ஐசிசி சாம்பியன்ஸ் டிராபிக்கு பிறகு ரோகித் சர்மா ஓய்வு? யஷஸ்வி ஜெய்ஸ்வால் புதிய கேப்டனா?

Rohit Sharma Retirement Plan after ICC Champions Trophy 2025 : ஐசிசி சாம்பியன்ஸ் டிராபி தொடங்க இருக்கும் நிலையில் ரோகித் சர்மாவின் எதிர்காலம் குறித்து பிசிசிஐ கேள்வி எழுப்ப தொடங்கியிருக்கிறது. அதுமட்டுமின்றி ஒரு நாள் மற்றும் டெஸ்ட் தொடருக்கான கேப்டனுக்கான தேடலில் பிசிசிஐ இறங்கியிருக்கிறது.

ஐசிசி சாம்பியன்ஸ் டிராபிக்கு பிறகு ரோகித் சர்மா ஓய்வு? கேப்டனுக்கான தேடலில் பிசிசிஐ!

ஒருநாள் மற்றும் டெஸ்ட் போட்டிகளுக்கான இந்திய அணியின் கேப்டன் ரோஹித் சர்மாவிடம், 2025 சாம்பியன்ஸ் டிராபிக்குப் பிறகு தனது எதிர்காலத் திட்டங்கள் குறித்து தெளிவுபடுத்தும்படி இந்திய கிரிக்கெட் கட்டுப்பாட்டு வாரியம் (பிசிசிஐ) கேட்டுக் கொண்டுள்ளதாகத் தகவல்கள் தெரிவிக்கின்றன. பிப்ரவரி 6, வியாழக்கிழமை நாளை நாக்பூரில் உள்ள விதர்பா கிரிக்கெட் சங்க (விசிஏ) மைதானத்தில் நடைபெறும் 3 போட்டிகள் கொண்ட ஒருநாள் தொடரின் முதல் போட்டியில் இந்திய அணி இங்கிலாந்து அணியுடன் மோதும் போது, ரோகித் மற்ற மூத்த வீரர்களுடன் சர்வதேச கிரிக்கெட்டுக்கு திரும்புவார்.

ஐசிசி சாம்பியன்ஸ் டிராபிக்கு பிறகு ரோகித் சர்மா ஓய்வு?

இங்கிலாந்துக்கு எதிரான டி20 தொடரை 4-1 என்ற கணக்கில் வென்றதைத் தொடர்ந்து, ஜோஸ் பட்லர் தலைமையிலான அணிக்கு எதிரான மூன்று போட்டிகள் கொண்ட ஒருநாள் தொடருக்கு இந்தியா தயாராகி வருகிறது. பிப்ரவரி 19 முதல் மார்ச் 9 வரை நடைபெறவுள்ள 2025 சாம்பியன்ஸ் டிராபிக்கான இந்திய அணிக்கான இந்த ஒருநாள் தொடர் மிகவும் முக்கியமானது. இருப்பினும், இந்த முக்கியமான போட்டி தொடங்குவதற்கு முன்பே எதிர்காலத்தைப் பற்றி சிந்திக்கத் தொடங்கியுள்ள பிசிசிஐ, போட்டிக்குப் பிறகு தனது எதிர்காலத் திட்டங்கள் குறித்து தெளிவுபடுத்தும்படி ரோகித் சர்மாவைக் கேட்டுக் கொண்டுள்ளது. 

டெஸ்ட் மற்றும் ஒருநாள் கேப்டனுக்கான தேடலில் பிசிசிஐ

டைம்ஸ் ஆஃப் இந்தியா செய்தியின்படி, அஜித் அகர்கர் தலைமையிலான பிசிசிஐ தேர்வுக் குழு 2027 உலகக் கோப்பைக்கான திட்டங்களைச் செயல்படுத்தவும், டெஸ்ட் கிரிக்கெட்டுக்கான மாற்ற செயல்முறையைத் தொடங்கவும் ஆர்வமாக உள்ளது. எனவே, டெஸ்ட் மற்றும் ஒருநாள் கிரிக்கெட் என்று 2 வடிவங்களிலும் இந்திய அணியை வழிநடத்த ஒரு நிலையான கேப்டனைத் தேர்வாளர்கள் தேடுகின்றனர்.

கடந்த சில மாதங்களாக டெஸ்ட் போட்டிகளில் ரோகித் சர்மாவின் ரொம்பவே மோசமாகவே இருந்துள்ளது. ஆஸ்திரேலியா சென்ற ரோகித் சர்மா தலைமையிலன இந்திய அணி 5 போட்டிகள் கொண்ட பார்டர் கவாஸ்கர் டிராபி தொடரை 1-3 என்று இழந்து மோசமான சாதனை படைத்தது. பார்டர்-கவாஸ்கர் டிராபி தொடரில் ஐந்து இன்னிங்ஸ்களில் 6.2 என்ற மோசமான சராசரியுடன் 31 ரன்கள் மட்டுமே எடுத்தார். 

டெஸ்ட் தொடருக்கு ஜஸ்ப்ரித் பும்ரா நிரந்தர கேப்டனா?

