கிரிக்கெட்டில் 'பேஸ்பால்' விதி: பேட்ஸ்மேன்களுக்கு இனி ஜாக்பாட்!
கிரிக்கெட்டில் மீண்டும் ஒரு புதிய விதிமுறை வரவிருக்கிறது. ஆஸ்திரேலியாவின் புகழ்பெற்ற பிக் பேஷ் லீக்கில் இது அறிமுகமாகிறது. ரிக்கி பாண்டிங் போன்ற ஜாம்பவான்கள் இந்த புதிய விதியை பாராட்டியுள்ளனர். இது பேட்ஸ்மேன்களின் கிரிக்கெட் வாழ்க்கையை நீட்டிக்கும்.
கிரிக்கெட்டில் மாறும் விதிகள்
கிரிக்கெட் உலகளவில் அதிக ரசிகர்களைக் கொண்ட ஒரு விளையாட்டு. குறிப்பாக இந்தியா, ஆஸ்திரேலியா, இங்கிலாந்து போன்ற நாடுகளில் இதற்கு பெரும் வரவேற்பு உள்ளது. கிரிக்கெட்டில் பல விதிகள் மாற்றப்பட்டுள்ளன. நவீன கிரிக்கெட்டில் பல மாற்றங்கள் வந்துவிட்டன. அந்த வகையில் மீண்டும் ஒரு புதிய விதி வரவுள்ளது.
BBL-ல் வரவிருக்கும் புதிய விதி
ஆஸ்திரேலியாவின் புகழ்பெற்ற டி20 லீக்கான பிக் பேஷ் லீக்கில் (BBL) 2025-26 சீசனில் இருந்து ஒரு புதிய விதி வரவுள்ளது. இதன்படி, டெசிக்னேட்டட் ஹிட்டர் (பேட்டிங் மட்டும்) மற்றும் டெசிக்னேட்டட் ஃபீல்டர் (ஃபீல்டிங் மட்டும்) என வீரர்கள் பிரிக்கப்படுவார்கள். இந்த விதி பேட்ஸ்மேன்களுக்கு மிகவும் சாதகமாக இருக்கும்.
புதிய விதியின் நோக்கம் என்ன?
அதிரடி பேட்ஸ்மேன்களை நீண்ட காலம் லீக்கில் தக்க வைப்பதே இதன் நோக்கம். ஃபீல்டிங்கின் போது ஏற்படும் காயங்களைத் தவிர்த்து, பேட்ஸ்மேன்கள் தங்கள் அணிக்கு அதிக காலம் பங்களிக்க இது உதவும். மேலும், பேட்ஸ்மேன்கள் பேட்டிங்கில் மட்டுமே கவனம் செலுத்த முடியும். இந்த விதி பேஸ்பால் விளையாட்டிலிருந்து எடுக்கப்பட்டது.
மூத்த வீரர்களுக்கு அதிக நன்மை
இந்த விதியால் கிறிஸ் லின், மிட்செல் மார்ஷ் போன்ற மூத்த வீரர்களின் கிரிக்கெட் வாழ்க்கை நீட்டிக்கப்படலாம். வயது கூடும்போது ஃபீல்டிங்கில் காயம் ஏற்படும் அபாயம் அதிகம். எனவே, இந்த விதி அவர்களுக்கு மிகவும் பயனுள்ளதாக இருக்கும். அவர்கள் பேட்டிங்கில் மட்டும் முழுமையாக கவனம் செலுத்த முடியும்.
Designated batter Fielder விதி என்றால் என்ன?
இந்த விதியின் கீழ் பேட்ஸ்மேன் மற்றும் ஃபீல்டர் இருவருக்கும் பந்துவீச அனுமதி இல்லை. ஒரு அணி விரும்பினால், வழக்கமான 11 வீரர்களுடன் களமிறங்கலாம். டெசிக்னேட்டட் ஃபீல்டர் விக்கெட் கீப்பராக செயல்படலாம். ரிக்கி பாண்டிங், கிளென் மேக்ஸ்வெல் போன்ற ஜாம்பவான்கள் இந்த விதியை பாராட்டியுள்ளனர்.
