- Home
- Spiritual
- Vastu Tips: எந்த காரணம் கொண்டும் இந்த 5 பொருட்களை கடன் வாங்காதீங்க.. குடும்பத்தில் தரித்திரம் பிடிக்குமாம்.!
Vastu Tips: எந்த காரணம் கொண்டும் இந்த 5 பொருட்களை கடன் வாங்காதீங்க.. குடும்பத்தில் தரித்திரம் பிடிக்குமாம்.!
வாஸ்து சாஸ்திரம் மற்றும் ஆன்மீகத்தின் படி சில பொருட்களை நாம் பிறரிடம் இருந்து கடனாகப் பெறக்கூடாது என்று கூறப்படுகிறது. அந்த பொருட்கள் என்ன? என்பது குறித்து இந்த பதிவில் பார்க்கலாம்.
பிறரிடம் கடனாக வாங்கக்கூடாத 5 பொருட்கள்
வாஸ்து சாஸ்திரம் மற்றும் ஆன்மீகத் தகவல்கள் நம் வாழ்வில் நேர்மறை ஆற்றல்களையும், செழிப்பையும் பராமரிக்க உதவும் வழிகாட்டிகளாக விளங்கி வருகின்றன. இவை இரண்டுமே சில பொருட்களை கடனாக கொடுப்பது அல்லது கடனாக வாங்குவது வாழ்க்கையில் எதிர்மறை விளைவுகளை ஏற்படுத்தும் என்று கூறுகின்றன. இந்த பொருட்கள் ஆற்றல் பரிமாற்றுத்துடன் தொடர்புடையவை என்பதால், அவற்றை கவனமாக கையாள வேண்டும் என்று அறிவுறுத்தப்படுகிறது. வாஸ்து சாஸ்திரம் மற்றும் ஆன்மீகத்தின் அடிப்படையில் கடன் வாங்கக்கூடாத 5 பொருட்கள் குறித்து பார்க்கலாம்.
1.பணம்
வாஸ்து சாஸ்திரத்தின் படி பணம் செல்வத்தின் அடையாளமாகவும், லக்ஷ்மி தேவியின் அம்சமாகவும் கருதப்படுகிறது. பணத்தை கடனாக வாங்குவது, கொடுப்பது செல்வத்தின் ஓட்டத்தை தடை செய்யலாம். ஆன்மீக ரீதியாக பணம் ஒரு புனிதமான ஆற்றல் பரிமாற்றக் கருவியாக கருதப்படுகிறது. கடன் வாங்குவது உங்கள் தனிப்பட்ட ஆற்றலை மற்றவுடன் பிணைக்கிறது. இதனால் உங்கள் நிதி ஸ்திரத்தன்மை பாதிக்கலாம். மேலும் கடன் வாங்குவதால் நீங்கள் மனரீதியாகவும் பாதிக்கப்படலாம். கடனால் பிறரை சார்ந்த இருப்பதால் உங்கள் சுயமரியாதையும் தன்னம்பிக்கையும் குறையலாம். பணத்தை கடனாக வாங்குவது உங்களின் செல்வ ஆற்றலை குறைத்து நிதி நெருக்கடிகளை ஏற்படுத்தலாம். உங்கள் தேவைகளை சுயமாக நிர்வகிக்க முயற்சிப்பது நேர்மறை ஆற்றலை பராமரிக்க உதவும்.
2.உப்பு
வாஸ்து சாஸ்திரத்தின் படி உப்பு நேர்மறை மற்றும் எதிர்மறை ஆற்றல்களை உறிஞ்சும் தன்மை கொண்டதாக கருதப்படுகிறது. வீட்டில் உள்ள எதிர்மறை ஆற்றலை அகற்றுவதற்கு உப்பு பயன்படுத்தப்படுகிறது. உப்பை கடனாக வாங்குவது மற்றவர்களின் எதிர்மறை ஆற்றலை உங்கள் வீட்டிற்குள் கொண்டு வரலாம். வாஸ்துபடி உப்பை வாங்கும் பொழுது அதை உங்களின் சொந்த பணத்தால் வாங்க வேண்டும். இதனால் அதன் ஆற்றல் தூய்மையாக இருக்கும். ஆன்மீகத்திலும் உப்பு உடலையும், மனதையும் சுத்திகரிக்கும் பொருளாக கருதப்படுகிறது. ஆன்மீக கண்ணோட்டத்தில் உப்பை கடனாக வாங்குவது மற்றவர்களின் கர்மாவுடன் உங்களை இணைக்கும் என்று கூறப்படுகிறது. கடனாக வாங்கப்பட்ட உப்பு வீட்டில் எதிர்மறை ஆற்றலை பரப்பலாம். இது குடும்ப உறுப்பினர்களிடையே மனக்கசப்பு அல்லது மோதல்களை உருவாக்கலாம்.