பிசிசிஐ மதிப்பாய்வுக் கூட்டத்தின் போது ரோகித் சர்மாவின் எதிர்காலம் குறித்து விவாதிக்கப்பட்டது என்றும், இந்திய கேப்டனிடம் தனது எதிர்காலத் திட்டங்கள் குறித்து தெரிவிக்குமாறு வாரிய அதிகாரிகள் கேட்டுக் கொண்டதாகவும் பிசிசிஐ வட்டாரங்கள் தெரிவித்தன. கடைசி தேர்வுக் குழு கூட்டத்தின் போது தேர்வாளர்கள் மற்றும் வாரியத்தில் உள்ளவர்கள் ரோகித்துடன் இந்த விவாதத்தை நடத்தினர். சாம்பியன்ஸ் டிராபிக்குப் பிறகு தனது எதிர்காலத்தை எவ்வாறு திட்டமிட விரும்புகிறார் என்பதை அவர் முடிவு செய்ய வேண்டும் என்று அவருக்குத் தெரிவிக்கப்பட்டுள்ளது.

அடுத்த உலக டெஸ்ட் சாம்பியன்ஷிப் (WTC) சுழற்சி மற்றும் ஒருநாள் உலகக் கோப்பைக்குச் செல்லும்போது அணி நிர்வாகத்திடம் சில திட்டங்கள் உள்ளன என்று பிசிசிஐ வட்டாரங்கள் டைம்ஸ் ஆஃப் இந்தியாவிடம் தெரிவித்தன. 2023 ஒருநாள் உலகக் கோப்பை இறுதிப் போட்டியில் ஆஸ்திரேலியாவிடம் இந்தியா தோல்வியடைந்த பிறகு, ரோகித் சர்மா குறுகிய வடிவ கிரிக்கெட்டில் அதிகம் விளையாடவில்லை.

ரிஷப் பண்ட், யஷஸ்வி ஜெய்ஸ்வால்? யார் அடுத்த கேப்டன்?

கடந்த ஆண்டு வெஸ்ட் இண்டீஸ் மற்றும் அமெரிக்காவில் நடைபெற்ற டி20 உலகக் கோப்பை தொடரில் ரோகித் சர்மா தலைமையிலான இந்திய அணி டிராபியை கைப்பற்றி புதிய சரித்திரம் படைத்தது. இந்த தொடருக்கு பிறகு ரோகித் சர்மா, விராட் கோலி மற்றும் ரவீந்திர ஜடேஜா ஆகியோர் டி20 கிரிக்கெட்டிலிருந்து ஓய்வு பெறுவதாக அறிவித்தனர். இதே போன்று ஆஸிக்கு எதிரான டெஸ்ட் தொடரில் அவரது ஃபார்மை பார்த்து அவர் ஓய்வு பெறுவார் என்று கூறப்பட்டது. ஆனால், அவர் ஓய்வு குறித்து அறிவிக்கவில்லை.

கடந்த ஓராண்டாக டெஸ்ட் கிரிக்கெட்டில் சீரற்ற ஆட்டத்திறன் காரணமாக, ஜூலையில் நடைபெறும் இங்கிலாந்து டெஸ்ட் தொடருக்கு ரோகித் சர்மா தேர்ந்தெடுக்கப்பட வாய்ப்பில்லை என்று முன்னதாகத் தகவல்கள் வெளியாகின. டெஸ்ட் கிரிக்கெட் மற்றும் ஒருநாள் போட்டிகளில் நீண்டகால தொடக்க ஆட்டக்காரர்களை பிசிசிஐ தேர்வாளர்கள் தேடி வருவதாகத் தகவல்கள் தெரிவிக்கின்றன. 

டெஸ்ட் மற்றும் ஒருநாள் கேப்டனுக்கான தேடலில் பிசிசிஐ

கேப்டன்சி பற்றிப் பேசுகையில், ஜஸ்ப்ரித் பும்ராவின் பெயர் தேர்வாளர்களின் பார்வையில் உள்ளது. ஆனால் அவரது காயம் காரணமாக டெஸ்ட் போட்டிகளில் ரோகித் சர்மாவிற்கு பதிலாக அவரை முழு நேர கேப்டனாக்க எந்த சாத்தியக் கூறுகளும் இல்லை. யஷஸ்வி ஜெய்ஸ்வால் போன்ற ஒருவரை டெஸ்ட் கிரிக்கெட்டில் இந்திய அணியை வழிநடத்த பிசிசிஐ தேர்வுக் குழு தயார்படுத்தி வருவதாக கூறப்படுகிறது.

ஐசிசி சாம்பியன்ஸ் டிராபிக்கு பிறகு ரோகித் சர்மா ஓய்வு? கேப்டனுக்கான தேடலில் பிசிசிஐ!

பும்ராவால் நீண்ட டெஸ்ட் தொடர் முழுவதிலும் விளையாட முடியுமா என்பது சந்தேகம் தான். இதன் காரணமாக சுப்மன் கில் ஒரு கேப்டன்சி வாய்ப்புள்ளவராகக் கருதப்படுகிறார், ஆனால் டெஸ்ட் கிரிக்கெட்டில் அவரது ஃபார்ம் சராசரியாக உள்ளது. ரிஷப் பண்ட் ஒரு வலுவான பேட்ஸ்மேனாக இருக்கலாம், யஷஸ்வி ஜெய்ஸ்வால் போன்ற ஒருவரை இந்தப் போட்டிக்கு தயார்படுத்தலாம் என்று டைம்ஸ் ஆஃப் இந்தியா செய்தியில் குறிப்பிடப்பட்டுள்ளது.