ஆரம்பிச்சு வச்ச யஷஸ்வி ஜெய்ஸ்வால், இஷான் கிஷான் – முடிச்சு கொடுத்த ரிங்கு – இந்தியா 235 ரன்கள் குவிப்பு!

ஆஸ்திரேலியாவிற்கு எதிரான 2ஆவது டி20 போட்டியில் முதலில் பேட்டிங் செய்த இந்திய அணி 20 ஓவர்களில் 4 விக்கெட்டுகள் இழப்பிற்கு 235 ரன்கள் குவித்தது.

India vs Australia 2nd T20 Match

இந்தியா மற்றும் ஆஸ்திரேலியாவிற்கு எதிரான 2ஆவது டி20 போட்டி தற்போது திருவனந்தபுரம் மைதானத்தில் நடந்து வருகிறது. இதில், முதலில் டாஸ் வென்ற ஆஸ்திரேலியா கேப்டன் மேத்யூ வேட் பவுலிங் செய்வதாக அறிவித்தார்.

இந்தியா - ஆஸ்திரேலியா 2ஆவது டி20

முதல் டி20 போட்டியில் 2 விக்கெட் வித்தியாசத்தில் தோல்வி அடைந்த ஆஸ்திரேலியா இந்தப் போட்டியில் வெற்றி பெற வேண்டும் என்பதற்காக கிளென் மேக்ஸ்வெல் மற்றும் ஆடம் ஜம்பாவை களத்தில் இறக்கியது.

Ishan Kishan

ஆனால், இந்திய அணியில் எந்த மாற்றமும் செய்யப்படவில்லை. அதன்படி யஷஸ்வி ஜெய்ஸ்வால் மற்றும் ருதுராஜ் கெய்க்வாட் இருவரும் களமிறங்கினர். இதில், தொடக்கம் முதலே அதிரடியாக விளையாடிய ஜெய்ஸ்வால் பவுண்டரியும், சிக்ஸரும் விளாசித் தள்ளினார். கிளென் மேக்ஸ்வெல் வீசிய 3ஆவது ஓவரில் மட்டும் 2 பவுண்டரி விளாசினார்.

Ruturaj Gaikwad

இதையடுத்து 4ஆவது ஓவரை சீன் அபாட் வீச வந்தார். அவரது ஓவரில் மட்டுமே 4, 4, 4, 6, 6 என்று வரிசையாக பவுண்டரியும், சிக்ஸருமாக விளாசி அந்த ஓவரில் 24 ரன்கள் எடுத்தார். இதன் மூலமாக இந்திய அணி 4 ஓவர்களில் 54 ரன்கள் எடுத்தது.

இஷான் கிஷான் - இந்தியா - ஆஸ்திரேலியா

தொடர்ந்து 6ஆவது ஓவரை நாதன் எல்லிஸ் வீச வந்தார். அவரது ஓவரிலும் ஹாட்ரிக் பவுண்டரி அடித்த ஜெய்ஸ்வால் 24 பந்துகளில் 53 ரன்கள் குவித்து சாதனை படைத்தார். அதாவது, டி20 போட்டியில் பவர்பிளே ஓவர்களில் அரைசதம் அடித்து அதிக ரன்கள் குவித்த ரோகித் சர்மா 50*(23) மற்றும் கேஎல் ராகுல் 50(19) சாதனையை முறியடித்து புதிய சாதனையை நிகழ்த்தினார். எனினும், அவர் 25 பந்துகளில் 9 பவுண்டரி, 2 சிக்ஸர் உள்பட 53 ரன்கள் குவித்து ஆட்டமிழந்தார்.

இஷான் கிஷான் 52 ரன்கள்

இவரைத் தொடர்ந்து வந்த இஷான் கிஷான் தன் பங்கிற்கு அதிரடி ஆட்டத்தை வெளிப்படுத்தினார். மேக்ஸ்வெல் ஓவரில் சிக்ஸ், பவுண்டரி அடுத்தடுத்து விளாசினார்.

ருதுராஜ் கெய்க்வாட்

கிஷான் 29 பந்துகளில் 51 ரன்கள் குவித்தார். இதன் மூலமாக டி20 போட்டியில் ஒரு விக்கெட் கீப்பராக 50 ரன்களுக்கு மேல் 3ஆவது முறையாக எடுத்து தோனி (2), ரிஷப் பண்ட் (2) சாதனையை முறியடித்துள்ளார்.

Suryakumar Yadav

கடைசியாக 32 பந்துகளில் 3 பவுண்டரி, 4 சிக்ஸ் உள்பட 52 ரன்கள் எடுத்து ஆட்டமிழந்தார். அதன் பிறகு வந்த சூர்யகுமார் யாதவ் வந்த வேகத்தில் 2 சிக்ஸ் விளாசி 19 ரன்கள் சேர்த்து ஆட்டமிழந்தார். ஒருபுறம் தொடக்க வீரராக களமிறங்கி நிதானமாக விளையாடிய ருதுராஜ் கெய்க்வாட் 39 பந்துகளில் 51 ரன்கள் அடித்த நிலையில், 43 பந்துகளில் 3 பவுண்டரி, 2 சிக்ஸர் உள்பட 58 ரன்கள் சேர்த்த நிலையில் ஆட்டமிழந்தார்.

IND vs AUS 2nd T20 Match

அதன் பிறகு ரிங்க் சிங் மற்றும் திலக் வர்மா இணைந்து கடைசியில் அதிரடியாக விளையாடினர். கடைசி கட்டத்தில் ரிங்கு சிங் 9 பந்துகளில் 2 சிக்ஸ், 4 பவுண்டரி உள்பட 31 ரன்கள் குவித்தார். திலக் வர்மா ஒரு சிக்ஸ் அடித்தார். இதன் மூலமாக இந்தியா 20 ஓவர்கள் முடிவில் 3 விக்கெட் இழப்பிற்கு 235 ரன்கள் குவித்தது.