3.நகைகள்
வாஸ்து சாஸ்திரத்தின் படி தங்கம் மற்றும் வெள்ளி செல்வ செழிப்பை குறிக்கின்றன. இவை வீட்டின் வடக்கு அல்லது வடகிழக்கு திசையில் வைக்கப்பட வேண்டும். இதனால் செல்வத்தின் ஆற்றல் பெருகும். இந்த நகைகளை கடனாக வாங்குவது உங்கள் வீட்டின் செல்வ ஆற்றலை மற்றவர்களுடன் பகிர்ந்து கொள்வதற்கு சமம். இது நிதி இழப்பை ஏற்படுத்தக்கூடும். ஆன்மீக ரீதியாக தங்கம் லட்சுமிதேவியையும், வெள்ளி சந்திரனையும் குறிக்கிறது. இதை கடனாக வாங்கும் பொழுது உங்கள் மன அமைதியும், செல்வமும் பாதிக்கப்படலாம். நகைகள் ஒருவரின் தனிப்பட்ட ஆற்றலுடன் தொடர்புடையவை. அவற்றை கடனாக வாங்கும் பொழுது அவர்களின் எதிர்மறை ஆற்றல் உங்களுக்குள் கொண்டு வரப்படலாம். நகைகளை கடனாக வாங்குவது செல்வ ஆற்றலை பலவீனப்படுத்தி, நிதி ஸ்திரத்தன்மையை குறைக்கும். எனவே எக்காரணம் கொண்டும் நகைகளை கடனாக வாங்குதல் கூடாது.
4.அரிசி
வாஸ்து சாஸ்திரத்தின் படி அரிசி செல்வம், செழிப்பு, வளம், மகிழ்ச்சியின் அடையாளமாக கருதப்படுகிறது. இது வீட்டின் சமையல் அறையில் தென்கிழக்கு திசையில் சரியாக சேமிக்கப்பட வேண்டும். இதனால் வீட்டின் செல்வத்தின் ஆற்றல் பராமரிக்கப்படும். அரிசியை கடனாக வாங்குவது வீட்டின் வளத்தை மற்றவுடன் பகிர்ந்து கொள்வதற்கு சமம். இது நிதி சார்ந்த நெருக்கடிகளை ஏற்படுத்தலாம். ஆன்மீகத்தின்படி அரிசி புனிதமான பொருளாகவும் தெய்வங்களுக்கு படையலாகவும் பயன்படுத்தப்படுகிறது. இதை கடனாக வாங்குவது வீட்டில் ஆன்மீக ஆற்றலை குறைத்து, குடும்பத்தில் துரதிஷ்டத்தை ஏற்படுத்தக்கூடும். அரிசி என்பது உங்கள் சொந்த முயற்சியால் வாங்கப்பட வேண்டும். இதனால் அதன் ஆற்றல் தூய்மையானதாக இருக்கும். அரிசியை கடனாக வாங்கும் பொழுது வீட்டில் மகிழ்ச்சி குறைந்து, குடும்ப உறுப்பினர்களிடையே புரிதலின்மையையும், நிதி சிக்கல்களையும் ஏற்படுத்தலாம்.
5.புனித பொருட்கள்
வாஸ்து சாஸ்திரத்தில் புனித பொருட்களான விளக்கு, பூஜை மணிகள், அகல் விளக்கு மற்றும் பிற பூஜைப் பொருட்கள் ஆன்மீக ஆற்றலை உயர்த்த உதவுகின்றன. இவை வடகிழக்கு திசையில் உள்ள பூஜை அறையில் வைக்கப்பட வேண்டும். இந்த பொருட்களை கடனாக வாங்குவது வீட்டில் தெய்வீக ஆற்றலை மற்றவருடன் பகிர்ந்து கொள்வதற்கு சமம். இது எதிர்மறை விளைவுகளை ஏற்படுத்தலாம். ஆன்மீக ரீதியாக பூஜைப் பொருட்கள் தெய்வீக ஆற்றலுடன் தொடர்புடையவை. இவற்றை கடனாக வாங்குவது மற்றவருடைய கர்மாவை உங்களுடன் கலக்கச் செய்யலாம். இது பிரார்த்தனைகளின் தூய்மையை பாதிக்கலாம். மன அமைதியையும், ஆன்மீக வளர்ச்சியையும் தடை செய்யலாம். உங்கள் வீட்டின் ஆன்மீக செழிப்பை பலவீனப்படுத்தி, குடும்பத்தில் மனக்குழப்பம், துரதிஷ்டம் ஆகியவற்றை ஏற்படுத்தலாம். எனவே பூஜை பொருட்களை பிறருடன் பகிர்ந்து கொள்ளுதல் கூடாது.
(குறிப்பு: வாஸ்து சாஸ்திரமும் ஆன்மீகமும் நமக்கு முக்கிய பாடத்தை கற்றுத் தருகின்றன. நம் வாழ்க்கையில் பயன்படுத்தப்படும் பொருட்கள் ஆற்றலுடன் தொடர்புடையவை. அவற்றை கவனமாக கையாள வேண்டும். மேலே குறிப்பிடப்பட்ட ஐந்து பொருட்களை கடனாக வாங்குவதை தவிர்க்க வேண்டும். இது உங்கள் வீட்டில் நேர்மறை ஆற்றலை பராமரிக்கவும், மகிழ்ச்சியையும், செழிப்பையும் உறுதி செய்ய உதவும். இந்தப் பொருட்களை உங்கள் சொந்த முயற்சியால் வாங்குவது உங்கள் ஆன்மீக மற்றும் நிதி வளர்ச்சிக்கு பங்களிக்கும். இந்த தகவல்கள் ஆன்மீக மற்றும் வாஸ்து சாஸ்திர நம்பிக்கையின் அடிப்படையில் பெறப்பட்டவை மட்டுமே. இதற்கு அறிவியல் பூர்வ விளக்கம் எதுவும் இல்லை. எனவே இதன் நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
