சிராஜ், பிரசித் கிருஷ்ணா மாஸ் சம்பவம்! இங்கிலாந்துக்கு தரமான பதிலடி கொடுத்த இந்திய அணி!

இந்தியாவுக்கு எதிரான 5வது டெஸ்ட் போட்டியில் இங்கிலாந்து அணி 247 ரன்களுக்கு ஆல் அவுட் ஆனது. சிராஜ், பிரசித் கிருஷ்ணா பவுலிங்கில் கலக்கினார்கள்.

Image Credit : X

England All Out For 247 Runs

இந்தியா, இங்கிலாந்து அணிகளுக்கு இடையிலான 5வது டெஸ்ட் போட்டி லண்டன் ஓவல் மைதானத்தில் நடைபெற்று வருகிறது. இந்தப் போட்டியில் முதலில் பேட்டிங் செய்த இந்திய அணி 224 ரன்களுக்கு ஆல் அவுட் ஆனது. கருண் நாயர் அரை சதம் (57 ரன்) அடித்து அசத்தினார். இங்கிலாந்து அணியின் பந்துவீச்சாளர் கஸ் அட்கின்சன் 5 விக்கெட்டுகளை வீழ்த்தினார். ஜோஷ் டங் 3 விக்கெட்டுகளைக் கைப்பற்றினார். பின்பு பேட்டிங் செய்த இங்கிலாந்து அணியும் 247 ரன்களுக்கு ஆல் அவுட் ஆனது.

Image Credit : ANI

சிராஜ், பிரசித் கிருஷ்ணா அபார பந்துவீச்சு

இங்கிலாந்து அணி முதல் விக்கெட்டுக்கு 92 ரன்கள் சேர்த்தது. பென் டக்கெட் 38 பந்தில் 43 ரன்கள் அடித்தார். சாக் க்ரொலி அதிரடி அரை சதம் (57 பந்தில் 64 ரன்கள்) விளாசி அவுட் ஆனார். ஆனால் அதன்பிறகு முற்றிலுமாக தடம் மாறியது. முகமது சிராஜ் மற்றும் பிரசித் கிருஷ்ணாவின் பந்துவீச்சை சமாளிக்க முடியாமல் இங்கிலாந்து வீரர்கள் அடுத்தடுத்து ஆட்டமிழந்தனர்.

இங்கிலாந்து அணி ஆல் அவுட்

ஆலி போப் (22), ஜோ ரூட் (29) விரைவில் வெளியேறினார்கள். இதேபோல் கடைசியில் ஜேக்கப் பெத்தேல் (6), ஜேமி ஸ்மித் (8), ஓவர்டென் (11) என அனைவரும் சொற்ப ரன்களில் ஆட்டமிழந்தனர். சூப்பர் அரை சதம் விளாசிய ஹாரி ப்ரூக் 53 ரன்னில் அவுட் ஆனார்.

 கிறிஸ் வோக்ஸ் காயம் காரணமாக வெளியேறியதால் இங்கிலாந்து அணி 247/9 என இருந்தபோது அவர்களின் இன்னிங்ஸ் முடிவுக்கு வந்தது. இந்திய அணியில் முகம்து சிராஜ், பிரசித் கிருஷ்ணா தலா 4 விக்கெட்டுகளை வீழ்த்தினார்கள். பின்பு இந்திய அணி 2வது இன்னிங்சில் பேட்டிங் செய்கிறது.

Image Credit : Getty

200 விக்கெட்டுகளை வீழ்த்தி சிராஜ் சாதனை

முகமது சிராஜ் அனைத்து வடிவங்களிலும் சர்வதேச கிரிக்கெட்டில் 200 விக்கெட்டுகளை எட்டியுள்ளார். ஐந்தாவது மற்றும் இறுதி டெஸ்டின் போது சிராஜ் இந்த மைல்கல்லை எட்டினார். சிராஜ் 101 போட்டிகளில் 29.06 சராசரியிலும் 4.11 எகானமியிலும் 202 விக்கெட்டுகளை வீழ்த்தியுள்ளார். ஆஸ்திரேலியாவில் 6/15 என்ற சிறந்த பந்துவீச்சை பதிவு செய்துள்ளார்.

Image Credit : Getty

அதிக விக்கெட்டுகளை வீழ்த்திய பவுலர்

நடந்து வரும் இங்கிலாந்து தொடரில் சிராஜ் அதிக விக்கெட்டுகளை வீழ்த்திய பந்து வீச்சாளராக உள்ளார்; ஐந்து போட்டிகளில் 37.17 சராசரியிலும் 4.13 எகானமியிலும் 17 விக்கெட்டுகளை வீழ்த்தியுள்ளார், 6/70 என்ற சிறந்த பந்துவீச்சை பதிவு செய்துள்ளார். 5வது டெஸ்ட்டில் சிராஜ் இங்கிலாந்து கேப்டன் ஆலி போப், நம்பர் 1 டெஸ்ட் பேட்ஸ்மேன் ஜோ ரூட் மற்றும் ஜேக்கப் பெத்தல், ஆகியோரை எல்பிடபிள்யூ முறையில் வீழ்த்தினார்.