தியா, நியூசிலாந்து பைனல்

டி20 உலகக்கோப்பையில் கிரிக்கெட் ரசிகர்கள் ஆவலுடன் எதிர்பார்த்த இந்தியா, நியூசிலாந்து அணிகள் இடையிலான இறுதிப்போட்டி குஜராத் அகமதாபாத்தில் உள்ள நரேந்திர மோடி ஸ்டேடியத்தில் தொடங்கியுள்ளது. இந்த போட்டியில் டாஸ் வென்ற நியூசிலாந்து கேப்டன் மிட்செல் சாண்ட்னர் தங்கள் அணி முதலில் பவுலிங் செய்யும் என அறிவித்தார். அதன்படி இந்திய அணி முதலில் பேட்டிங் செய்தது.

Image Credit : ANI

அபிஷேக் சர்மா சிக்சர் மழை

தொடக்க வீரர்கள் சஞ்சு சாம்சனும், அபிஷேக் சர்மாவும் அதிரடியில் வெளுத்துக் கட்டினார்கள். சஞ்சு சாம்சன் வழக்கம்போல் கிளாசிக் ஷாட்களை ஆட, மறுமுனையில் மோசமான பார்மில் இருந்த அபிஷேக் சர்மாவும் பார்முக்கு திரும்பி சிக்சர் மழை பொழிந்தார். இந்திய அணி 5 ஓவரில் 50 ரன்களை கடந்தது. தொடர்ந்து நியூசிலாந்து பாஸ்ட் பவுலர்களை ஓட விட்ட அபிஷேக் சர்மா வெறும் 18 பந்துகளில் அரை சதம் கடந்து அசத்தினார். 6 பவுண்டரி, 3 சிக்சர்களுடன் அரை சதம் விளாசினார்.

Image Credit : ANI

அதிவேக அரை சதம்

21 பந்தில் 52 ரன்கள் எடுத்து ரச்சின் ரவீந்திரா பந்தில் கேட்ச் ஆனார். நடப்பு உலகக்கோப்பை தொடரில் ஒரு வீரரின் அதிவேக அரை சதம் இதுதான். அத்துடன் டி20 உலகக்கோப்பையில் இந்திய வீரர் ஒருவரின் அதிவேக அரை சதமும் இதுதான். நடப்பு உலகக்கோப்பை தொடரில் பார்ம் இன்றி தவித்த அபிஷேக் சர்மா 3 போட்டிகளில் டக் அவுட் ஆனார். ஆனாலும் அவர் திறமை மீது அணி நிர்வாகம் நம்பிக்கை வைத்திருந்தது. அந்த நம்பிக்கையை காப்பாற்றி இன்று முக்கியமான போட்டியில் இந்திய அணிக்கு கைகொடுத்து உதவி இருக்கிறார் அபிஷேக் சர்மா.