அதிரடி மாற்றங்களுடன் களமிறங்கிய குஜராத் டைட்டன்ஸ் – டாஸ் வென்று பவுலிங் – GT ஜெயிக்க 50 சதவிகித வாய்ப்பு!

ராஜஸ்தான் ராயல்ஸ் அணிக்கு எதிரான 24ஆவது லீக் போட்டியில் டாஸ் வென்ற குஜராத் டைட்டன்ஸ் அணியின் கேப்டன் சுப்மன் கில் பவுலிங் தேர்வு செய்துள்ளார்.

RR vs GT, 24th IPL Match, Jaipur

ஐபிஎல் தொடரின் 24ஆவது லீக் போட்டியில் இன்று ராஜஸ்தான் ராயல்ஸ் மற்றும் குஜராத் டைட்டன்ஸ் அணிகள் மோதுகின்றன. இந்தப் போட்டி ராஜஸ்தானின் ஹோம் மைதானத்தில் நடைபெறுகிறது. இரவு 7 மணிக்கு டாஸ் போடப்பட இருந்தது.

Rajasthan Royals

ஆனால், மழை பெய்த நிலையில் டாஸ் போடுவதில் சிக்கல் ஏற்பட்டது. இதையடுத்து 10 நிமிடம் தாமதமாக டாஸ் போடப்பட்டது. இதில், டாஸ் வென்ற குஜராத் டைட்டன்ஸ் கேப்டன் சுப்மன் கில் பவுலிங் தேர்வு செய்தார். முதல் முறையாக இந்த சீசனில் மழை குறுக்கீடு ஏற்பட்டது என்பது குறிப்பிடத்தக்கது.

Gujarat Titans

இரு அணிகளிலும் மாற்றங்கள் செய்யப்பட்டுள்ளது. அதன்படி குஜராத் டைட்டன்ஸ் அணியில் மேத்யூ வேட் மற்றும் அபினவ் மனோகர் இருவரும் இடம் பெற்றுள்ளனர். மேலும், கேன் வில்லியம்சன் மற்றும் சரத் இருவரும் நீக்கப்பட்டுள்ளனர். இதே போன்று ராஜஸ்தான் ராயல்ஸ் அணியில் குல்தீப் சென் அணியில் இடம் பெற்றுள்ளார்.

24th IPL 2024, Jaipur

குஜராத் டைட்டன்ஸ்:

சுப்மன் கில் (கேப்டன்), சாய் சுதர்சன், விஜய் சங்கர், அபினவ் மனோகர், மேத்யூ வேட் (விக்கெட் கீப்பர்), ராகுல் திவேதியா, ரஷீத் கான், உமேஷ் யாதவ், ஸ்பென்சர் ஜான்சன், நூர் அகமது, மோகித் சர்மா.

ராஜஸ்தான் ராயல்ஸ்:

யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (கேப்டன்/விக்கெட் கீப்பர்), ரியான் பராக், துருவ் ஜூரெல், ஷிம்ரன் ஹெட்மயர், ரவிச்சந்திரன் அஸ்வின், டிரெண்ட் போல்ட், ஆவேஷ் கான், குல்தீப் சென், யுஸ்வேந்திர சஹால்.

RR vs GT Live Score

இதுவரையில் ராஜஸ்தான் ஹோம் மைதானத்தில் மோதிய 3 போட்டிகளிலும் வெற்றி கண்டுள்ளது. இது 4ஆவது போட்டி என்பதால், இந்தப் போட்டியிலும் ராஜஸ்தான் வெற்றி பெறுவதற்கு 50 சதவிகித வாய்ப்புகள் உள்ளது. இதற்கு காரணம் இரு அணிகளும் மோதிய 5 போட்டிகளில் 4ல் குஜராத் டைட்டன்ஸ் அணி வெற்றி பெற்றுள்ளது. ஒரு போட்டியில் ராஜஸ்தான் ராயல்ஸ் வெற்றி பெற்றுள்ளது.

RR vs GT 24th IPL Match

இந்த சீசனில் ராஜஸ்தான் ராயல்ஸ் விளையாடிய 4 போட்டிகளிலும் வெற்றி பெற்று புள்ளிப்பட்டியலில் நம்பர் 1 இடத்தில் கம்பீரமாக அமர்ந்துள்ளது. மேலும் பலம் வாய்ந்த மும்பை இந்தியன்ஸ் அணியை அதனுடைய சொந்த மண்ணில் வீழ்த்தியது. மேலும், ராயல் சேலஞ்சர்ஸ் பெங்களூரு, டெல்லி கேபிடல்ஸ், லக்னோ சூப்பர் ஜெயிண்ட்ஸ் ஆகிய அணிகளை வீழ்த்தியது.

Rajasthan Royals vs Gujarat Titans, 24th Match

இன்று குஜராத் டைட்டன்ஸ் அணியை எதிர்கொள்கிறது. இந்த சீசனில் குஜராத் டைட்டன்ஸ் விளையாடிய 5 போட்டிகளில் 2ல் மட்டுமே வெற்றி பெற்றுள்ளது. அதுவும் மும்பை இந்தியன்ஸ் மற்றும் சன்ரைசர்ஸ் ஹைதராபாத் அணியை தனது சொந்த மண்ணில் வீழ்த்தியது. மேலும், சொந்த மண்ணில் ஒரு போட்டியில் தோல்வியை தழுவியது. அதோடு அவே மைதானத்தில் நடந்த 2 போட்டிகளிலும் தோல்வியை தழுவியது.

இன்றும் அதே போன்று அவே மைதானத்தில் ராஜஸ்தான் ராயல்ஸ் அணியை எதிர்கொள்கிறது. இதில் வெற்றி பெறுவதற்கு 50 சதவிகித வாய்ப்புகள் இருக்கிறது. குஜராத் டைட்டன்ஸ் அணியில் பவுலிங் பலம் வாய்ந்த அணியாக திகழ்ந்தாலும், பேட்டிங்கில் சொதப்பி வருகிறது. பவுலிங்கில் நூர் அகமது, ரஷீத் கான், மோகித் சர்மா, உமேஷ் யாதவ், ஸ்பென்சர் ஜான்சன், தர்சன் நீல்கண்டே ஆகியோர் சிறப்பாக பவுலிங் செய்து வருகின்றனர்.

ஆனால், பேட்டிங்கில் சாய் சுதர்சன், கேன் வில்லியம்சன், ராகுல் திவேதியா, விஜய் சங்கர் ஆகியோர் தடுமாறுகின்றனர். இதே போன்று ராஜஸ்தான் ராயல்ஸ் அணியில் யஷஸ்வி ஜெய்ஸ்வால் தடுமாறி வருகிறார். அந்த அணி பவுலிங் மற்றும் பேட்டிங்கில் பலம் வாய்ந்த அணியாக திகழ்கிறது. ஆதலால், புள்ளிப்பட்டியலில் நம்பர் 1 இடம் பிடித்துள்ளது.